వింటర్​లో మీ బైక్​కు సెల్ఫ్ స్టార్ట్ ప్రాబ్లమా? ఈ 5 టిప్స్ పాటిస్తే అంతా సెట్!

మీ బైక్​ సెల్ఫ్​ స్టార్ట్​ సరిగ్గా పనిచేయడం లేదా? ఈ 5 టిప్స్ మీ కోసమే!

Bike Self Start Problem : మీరు ఉదయాన్నే లేచి, చక్కగా రెడీ అయ్యి ఆఫీస్​కు బయలుదేరారు. కానీ మీ బైక్/ స్కూటీ మాత్రం ఎంత ట్రై చేసినా స్టార్ట్ కావడం లేదు. మీ దగ్గర మరో బండి కూడా లేదు. మరి ఇలాంటి పరిస్థితుల్లో ఏం చేయాలి? సెల్ఫ్​ స్టార్ట్ ప్రాబ్లమ్​ను ఎలా పరిష్కరించాలి? అనేది ఈ ఆర్టికల్​లో తెలుసుకుందాం.

శీతాకాలంలో బైక్/ స్కూటర్ -​​ సెల్ఫ్​ స్టార్ట్​ ప్రాబ్లమ్స్ వస్తుంటాయి. ఎంతలేదన్నా అవి మెషిన్స్​ కాబట్టి ఇలాంటి సమస్యలు రావడం సహజమే. అయితే కొన్ని మెయింటెనెన్స్ టిప్స్​, ఫాలో-అప్స్​ పాటించడం ద్వారా ఈ సమస్యను చాలా సులువుగా పరిష్కరించుకోవచ్చు. అవేంటో ఇప్పుడు చూద్దాం.

1. శీతాకాలంలో తీవ్రమైన చలి ఉంటుంది కనుక ఉదయం, సాయంత్రం వేళల్లో బైక్​పై వెళ్లడం చాలా కష్టంగా ఉంటుంది. అందుకే చాలా మంది శీతాకాలంలో బైక్స్​ను పెద్దగా వాడరు. దీని వల్ల ఇంజిన్​లో సమస్యలు వచ్చే అవకాశం ఉంటుంది. అందుకే వీలైనంత వరకు ప్రతి రోజూ కొన్ని నిమిషాలపాటైనా బైక్ ఇంజిన్​ను స్టార్ట్​ చేస్తుండాలి.
2. బైక్​ బాగా నడవాలంటే, రెగ్యులర్​గా ఇంజిన్​ ఆయిల్​ను మారుస్తూ ఉండాలి. శీతాకాలంలో ఇంజిన్ ఆయిల్​ బాగా చిక్కబడే అవకాశం ఉంటుంది. దీని ప్రభావం ఇంజిన్​పై కచ్చితంగా పడుతుంది. కనుక నిర్ణీత సమయంలోపు తరచుగా ఇంజిన్ ఆయిల్​ మారుస్తూ ఉండాలి.
3. ఒకప్పుడు బైక్ స్టార్ట్ చేయాలంటే కిక్​ రాడ్​ను గట్టిగా కొట్టాల్సి ఉండేది. కానీ లేటెస్ట్ మోటార్​ సైకిళ్లలో చాలా వరకు ఈ కిక్​-స్టార్టర్లు ఉండడం లేదు. దానికి బదులుగా ఇంజిన్ స్టార్ట్​/స్టాప్​ స్విఛ్​లు ఉంటున్నాయి. శీతాకాలంలో ఇవి కొన్ని సార్లు పని చేయకపోవచ్చు. ఇలాంటి సందర్భాల్లో, ఒక వేళ బండిలో కిక్​-స్టార్టర్​ ఉంటే దానిని ఉపయోగించడం మంచిది.
4. టూ-వీలర్స్​లో అత్యంత ముఖ్యమైనది స్పార్క్ ప్లగ్​. ఇది క్లీన్​గా ఉంటేనే బండి చక్కగా స్టార్ట్ అవుతుంది. లేకుంటే ఇంజిన్ స్టార్ట్ చేయడానికి వీలుపడదు. కనుక స్పార్క్ ప్లగ్ ఎల్లప్పుడూ శుభ్రంగా ఉండాలా చూసుకోవాలి.
5. బైక్​/ స్కూటీల్లోని బ్యాటరీ విషయంలోనూ తగు జాగ్రత్తలు తీసుకోవాలి. ఇగ్నిషన్​ సరిగ్గా ఉండాలంటే - బ్యాటరీ ఫుల్​ ఛార్జ్​లో, వైర్స్​ మంచి కండిషన్​లో ఉండాలి. లేకుంటే బండి స్టార్ట్ కాదు. ఒకవేళ మీ బండిలో బ్యాటరీ, వైర్స్ సమస్యలు ఉంటే, కచ్చితంగా మంచి మెకానిక్ దగ్గరకు వెళ్లి వాటిని రిపేర్ చేయించాలి. ఈ విధంగా అన్ని జాగ్రత్తలు తీసుకుంటే, శీతాకాలంలో కూడా మీ బైక్​కు​ సెల్ఫ్ స్టార్ట్​ సమస్య రాకుండా ఉంటుంది.