Ratan Tata Animal Hospital : టాటా గ్రూప్ ఛైర్మన్ రతన్ టాటా గురించి తెలియనివారు ఎవరూ ఉండరు. భారత్లోనే కాదు ప్రపంచంలోనే అత్యంత ప్రముఖ వ్యాపారవేత్తగా ఆయనకు పేరుంది. పారిశ్రామికవేత్తగానే కాకుండా మంచి వ్యక్తిత్వం కలిగిన వ్యక్తిగా రతన్ టాటాను అందరూ గౌరవిస్తారు. సామాజిక సేవా కార్యక్రమాల్లో ఎక్కువగా పాల్గొనే రతన్ టాటా తన కంపెనీల తరపున పేదలను ఆదుకుంటూ ఉంటారు. రతన్ టాటాకు మూగ జీవాలంటే ఎంతో ప్రేమ. అందుకే వాటి కోసం ప్రత్యేకంగా ఓ భారీ ఆసుపత్రిని కూడా నిర్మించారు.
ముంబయిలో జంతువుల కోసం రతన్ టాటా అత్యాధునిక సౌకర్యాలతో 'టాటా ట్రస్ట్స్ స్మాల్ యానిమల్ హస్పిటల్' అనే పేరుతో ఆస్పత్రిని ఏర్పాటు చేశారు. దీనిని సుమారు 2.2 ఎకరాల విస్తీర్ణంలో రూ.165 కోట్లతో నిర్మించారు. ఇది భారతదేశంలోనే అతి పెద్ద జంతు వైద్యశాల కావడం గమనార్హం. ఈ ఆసుపత్రిలో కుక్కులు, పిల్లులు, కుందేళ్లు సహా ఇతర చిన్న జంతువులకు 24*7 వైద్య సేవలను అందిస్తారు.