Goodachari 2 Emraan Hashmi Injured : బాలీవుడ్ ప్రముఖ నటుడు ఇమ్రాన్ హష్మీ గురించి ప్రత్యేకంగా చెప్పనక్కర్లేదు. ఆ పేరు వింటే ముద్దులే గుర్తొస్తాయి. ఎందుకంటే ఆయన చిత్రాల్లో రొమాంటిక్ సన్నివేశాల గాఢత ఆ స్థాయిలో ఉంటుంది. అయితే తాజాగా ఆయన గాయపడ్డారు. 'జీ 2' మూవీకి సంబంధించి యాక్షన్ సన్నివేశాన్ని చిత్రీకరిస్తుండగా ఈ సంఘటన జరిగింది. షూటింగ్ సమయంలో ప్రమాదవశాత్తూ ఇమ్రాన్కు కుడి దవడ కింది భాగంలో గాయమైంది. పెద్ద గాటు పడింది. ఈ విషయాన్ని ఇమ్రాన్ వ్యక్తిగత సిబ్బంది వెల్లడించారు.
కాగా, టాలీవుడ్ యంగ్ హీరో అడివి శేష్ హీరోగా గూఢాచారి 2 తెరకెక్కుతోంది. వినయ్ కుమార్ సిరిగినీడి తెరకెక్కిస్తున్నారు. పాన్ ఇండియా చిత్రంగా రూపొందిస్తున్నారు. సూపర్ హిట్ గూఢఛారి చిత్రానికి సీక్వెల్గా ఇది రానుంది. బనితా సింధు హీరోయిన్గా నటిస్తోంది. ఈ స్పై థ్రిల్లర్లో బాలీవుడ్ స్టార్ ఇమ్రాన్ కీలక పాత్ర పోషిస్తున్నారు. ఈ చిత్రాని కన్నా ముందే ఆయన తెలుగులో మరో సినిమాకు గ్రీన్ సిగ్నల్ ఇచ్చారు. పవన్ కల్యాణ్ ఓజీ(OG Movie) చిత్రంలో ప్రతినాయకుడి పాత్రకు ఎంపికయ్యారు. దర్శకుడు సుజీత్ దీన్ని తెరకెక్కిస్తున్నారు.