Balakrishna Boyapati BB4 Movie Villian : ప్రస్తుతం నందమూరి నటసింహం బాలకృష్ణ వరుస హిట్లతో కెరీర్లో ఫుల్ జోష్లో ఉన్న సంగతి తెలిసిందే. ప్రస్తుతం ఆయన NBK 109 చిత్రం చేస్తున్నారు. దీని తర్వాత ఆయన దర్శకుడు బోయపాటి శ్రీనుతో ఓ సినిమా చేయబోతున్నారని గత కొద్ది రోజులుగా ప్రచారం సాగుతోంది. అయితే ఈ చిత్రంలో భారీ క్యాస్టింగ్ కూడా ఉండబోతుందని అంటున్నారు. అలానే ఈ సినిమాలో విలన్ పాత్ర చాలా పవర్ ఫుల్‌గా ఉండనుందని, ఇందుకోసం ఓ హీరోను పవర్ఫుల్ విలన్గా తీసుకొచ్చేందుకు బోయపాటి ప్రయత్నిస్తున్నట్లు ఆ మధ్య వార్తలు మొదలయ్యాయి.
అయితే తాజాగా ఈ చిత్రంలో బాలయ్యతో ఢీ కొట్టేందుకు ఓ టాలీవుడ్ హీరో రెడీ అవుతున్నారని కొత్త ప్రచారం మొదలైంది. ఆ హీరో మరెవరో కాదు మ్యాచో స్టార్ గోపీ చంద్ అని బయట టాక్ వినిపిస్తోంది. ప్రస్తుతం ఆయన హీరోగా నటించిన సినిమాలు ఈ మధ్య ఆశించిన స్థాయిలో ఆడటం లేదు. అయితే గతంలో ఆయన విలన్గా అదరగొట్టిన సంగతి తెలిసిందే. 'జయం', 'నిజం', 'వర్షం' సినిమాల్లో ప్రతినాయకుడిగా కనిపించి మంచి గుర్తింపు సంపాదించుకున్నారు. ఆ తర్వాత ఇప్పటి వరకు హీరోగానే కొనసాగారు. మళ్లీ ఇన్నాళ్ల తర్వాత ఇప్పుడు మరోసారి విలన్గా మారబోతున్నట్లు సమాచారం. అయితే, ఈ విషయంపై ఇంకా ఎటువంటి అఫీషియల్ అనౌన్స్ మెంట్ రాలేదు. చూడాలి మరి ఇందులో నిజమెంతో.
Gopichand Srinu Vaitla Movie : గోపి చంద్ ప్రస్తుతం దర్శకుడు శ్రీను వైట్లతో కలిసి ఓ సినిమా చేస్తున్నారు. దీనికి విశ్వం అనే టైటిల్ను ఖరారు చేశారు. టీజీ విశ్వ ప్రసాద్‌, వేణు దోనేపూడి సంయుక్తంగా చిత్రాన్ని నిర్మిస్తున్నారు. కావ్య థాపర్‌ హీరోయిన్గా నటిస్తోంది.