Deepika Padukone First Movie Remuneration : సూపర్ స్టార్ పక్కనే తొలి సినిమా. ఈ మాట విన్న ఏ నటి అయినా ఎగిరి గంతేస్తుంది. దీపికా పదుకుణె కూడా అలానే చేసింది. తన తొలి సినిమా బీటౌన్ బాద్షా షారుక్ఖాన్తో సినిమా అనేసరికి ఆమె ఆనందానికి అవధుల్లేకుండా పోయింది. డ్రీమ్గర్ల్ శాంతిప్రియగా మెరిసి యువతను మైమరిపించింది. దీంతో తొలి సినిమాతోనే ఈ అమ్మడు ఓవర్నైట్ స్టార్ అయిపోయింది. అయితే ఆ చిత్రానికి ఒక్క రూపాయి కూడా రెమ్యూరేషన్ తీసుకోకుండానే నటించిందట. దీనికి గల కారణం ఆమె తాజాగా ఓ ఇంటర్వ్యూలో పేర్కొంది.
షారూక్తో కలిసి సినిమా చేయడమే ఆమె పెద్ద గిఫ్ట్గా భావించానంటూ ఓ ఇంటర్వ్యూలో చెప్పింది. అయితే కన్నడ చిత్రం 'ఐశ్వర్య'తో సిల్వర్ స్క్రీన్ ఎంట్రీ ఇచ్చింది దీపికా పదుకొణె. ఆ తర్వాతనే బీటౌన్లోకి ఎంట్రి ఇచ్చింది. తొలి సినిమాతో ఎంతో మంది డైరెక్టర్లకు క్లిక్ అయిన ఈ స్టార్, ఆ తర్వాత వరుస ఆఫర్లను అందుకుంటూ బాలీవుడ్లోకి టాప్ హీరోయిన్గా ఎదిగింది. హిందీలోనే కాకుండా తమిళ, కన్నడ సినిమాల్లోనూ మెరిసింది. హాలీవుడ్లోనూ పాపులరైంది. ఇప్పుడు 'కల్కి 2898 ఏడీ' సినిమాతో టాలీవుడ్ ఆడియెన్స్ను పలకరించనుంది.