Devara North America Ticket Bookings : జూనియర్ ఎన్టీఆర్ అప్కమింగ్ మూవీ 'దేవర'పై రోజు రోజుకూ అంచనాలు మరింతగా పెరిగిపోతున్నాయి. ఇప్పటికే వచ్చిన ట్రైలర్, ప్రమోషనల్ ఈవెంట్స్తో హైప్ పెరగ్గా, ప్రేక్షకులు కూడా ఈ మూవీని థియేటర్లలో చూసేందుకు వెయిట్ చేస్తున్నారు. ఇప్పటికే, అడ్వాన్స్ బుకింగ్స్ విషయంలో 'దేవర' సరికొత్త రికార్డ్స్ను క్రియేట్ చేస్తోంది. ముఖ్యంగా ఓవర్సీస్లో టికెట్లు నిమిషాల్లో అమ్మడై సంచలనాలు క్రియేట్ చేస్తోంది. ఈ నేపథ్యంలో అక్కడ ఈ సినిమా తాజాగా ఓ సరికొత్త ఘనతను అందుకోనున్నట్లు తెలుస్తోంది. దీని వల్ల 'కల్కి 2898 ఏడీ' రికార్డు బ్రేక్ సూచనలు కనిపిస్తున్నాయని సినీ వర్గాల మాట.
నార్త్ అమెరికాలో తొలి వారాంతంలో 'కల్కి 2898 ఏడీ' 11 మిలియన్ల డాలర్లకు పైగా కలెక్షన్లు సాధించి సరికొత్త రికార్డ్ క్రియేట్ చేసింది. అంతే కాకుండా మొదటి వారాంతంలో ఈ మార్కును క్రియేట్ చేసిన తొలి ఇండియన్ ఫిల్మ్గా నిలిచింది. కానీ, ఇప్పుడు 'దేవర' జరుగుతున్న ప్రీ బుకింగ్స్ లెక్కలు చూస్తుంటే ఈ చిత్రం తొలి వారంలోనే 11 మిలియన్ల డాలర్ల రికార్డును బ్రేక్ చేయనున్నట్లు తెలుస్తోంది.
ఇక 'దేవర' సినిమా విషయానికి వస్తే ఎన్టీఆర్ సరసన బాలీవుడ్ బ్యూటీ జాన్వీ కపూర్ హీరోయిన్గా నటిస్తోంది. సీనియర్ నటుడు సైఫ్ అలీ ఖాన్ విలన్గా నటించనున్నారు. ఈ సినిమాలో ఎన్టీఆర్ డ్యుయల్ రోల్లో కనిపించనున్నారు. శ్రీకాంత్, శ్రుతి మారాఠే, చైత్ర రాయ్, షైన్ టామ్, మురళీ శర్మ, ప్రకాశ్ రాజ్, రమ్యకృష్ణ తదితరులు నటించారు. అనిరుధ్ రవిచంద్రన్ సంగీంతం అందించగా, రత్నవేలు డీఓపీ బాధ్యతలు చూశారు. ఎన్టీఆర్, యువసుధ బ్యానర్లపై సంయుక్తంగా రూపొందిన ఈ సినిమా సెప్టెంబర్ 27న రిలీజ్ కానుంది.