Lucky Bhaskar Box Office Collection :కోలీవుడ్ స్టార్ హీరోదుల్కర్‌ సల్మాన్‌ లీడ్ రోల్లో వెంకీ అట్లూరి తెరకెక్కించిన 'లక్కీ భాస్కర్' మూవీ ప్రస్తుతం పాజిటివ్ టాక్తో థియేటర్లలో రన్ అవుతోంది. ఈనేపథ్యంలోనే తాజాగా మేకర్స్ ఫస్ట్డే కలెక్షన్స్ వివరాలను రివీల్ చేశారు. చిత్ర నిర్మాణసంస్థ సితార ఎంటర్‌టైన్‌మెంట్స్‌ ఓ స్పెషల్ పోస్టర్ ద్వారా ఈ విషయాన్ని వెల్లడించారు. దాని ప్రకారం ఈ చిత్రం ప్రపంచవ్యాప్తంగా తొలిరోజు రూ.12.7 కోట్లకు పైగా గ్రాస్‌ వసూలుచేసిందని తెలుస్తోంది.
1980-90స్లో బ్యాంకింగ్‌ సెక్టార్‌ నేపథ్యంలో ఈ చిత్రాన్ని రూపొందించారు. భాస్కర్ అనే మిడిల్ క్లాస్ ఫ్యామిలీకి చెందిన ఓ సాధారణ బ్యాంక్ ఉద్యోగి. అయితే కుటుంబ బాధ్యతలు నెరవేర్చడం కోసం ఎలాంటి రిస్క్‌ చేశాడనే కాన్సెప్ట్తో ఈ కథను రూపొందించారు. రెట్రో లుక్లో దుల్కర్ అదరగొట్టగా, భాస్కర్ సతీమణి సుమతిగా స్టార్ హీరోయిన్ మీనాక్షి చౌదరి నటించి ప్రేక్షకులను మెప్పించారు. ఇక ఈ సినిమాలోని పాటలు కూడా ఆడియెన్స్ను ఆకట్టుకున్నాయని సమాచారం.
'క' మూవీ డే 1 కలెక్షన్స్ ఎంతంటే?
మరోవైపు 'లక్కీ భాస్కర్'తో పాటు దీపావళి కానుకగా విడుదలైన కిరణ్ అబ్బవరం 'క' కూడా మంచి టాక్ అందుకుంది. ఇక ఈ మూవీ టీమ్ కూడా తమ చిత్ర తొలిరోజు వసూళ్లను తాజాగా ప్రకటించింది. రూ.6.18 కోట్లకు పైగా గ్రాస్‌ సొంతం చేసుకుందంటూ చెప్పింది. అయితే తొలుత ఈ చిత్రాన్ని పాన్‌ ఇండియా మూవీగా ఒకేసారి విడుదల చేయాలని మేకర్స్ అనుకున్నారు. కానీ వివిధ కారణాల వల్ల ఇప్పుడు తెలుగులో మాత్రమే విడుదల అయ్యింది.