Citadel - Honey Bunny Trailer : బాలీవుడ్ హీరో వరుణ్ ధావన్, హీరోయిన్ సమంత జంటగా నటించిన యాక్షన్ థ్రిల్లింగ్‌ వెబ్‌సిరీస్‌ సిటడెల్‌: హనీ-బన్నీ. రాజ్‌ అండ్ డీకే దర్శకత్వంలో ఇది తెరెకక్కింది. తాజాగా ఈ చిత్ర ట్రైలర్‌ను మేకర్స్ రిలీజ్ చేశారు. ముంబయిలో లాంఛ్ ఈవెంట్ నిర్వహించి దీనిని విడుదల చేశారు. ఈ ప్రచార చిత్రంలో యాక్షన్ సన్నివేశాల్లో వరుణ్, సమంత అదరగొట్టారు.
Varun Dhawan Samantha : ఈ లాంఛ్ ఈవెంట్లో వరుణ్ ధావన్ మాట్లాడుతూ సినిమాలో తాను సమంత ఓ సీన్ కోసం ఎంతలా కష్టపడ్డారో వివరించారు. సింగిల్ షాట్లో 11 నిమిషాల యాక్షన్ సీక్వెన్స్ చేసినట్లు వివరించారు. ఎటువంటి కట్స్ లేకుండా దానిని చేసినట్లు తెలిపారు. ఇది పక్కా ఇంటెన్స్ యాక్షన్ సీక్వెన్స్ అని, సిరీస్ క్లైమాక్స్లో వస్తుందని పేర్కొన్నారు.
మాతో ఎందుకు చేయరు అని అడిగా? - "లాక్‌డౌన్‌ టైమ్లో దర్శక - నిర్మాత ఆదిత్య చోప్రాను కలిశాను. అప్పుడు ఆయన టైగర్‌ 3 సినిమా ( కండల వీరుడు సల్మాన్‌ ఖాన్‌ హీరో) పనుల్లో ఫుల్ బిజీగా ఉన్నారు. సర్‌ ఎందుకు యంగ్‌ హీరోస్తో మీరు యాక్షన్ చిత్రాలను చేయరు? అని అడిగాను. దానికి బడ్జెట్‌ లెక్కలు ఉంటాయని ఆయన బదులిచ్చారు. దీంతో సిటడెల్‌ క్రియేటర్స్‌ నన్ను కలిసి నప్పుడు బడ్జెట్‌ గురించే మొదట మాట్లాడాను. నాకు అవకాశం ఇచ్చిన రాజ్‌ అండ్ డీకే, అమెజాన్‌ ప్రైమ్‌ వీడియో ఓటీటీ సంస్థకు ప్రత్యేక కృతజ్ఞతలు" అని వరుణ్ ధావన్ పేర్కొన్నారు.