Allu Arjun Atlee Movie:ఐకాన్స్టార్ స్టార్ అల్లు అర్జున్- స్టార్ డైరెక్టర్ అట్లీ కాంబోలో ఓ ప్రాజెక్ట్ తెరకెక్కనుందని కొన్ని నెలలుగా ప్రచారం సాగింది. ఈ సినిమాకు సంగీత దర్శకుడిగా అనిరుధ్ రవిచంద్రన్ ఎంపిక కూడా పూర్తయ్యిందని వార్తలు వచ్చాయి. 'పుష్ప- 2' తర్వాత ఈ ప్రాజెక్ట్ పట్టాలెక్కనుందని టాక్ వినిపించింది. దీంతో ఈ స్టార్ కాంబోలో సినిమా ఎప్పుడెప్పుడు ప్రారంభమౌతుందా అని బన్ని ఫ్యాన్స్ ఆత్రుతగా ఎదురుచూస్తున్నారు. అయితే ఇందులో ఓ ట్విస్ట్ జరిగింది.
ఈ కాంబో ప్రాజెక్ట్ అగ్రిమెంట్ క్యాన్సిల్ అయ్యిందంటూ వార్తలు వస్తున్నాయి. దర్శకుడు అట్లీ ఆ సినిమాకు భారీ మొత్తంలో రెమ్యునరేషన్ ఆశించారట. రూ.80 కోట్లు పారితోషికంగా అడిగినట్లు టాక్. అయితే ప్రొడక్షన్ డైరెక్టర్కు అంత మొత్తంలో చెల్లించడానికి సిద్ధంగా లేదంట. అందుకే ప్రాజెక్ట్ అగ్రిమెంట్ రద్దు అయ్యిందని సమాచారం. దీంతో అట్లీ అదే కథను ఇంకో హీరోకు చెప్పారంట. ఏదేమైనా దీనిపై ఎలాంటి క్లారిటీ లేదు.
ఇక గతేడాది అట్లీ- బాలీవుడ్ స్టార్ హీరో షారుక్ లీడ్ రోల్లో 'జవాన్' తెరకెక్కించారు. ఈ సినిమా బాక్సాఫీస్ వద్ద ఘన విజయం అందుకుంది. ప్రపంచవ్యాప్తంగా కలెక్షన్ల సునామీ సృష్టించిన ఈ సినిమా రూ. 1000+ కోట్లు వసూల్ చేసింది. ఈ సినిమాతో అట్లీ క్రేజ్ సౌత్ ఇండస్ట్రీలో అమాంతం పెరిగిపోయింది. ఈ సినిమాలో సౌత్ లేడీ సూపర్ స్టార్ నయనతార హీరోయిన్గా నటించింది. బాలీవుడ్ బ్యూటీ దీపికా పదుకొణె ఓ పాత్రలో మెరిసింది. ఈ మూవీ సక్సెస్ తర్వాతే అట్లీ, బన్ని కాంబో ఫిక్స్ అయ్యిందిని అప్పట్లో కథనాలు వచ్చాయి.