ఫ్లాట్​గా ముగిసిన స్టాక్ మార్కెట్లు - నష్టపోయిన ఆటో, బ్యాంకింగ్​​ షేర్లు! - Stock Market Today

Stock Market Today July 2, 2024 : మంగళవారం తీవ్ర ఒడుదొడుకులు ఎదుర్కొన్న దేశీయ స్టాక్ మార్కెట్లు చివరకు ఫ్లాట్​గా ముగిశాయి. ఆటో, బ్యాంకింగ్ స్టాక్స్ భారీగా నష్టపోయాయి.

Stock Market Close :రోజంతా తీవ్రమైన ఒడుదొడుకుల్లో కొనసాగిన స్టాక్ మార్కెట్లు చివరకు ఫ్లాట్​గా ముగిశాయి. బొంబాయి స్టాక్​ ఎక్స్ఛేంజి సూచీ సెన్సెక్స్​ 34 పాయింట్లు నష్టపోయి 79,441 వద్ద స్థిరపడింది. జాతీయ స్టాక్​ ఎక్స్ఛేంజి సూచీ నిఫ్టీ 18 పాయింట్లు కోల్పోయి 24,123 వద్ద ముగిసింది. ఇవాళ ఆటో, బ్యాంకింగ్ స్టాక్స్ నష్టపోగా, ఐటీ స్టాక్స్ రాణించాయి.

• లాభపడిన షేర్లు :ఎల్​ అండ్ టీ, ఇన్ఫోసిస్​, హెచ్​డీఎఫ్​సీ బ్యాంక్​, టీసీఎస్​, హెచ్​సీఎల్ టెక్, పవర్​గ్రిడ్​, రిలయన్స్, సన్​ఫార్మా
• నష్టపోయిన షేర్లు :భారతీ ఎయిర్​టెల్​, కోటక్ బ్యాంక్​, టాటా మోటార్స్​, ఇండస్​ఇండ్ బ్యాంక్​, ఎస్​బీఐ, ఐసీఐసీఐ బ్యాంక్​

1:00 PM :స్టాక్ మార్కెట్లు తీవ్రమైన ఒడుదొడుకులతో కొనసాగుతున్నాయి. ప్రస్తుతం బొంబాయి స్టాక్​ ఎక్స్ఛేంజి సూచీ సెన్సెక్స్​ 180 పాయింట్లు నష్టపోయి 79,302 వద్ద ట్రేడ్​ అవుతోంది. జాతీయ స్టాక్​ ఎక్స్ఛేంజి సూచీ నిఫ్టీ 74 పాయింట్లు కోల్పోయి 24,067 వద్ద కొనసాగుతోంది.

12:00 PM :స్టాక్ మార్కెట్లు మళ్లీ లాభాల్లోకి వచ్చాయి.ప్రస్తుతం బొంబాయి స్టాక్​ ఎక్స్ఛేంజి సూచీ సెన్సెక్స్​ 57 పాయింట్లు లాభపడి 79,522 వద్ద ట్రేడ్​ అవుతోంది. జాతీయ స్టాక్​ ఎక్స్ఛేంజి సూచీ నిఫ్టీ 33 పాయింట్లు వృద్ధి చెంది 24,175 వద్ద కొనసాగుతోంది.

10:30 AM :ప్రస్తుతం బొంబాయి స్టాక్​ ఎక్స్ఛేంజి సూచీ సెన్సెక్స్​ 11 పాయింట్లు నష్టపోయి 79,465 వద్ద ట్రేడ్​ అవుతోంది. జాతీయ స్టాక్​ ఎక్స్ఛేంజి సూచీ నిఫ్టీ 5 పాయింట్లు కోల్పోయి 24,136 వద్ద కొనసాగుతోంది.

