భార్యతో గొడవ - ఆమె పనిచేస్తున్న బట్టల షాపులోనే నిప్పంటించుకున్న భర్త

భార్యపై కోపంతో భర్త ఆత్మహత్యాయత్నం - సికింద్రాబాద్‌లోని వస్త్ర దుకాణంలో నిప్పు పెట్టుకున్న భర్త - దుకాణంలో పని చేస్తున్న భార్య మౌనికతో గొడవపడి పెట్రోల్ పోసుకున్న శ్రావణ్

Husband Attempts Suicide in Anger at Wife in Secunderabad : భార్యపై కోపంతో భర్త ఆమె పని చేసే వస్త్ర దుకాణంలో పెట్రోల్ పోసుకుని నిప్పంటించుకున్న ఘటన సికింద్రాబాద్​లో చోటుచేసుకుంది. పోలీసులు తెలిపిన వివరాల మేరకు సికింద్రాబాద్​ ప్యాట్నీలో ఉన్న ఓ వస్త్ర దుకాణంలో మౌనిక అనే మహిళ పని చేస్తున్నారు. ఆదివారం సాయంత్రం ఆమె భర్త శ్రావణ్​ అక్కడకు వెళ్లాడు. ఆమెతో గొడవ పడ్డాడు. ఈ క్రమంలో తనతో తెచ్చుకున్న పెట్రోల్​ పోసుకొని నిప్పంటించుకుని ఆత్మహత్యాయత్నం చేశాడు.

అక్కడున్న వారు పోలీసులకు సమాచారం ఇచ్చారు. ఘటనా స్థలికి చేరుకున్న పోలీసులు తీవ్రంగా గాయపడిన శ్రావణ్​ను గాంధీ ఆసుపత్రికి తరలించారు. దుకాణంలో వినియోగదారులు ఉండగానే ఘటన జరగడంతో అందరూ ఒక్కసారిగా బయటకు పరుగులు తీశారు. కాగా గాయపడిన శ్రావణ్ పరిస్థితి విషమంగా ఉన్నట్లు పోలీసులు తెలిపారు. ​