Devara Special Interview :టాలీవుడ్‌ స్టార్ హీరో జూనియర్ ఎన్టీఆర్ సోలో మూవీ రిలీజ్ అయి చాలా కాలం అయిపోయింది. దీంతో సెప్టెంబర్‌ 27న రిలీజ్ కాబోతున్న దేవర: పార్ట్‌ 1 కోసం ఫ్యాన్స్ ఆసక్తిగా ఎదురుచూస్తున్నారు. అయితే పాన్‌ ఇండియా లెవెల్లో రిలీజ్ అవుతున్న ఈ మూవీకి సౌత్లోనే కాకుండా నార్త్లోనూ బాగా ప్రమోషన్స్ జరుగుతున్నాయి. ఈ నేపథ్యంలో తాజాగా తన కో స్టార్ ఆలియా భట్ ఓ స్పెషల్‌ చిట్‌చాట్‌లో పాల్గొన్నారు తారక్. 'దేవర x జిగ్రా' అనే పేరుతో టెలికాస్ట్ అయిన ఈ ప్రోగ్రామ్కు ప్రముఖ డైరెక్టర్ కరణ్‌ జోహార్‌ హోస్ట్‌గా వ్యవహరించారు. ఇక ఎన్టీఆర్ కూడా ఈ ఈవెంట్లో తన అప్కమింగ్ మూవీ గురించి పలు ఇంట్రెస్టింగ్ విషయాలు చెప్పుకొచ్చారు.
ఆమె మాత్రమే నా ఫ్రెండ్
సినిమా గురించి ముచ్చటిస్తున్న సమయంలో తారక్ ఓ ఆసక్తికరమైన విషయాన్ని పంచుకున్నారు. ముంబయిలో తనకు మొట్ట మొదట ఫ్రెండ్ అయింది ఆలియా మాత్రమేనని చెప్పారు. "స్నేహతులు అంటే ముంబయిలో ఆలియా తప్ప నాకు వేరెవరు గుర్తుకురారు. ఆమె తర్వాతనే నాకు రణ్‌బీర్‌ పరిచయం అయ్యారు. రణ్‌బీర్‌, నేను స్నేహితులు కాదు. ముందు నేను ఆలియా ఫ్రెండ్స్‌ అయ్యాం ఆ తర్వాతనే ఆయన వచ్చారు." అని తారక్ సరదాగా అన్నారు.
2 మిలియన్ మార్క్ - ఓవర్సీస్ తారక్ నయా రికార్డు
బ్యాక్ టు బ్యాక్ రికార్డులతో ఓవర్సీస్ బాక్సాఫీస్ వద్ద ర్యాంపేజ్ క్రియేట్ చేస్తున్న 'దేవర' తాజాగా మరో రికార్డును తన ఖాతాలో వేసుకుంది. రీసెంట్గా 2 మిలియన్ డాలర్స్ గ్రాస్ని నార్త్ అమెరికా మార్కెట్లో ఈ ఘనత సాధించిన రెండో హీరోగా ఎన్టీఆర్ను నిలిపింది. ఇప్పటికే ఈ లిస్ట్లో 'సలార్', 'కల్కి 2898 ఏడీ' చిత్రాలతో ప్రభాస్ టాప్లో ఉన్నారు.