Devara Release Trailer :మ్యాన్ ఆఫ్ మాసెస్ జునియర్ ఎన్టీఆర్ ఇప్పుడు అభిమానుల కోసం 'దేవర'గా వచ్చేందుకు సిద్ధమయ్యారు. సెప్టెంబర్ 27న పాన్ ఇండియా లెవెల్లో ఈ సినిమా థియేటర్లలోకి రానున్న నేపథ్యంలో మేకర్స్ తాజాగా ఈ సినిమాకు సంబంధించిన రిలీజ్ ట్రైలర్ను విడుదల చేశారు. ప్రకాశ్ రాజ్ వాయిస్ ఓవర్తో ఆద్యంతం ఎంగేజింగ్గా ఉన్న ఈ ట్రైలర్ ప్రస్తుతం మూవీ లవర్స్ను తెగ ఆకట్టుకుంటోంది.
భయం పోవాలంటే దేవుడి కథ వినాలి, భయమంటే ఏంటో తెలియాలంటే 'దేవర' కథ వినాలి! అంటూ సాగే డైలాగ్స్ సినిమాకు మరింత హైప్ పెంచుతోంది. ముఖ్యంగా జూనియర్ ఎన్టీఆర్ డ్యూయెల్ రోల్ ఇందులో విశేషంగా ఆకట్టుకోనున్నట్లు తెలుస్తోంది. ఓ వైపు యాక్షన్, మరోవైపు ఎమోషన్ ఇలా రెండింటినీ తన నటనతో ఎన్టీఆర్ బ్యాలెన్స్ చేసినట్లు ట్రైలర్ ఆద్యంతంలో కనిపిస్తోంది.
ఇక సముద్రం ఎక్కాల, సముద్రం ఏలాల అంటూ సైఫ్ అలీఖాన్ చెప్పే డైలాగ్, అలాగే ఆయన క్యారెక్టరైజేషన్ కూడా సినిమాలో కీలక పాత్ర కానున్నట్లు కనిపిస్తోంది. ఇతర క్యారెక్టర్లు కూడా తమ నటనతో అలరించేందుకు సిద్ధమైనట్లు తెలుస్తోంది.
Devara Movie Cast : ఇక 'దేవర' సినిమా విషయానికి వస్తే ఈ చిత్రంలో తారక్ సరసన బాలీవుడ్ బ్యూటీ జాన్వీ కపూర్ హీరోయిన్గా నటిస్తోంది. సీనియర్ నటుడు సైఫ్ అలీ ఖాన్ విలన్గా నటించనున్నారు. ఈ సినిమాలో ఎన్టీఆర్ డ్యుయల్ రోల్లో కనిపించనున్నారు. శ్రీకాంత్, శ్రుతి మారాఠే, చైత్ర రాయ్, షైన్ టామ్, మురళీ శర్మ, ప్రకాశ్ రాజ్, రమ్యకృష్ణ తదితరులు నటించారు. అనిరుధ్ రవిచంద్రన్ సంగీంతం అందించగా, రత్నవేలు డీఓపీ బాధ్యతలు చూశారు. ఎన్టీఆర్, యువసుధ బ్యానర్లపై సంయుక్తంగా రూపొందిన ఈ సినిమా సెప్టెంబర్ 27న రిలీజ్ కానుంది.
ఇక ఈ సినిమాకు సెన్సార్‌ బోర్డు యూ/ఏ (U/A) సర్టిఫికెట్‌ జారీ చేసింది. కాగా, సినిమా రన్టైమ్ 2 గంటల 57 నిమిషాల 58 సెకన్ల పాటు ఉండనుంది. స్టార్ డైరెక్టర్ కొరటాల శివ 'జనతా గ్యారేజ్' తర్వాత ఎన్టీఆర్ తీసిన సినిమా కావడం వల్ల దీనిపై అంచనాలు భారీగా ఉన్నాయి. ఇక మూవీలో విజువల్స్‌ అద్భుతంగా ఉంటాయని, చివరి 40 నిమిషాలు సినిమాలో హైలైట్‌ అని హీరో ఎన్టీఆర్ ముంబయిలో జరిగిన ట్రైలర్ లాంచ్‌ ఈవెంట్‌లో ఎన్టీఆర్ అంచనాలు రెట్టింపు చేశారు.
నార్త్ అమెరికాలో 'దేవర' విధ్వంసం! - వారంలోనే ఆ హిట్ మూవీ రికార్డును బ్రేక్ చేసేందుకు రెడీ! - Jr NTR Devara Movie
'దేవర' వీఎఫ్ఎక్స్ కోసం 30 రోజులు నిద్ర లేకుండా - అంచనాలకు మించేలా! - NTR Devara Movie VFX
