Daaku Maharaj Balakrishna :నందమూరి బాలకృష్ణ- బాబీ కాంబోలో తెరకెక్కిన సినిమా 'డాకు మహారాజ్'. ఈ సినిమా జనవరి 12న గ్రాండ్గా రిలీజ్ కానుంది. ఈ నేపథ్యంలో మేకర్స్ హైదరాబాద్లో శుక్రవారం ఓ ఈవెంట్ నిర్వహించారు. ఈ ఈవెంట్లో సినిమా నుంచి సెకండ్ ట్రైలర్ రిలీజ్ చేశారు. ఈ కార్యక్రమానికి హీరో బాలకృష్ణ, ఆయన రెండో కుమార్తె దంపతులు, మూవీటీమ్ హాజరయ్యారు.
కాగా, ఈవెంట్లో బాలయ్య సినిమా గురించి మాట్లాడారు. సినిమా కచ్చితంగా విజయం సాధిస్తుందని ధీమా వ్యక్తం చేశారు. 'నేను ఎప్పుడూ నాపైన రీసెర్చ్ చేసుకుంటా. అభిమానులు ఏం కోరుకుంటున్నారో అదే చేయడానికి ప్రయత్నిస్తా. అఖండ, వీరసింహా రెడ్డి, భగవంత్ కేసరి సినిమాల్లోనూ అదే చేశా. ఇక ఈ సినిమా నుంచి ముందు టీజర్ రిలీజ్ చేశం. చప్పుగా ఉందని అనుకున్నారు. తర్వాత ట్రైలర్ వదిలాం. పర్లేదు అన్నారు. ఇరోజు విడుదల చేసింది అసలైన ట్రైలర్. ప్రేక్షకులు బాలయ్య నుంచి ఏది కోరుకుంటారో అదే చూపించాం'
'మీరు వరుసగా మూడు హిట్లు ఇచ్చారు. ఇంతకుముందు కూడా ఎన్నో ఇచ్చారు. ఇది చూస్తే, నాకు 1986 సంవత్సరం గుర్తొస్తుంది. అప్పుడు 7 సినిమాలు వరుస హిట్లు ఇచ్చారు. చరిత్ర సృష్టించాలన్నా, దాన్ని తిరగరాయాలన్నా నేనే. ఇప్పుడు అఖండ 2 ప్రారంభించాం. ఇక ఇప్పట్నుంచి చూపిస్తా నా రెండో ఇన్నింగ్స్. స్టార్డమ్ తగ్గినప్పుడు సెకండ్ ఇన్నింగ్స్ అంటుంటారు. కానీ, నా విషయంలో అది కాదు. అఖండ తర్వాత నా ప్రస్థానం ఎంటో చూపిస్తా' అని బాలయ్య పేర్కొన్నారు. అలాగే ఈ సినిమాలో నటించిన ఊర్వశీ రౌతెలా గురించి కూడా మాట్లాడారు. 'ఊర్వశీ రౌతెలా పాటతోపాటు ఆమెది మంచి పాత్ర. నాతో డ్యాన్స్ చేసింది, ఫైట్స్ చేసింది, అద్భుతంగా నటించింది' అని అన్నారు.