సల్మాన్ ఖాన్​ బెదిరింపుల కేసు - 24 ఏళ్ల సాంగ్ రైటర్​ అరెస్ట్​

సల్మాన్ ఖాన్​ బెదిరింపుల కేసులో నిందుతుడిని అరెస్ట్ చేసిన పోలీసులు.

Salman Khan Threat Case :కొంతకాలంగా బాలీవుడ్ స్టార్ హీరో సల్మాన్‌ ఖాన్​కు వరుస బెదిరింపులు వస్తున్న సంగతి తెలిసిందే. అయితే ఇటీవల కూడా బాలీవుడ్ భాయ్​కు బెదిరింపులు వచ్చాయి. తాను గ్యాంగ్ స్టర్​ లారెన్స్ బిష్ణోయ్​ గ్యాంగ్​కు చెందిన వ్యక్తినంటూ బెదిరించి రూ.5 కోట్లు డిమాండ్ చేశాడు. అయితే దీనిపై కేసు నమోదు చేసి పోలీసులు దర్యాప్తు ప్రారంభించగా, తాజాగా ఈ కేసులో 24 ఏళ్ల నిందితుడిని అరెస్టు చేశారు. నిందుతుడిని కర్ణాటకలోని రాయ్​చూర్​కు చెందిన సోహైల్​ పాషాగా గుర్తించారు అధికారులు. 24 ఏళ్ల ఆ నిందితుడు ఓ సాంగ్ రైటర్ అని, తన పాట ఫేమస్​ అయ్యేందుకే ఇలా చేసినట్లు తమతో చెప్పాడని పోలీసులు తెలిపారు.