Bharateeyudu 2 Release Date:స్టార్ డైరెక్టర్ శంకర్ ఒకేసారి రెండు భారీ బడ్జెట్ సినిమాలు తెరకెక్కిస్తున్నారు. కోలీవుడ్ అగ్ర కథానాయకుడు కమల్ హాసన్ లీడ్ రోల్లో 'భారతీయుడు- 2', గ్లోబల్ స్టార్ రామ్చరణ్ హీరోగా 'గేమ్ ఛేంజర్' ప్రాజెక్ట్లతో శంకర్ బిజీగా ఉన్నారు. అయితే ఈ సినిమాల రిలీజ్ ఎప్పుడెప్పుడా అని ఫ్యాన్స్ ఆత్రుతగా ఎదురుచూస్తున్నారు. మరి ఈ సినిమాలు ఎప్పుడెప్పుడు రానున్నాయంటే?
భారతీయుడు- 2: 1996లో బ్లాక్బస్టర్ హిట్ అందుకున్న భారతీయుడు సినిమాకు సీక్వెల్గా 'భారతీయుడు- 2' రూపొందుతోంది. ఇప్పటికే రిలీజైన ఇంట్రో వీడియో గ్లింప్స్ ఆడియెన్స్ను ఆకట్టుకుంది. అయితే ఈ సినిమా షూటింగ్ కూడా కంప్లీట్ అయినట్లు మూవీటీమ్ అఫీషియల్గా తెలిపింది. ఈ సినిమాలో నటుడు వివేక్, సిద్ధార్థ్, నయనతార, కాజల్ అగర్వాల్, రకుల్ ప్రీత్ సింగ్, ప్రియా భవాణి శంకర్, తదితరులు ఆయా పాత్రల్లో నటిస్తున్నారు. మ్యూజిక్ సంచలనం అనిరుధ్ రవిచంద్రన్ సంగీతం అందించగా, లైకా ప్రొడక్షన్స్ బ్యానర్పై సుభాస్కరన్ నిర్మిస్తున్నారు. ఇక తెలుగు, తమిళం, హిందీ, కన్నడ, మలయాళ భాషల్లో పాన్ఇండియా రేంజ్లో తెరెకెక్కిన ఈ సినిమా 2024 ఏప్రిల్లో విడుదల కానున్నట్లు ఇన్సైట్ టాక్.