Stock Market Today July 2, 2024 : మంగళవారం దేశీయ స్టాక్ మార్కెట్లు మంచి లాభాలతో ప్రారంభమయ్యాయి. సెన్సెక్స్, నిఫ్టీ లైఫ్ హై లెవల్స్​ను క్రాస్ చేశాయి. కానీ వెంటనే నష్టాల్లోకి జారుకున్నాయి. బ్యాంకింగ్ స్టాక్స్​ భారీ నష్టాల్లో కొనసాగుతున్నాయి. మదుపరులు ప్రాఫిట్ బుకింగ్​ చేసుకుంటుండడమే ఇందుకు కారణం.

ప్రస్తుతం బొంబాయి స్టాక్​ ఎక్స్ఛేంజి సూచీ సెన్సెక్స్​ 225 పాయింట్లు నష్టపోయి 79,258 వద్ద ట్రేడ్​ అవుతోంది. జాతీయ స్టాక్​ ఎక్స్ఛేంజి సూచీ నిఫ్టీ 42 పాయింట్లు కోల్పోయి 24,099 వద్ద కొనసాగుతోంది.

• లాభాల్లో కొనసాగుతున్న స్టాక్స్​ :ఇన్ఫోసిస్​, హెచ్​సీఎల్ టెక్​, టీసీఎస్​, భారతీ ఎయిర్​టెల్​, ఎల్ అండ్ టీ, హెచ్​డీఎఫ్​సీ బ్యాంక్​, పవర్​గ్రిడ్​
• నష్టాల్లో ట్రేడవుతున్న షేర్స్​ : టాటా మోటార్స్​, బజాజ్​ ఫైనాన్స్​, కోటక్ బ్యాంక్​, యాక్సిస్ బ్యాంక్​, ఐసీఐసీఐ బ్యాంకు, మారుతి సుజుకి

విదేశీ పెట్టుబడులు
FIIs Investments :స్టాక్ ఎక్స్ఛేంజీ డేటా ప్రకారం, విదేశీ సంస్థాగత పెట్టుబడిదారులు సోమవారం రూ.426.03 కోట్ల విలువైన ఈక్విటీ షేర్లను అమ్మేశారు.

ఆసియా మార్కెట్లు
Asian Markets :టోక్యో, షాంఘై, హాంకాంగ్​ మార్కెట్లు లాభాల్లో ట్రేడవుతున్నాయి. సియోల్ మాత్రం నష్టాల్లో కొనసాగుతోంది. సోమవారం యూఎస్ మార్కెట్లు లాభాలతో ముగిసిన విషయం తెలిసిందే.

రూపాయి విలువ
Rupee Open July 2, 2024 : అంతర్జాతీయ మార్కెట్​లో రూపాయి విలువ 12 పైసలు తగ్గింది. ప్రస్తుతం డాలర్​తో పోలిస్తే రూపాయి మారకం విలువ రూ.83.56గా ఉంది.

ముడిచమురు ధర
Crude Oil Prices July 2, 2024 : అంతర్జాతీయ మార్కెట్​లో ముడిచమురు ధరలు 0.23 శాతం మేర పెరిగాయి. ప్రస్తుతం బ్యారెల్​ క్రూడ్​ ఆయిల్ ధర 86.80 డాలర్లుగా ఉంది.

పెట్రోల్, డీజిల్​​ ధరలు!
Petrol And Diesel Prices July 2, 2024 : తెలుగు రాష్ట్రాలైన ఏపీ, తెలంగాణల్లో పెట్రోల్​, డీజిల్​ ధరలు స్థిరంగా ఉన్నాయి. హైదరాబాద్​లో లీటర్ పెట్రోల్​ ధర రూ.107.39గా ఉంది. డీజిల్​ ధర రూ.95.63గా ఉంది. విశాఖపట్నం​లో లీటర్ పెట్రోల్​ ధర రూ.108.27గా ఉంది. డీజిల్​ ధర రూ.96.16గా ఉంది. దిల్లీలో లీటర్​ పెట్రోల్​ ధర రూ.94.76గా ఉంటే, డీజిల్​ ధర రూ.87.66గా ఉంది.