Director Sandeep Raj Engagement :'కలర్ ఫొటో' ఫేమ్ డైరెక్టర్ సందీప్ రాజ్ త్వరలో ఓ ఇంటివాడు కానున్నాడు. టాలీవుడ్ నటి చాందినీ రావుతో తాజాగా ఆయన నిశ్చితార్థం సోమవారం జరిగింది. అయితే ఈ ఎంగేజ్మెంట్ విశాఖపట్నంలో జరిగినట్టు తెలుస్తోంది ఇక ఈ వేడుకకు సంబంధించిన కొన్ని ఫొటోలు ప్రస్తుతం నెట్టింట తెగ ట్రెండ్ అవుతుండగా, అభిమానులు నెటిజన్లు ఈ ఇద్దరికీ శుభాకాంక్షలు తెలుపుతున్నారు.
ఇదిలా ఉండగా, డిసెంబరు ఫస్ట్ వీక్లో ఈ జంట వివాహం చేసుకోనున్నట్టు సమాచారం. 'కలర్ ఫొటో' సినిమాలో చాందినీ రావు ఓ పాత్ర పోషించారు. ఆ సినిమా షూటింగ్ సమయంలోనే ఈ ఇద్దరి మధ్య పరిచయం కాస్త ప్రేమగా మారింది. ఇక కొంతకాలం తర్వాత ఈ జంట పెద్దల అంగీకారంతో ఒక్కటి కానున్నారు. ఇక 'హెడ్స్ అండ్ టేల్స్' అనే వెబ్‌సిరీస్‌లోనూ చాందిని నటించారు.
Sandeep Raj Movies : షార్ట్ ఫిల్మ్స్ నుంచి సందీప్ రాజ్ సినీ జర్నీ మొదలైంది. 'హెడ్స్ అండ్ టేల్స్' వెబ్ సిరీస్తో పాటు 'ముఖ చిత్రం' సినిమాలకు కథలు అందించారు సందీప్. 'కలర్ ఫొటో' సినిమాతో ఆయన ప్రతిష్టాత్మక నేషనల్ అవార్డును సొంతం చేసుకున్నారు. ఉత్తమ తెలుగు చిత్రం విభాగంలో ఆయనకు ఈ జాతీయ పురస్కారం లభించింది.