మీ పిల్లలు బుక్స్ ముట్టుకోవట్లేదా? - ఇలా చేయండి ఇష్టంగా చదువుతారు!

Book Reading Tips for Children: పుస్తక పఠనం అలవాటును పిల్లల్లో ఎంత తొందరగా ప్రారంభిస్తే అంత మంచిదని నిపుణులు అంటున్నారు. ఇలా చేయడం వల్ల కొత్త కొత్త పదాలను నేర్చుకుంటారని.. కొత్త విషయాల్ని తెలుసుకుంటారని అంటున్నారు. అందుకు పేరెంట్స్​ కోసం కొన్ని టిప్స్​ సూచిస్తున్నారు. అవేంటంటే..

Book Reading Tips for Children: ఫోన్​ చూపించగానే వెలిగిపోయే పిల్లల ముఖాలు.. పుస్తకం చూపిస్తే మాత్రం నీరుగారిపోతాయి! ఇలాంటి పిల్లలకు బుక్స్ అలవాటు చేయడమనేది పెద్ద టాస్క్. అయితే.. తల్లిదండ్రులు చిన్న వయసు నుంచే బుక్ రీడింగ్‌ను ఒక అలవాటుగా మార్చాలని.. ఇందుకు కొన్ని టిప్స్​ ఉన్నాయని చెబుతున్నారు నిపుణులు. అవేంటో ఇప్పుడు చూద్దాం.

మినీ లైబ్రరీ:చిన్నతనం నుంచే పిల్లలు చదువుకోవడానికి అనుకూలంగా ఇంట్లోని ఓ గదిలో చిన్న లైబ్రరీ రెడీ చేయండి. అందులో పిల్లలు తొందరగా ఎట్రాక్ట్​ అయ్యే బుక్స్​ ఉండేలా చేయండి. అంతేకాకుండా.. ఇందులో పిల్లల హెల్ప్​ తీసుకోండి. వారికి నచ్చినట్టుగా డిజైన్​ చేయండి. తద్వారా పిల్లలు అక్కడికి వెళ్లడానికి ఇష్టపడి చిన్నగా చదవడం వైపు మొగ్గు చూపుతారు.

పేరెంట్స్​ కూడా చదవాలి:పిల్లలకు బుక్​ రీడింగ్​ అలవాటు చేసే ముందు పేరెంట్స్​కు బుక్​ రీడింగ్​ అలవాటు ఉండాలి. మీరు చదివితే మిమ్మల్ని చూసి పిల్లలు కూడా చదువుతారు. ఎందుకంటే.. పేరెంట్స్​ చేసే పనులనే పిల్లలు చేయడానికి ఎక్కువ ఇష్టపడతారు. కాబట్టి.. తల్లిదండ్రులు కూడా బుక్స్​ చదువుతుండాలి. అలాఅని ఒక్కరోజులో మమ అనిపించకుండా రోజూ చదువుతుండాలి. అప్పుడే పిల్లలు కూడా మిమ్మల్ని ఫాలో అవుతారు.

టైమ్​ సెట్​ చేసుకోవాలి:బుక్​ రీడింగ్​ చేయడానికి ఒక టైమ్​ అనేది సెట్​ చేసుకోవాలి. వీలున్నప్పుడు కాకుండా ఒక నిర్దిష్ట సమయం అనేది ఉంటే.. ఆటోమెటిక్​గా ఆ సమయానికి బుక్​ రీడింగ్​ అలవాటు అవుతుంది. ఉదాహరణకు నైట్​ పడుకునే సమయంలో లేదా మధ్యాహ్నం లంచ్​ తర్వాత.. ఇలా టైమ్​ సెట్​ చేసుకోవాలి.

వివిధ పుస్తకాలు చదవండి:పిల్లలకు కథలు, కామెడీ పుస్తకాలు ఎక్కువగా ఇష్టముంటాయి. పేరెంట్స్​ కూడా వాటినే ఎక్కువగా తీసుకొస్తుంటారు. అయితే పిల్లలకు ఎప్పుడూ ఒకే రకమైన పుస్తకాలు కాకుండా కొత్త వాటిని కూడా అలవాటు చేయాలి. అలాగే వారు ఏ పుస్తకాలను ఎక్కువగా చదవడానికి ఇష్టపడుతున్నారో తెలుసుకుని వారికి అనుగుణంగా తీసుకురావాలి.

లైబ్రరీ మెంబర్​షిప్​:మీరు మీ పిల్లలకు ఇవ్వగలిగిన బెస్ట్​ గిఫ్ట్​ అంటే లైబ్రరీ మెంబర్​షిప్​. ఎప్పుడూ ఇంట్లో ఉండి చదవడం కన్నా అప్పుడప్పుడు లైబ్రరికీ వెళ్లి చదివేలా పిల్లలను ఎంకరేజ్​ చేయాలి. అందుకోసం వారికి మెంబర్​షిప్​ తీసుకోవాలి. లైబ్రరికీ వెళ్లడం అలవాటు అయితే వివిధ రకాల పుస్తకాలు చదవడానికి ఆస్కారం ఉంటుంది.

రివార్డ్స్​ ఇవ్వండి:మీ పిల్లలు బుక్​ రీడింగ్​కు అలవాటు పడితే వారికి ఓ టార్గెట్​ ఇవ్వండి. మీరు అనుకున్న దానికంటే తక్కువ సమయంలో దానిని పూర్తిచేస్తే వారిని ప్రశసించండి, వీలైతే ఓ చిన్న గిఫ్ట్​ ప్రజెంట్​ చేయండి. ఇలా చేయడం ద్వారా పిల్లలు మరికొన్ని పుస్తకాలు చదవడానికి ఇష్టపడతారు.

పుస్తకం గురించి అడగండి:పిల్లలు పుస్తకాలు చదువుతున్నారు కదా అని వారిని పట్టించుకోవడం మానకండి. వారు చదువుతున్న బుక్​లో ఇష్టమైన పాత్రలు ఏంటో అడగండి. వారి అభిప్రాయాలను అడగండి. తద్వారా పిల్లల బుక్​రీడింగ్​ ఏ స్థాయిలో ఉందో అర్థమవుతుంది.

ఇక చివరగా పిల్లల జీవితంలో పుస్తకం ఎంతో పనికివచ్చే వస్తువు అనే ఇమేజ్ క్రియేట్ చేయండి. బహుమతుల కింద పుస్తకాలు ఇవ్వండి. అలాగే మీ పిల్లలు బుక్​ రీడింగ్​లో పట్టు సాధిస్తే.. గొప్ప గొప్ప పుస్తకాలు మామూలు మనుషులని గొప్పవారిగా ఎలా తీర్చిదిద్దాయో, గొప్పవారిని మరింత ఉన్నత శిఖరాలకు ఎలా చేర్చాయో చెబుతూ వారి జీవితాలను వివరించే పుస్తకాలను అందించండి.