2024లో లాంఛ్​ అయిన టాప్​-9 బైక్స్ & స్కూటర్స్​ ఇవే! ఫీచర్స్ అదుర్స్ - ధర ఎంతంటే?

New Bikes Launched In 2024 : మీరు కొత్త బైక్ లేదా స్కూటర్​ కొందామని అనుకుంటున్నారా? బడ్జెట్ ఎంతైనా ఫర్వాలేదా? అయితే ఇది మీ కోసమే. 2024లో మార్కెట్లోకి వచ్చిన టాప్​-9 బైక్స్​ & స్కూటర్స్​పై ఓ లుక్కేద్దాం రండి.

New Bikes Launched In 2024 : యువతీయువకులకు బైక్స్ & స్కూటీస్​ అంటే ఎంత మోజో ప్రత్యేకంగా చెప్పాల్సిన అవసరం లేదు. అందుకే ప్రముఖ ఆటోమొబైల్ కంపెనీలు అన్నీ నేటి యువతీయువకుల అభిరుచులకు అనుగుణంగా లేటెస్ట్ ఫీచర్లతో, సూపర్ మోడల్​ బైక్​లను మార్కెట్లోకి తెస్తున్నాయి. వాటిలో 2024లో విడుదలైన బైక్స్, స్కూటర్స్​పై ఓ లుక్కేద్దాం రండి.

1. Royan Enfield Shotgun 650 Features :ఈ ఏడాది లాంఛ్ అయిన బెస్ట్​ బైక్స్​లో ఈ రాయల్​ ఎన్​ఫీల్డ్ షాట్​గన్​ 650 ఒకటి. దీనిలో 648 cc సామర్థ్యం గల ఇంజిన్ అమర్చారు. ఇది 7250 rpm వద్ద 47.65 PS పవర్​, 5250 rpm వద్ద 52 Nm టార్క్ జనరేట్ చేస్తుంది. ఈ బైక్​ 6-స్పీడ్ మాన్యువల్ ట్రాన్స్​మిషన్​తో పని చేస్తుంది. ఈ బైక్​ లీటర్​కు 22 కి.మీ మైలేజ్ ఇస్తుంది. ఈ బైక్​ మూడు కలర్ వేరియంట్లలో లభిస్తుంది.

Royan Enfield Shotgun 650 Price : మార్కెట్లో ఈ రాయల్​ ఎన్​ఫీల్డ్ షాట్​గన్ 650 ధర సుమారుగా రూ.3.59 లక్షల నుంచి రూ.3.73 లక్షల ప్రైస్ రేంజ్​లో ఉంటుంది.

2. Revolt RV400 BRZ Features : ఈ రివోల్ట్​ ఆర్​వీ400 అనేది ఒక ఎలక్ట్రిక్ బైక్​. దీనిలో 3.24 కిలోవాట్​ సామర్థ్యం గల బ్యాటరీ ఉంది. దీనికి 5 సంవత్సరాలు లేదా 75,000కి.మీ వారెంటీ ఇస్తున్నారు. ఈ బ్యాటరీని ఫుల్​ ఛార్జ్ చేస్తే 150 కి.మీ రేంజ్​ వరకు ప్రయాణించవచ్చని కంపెనీ చెబుతోంది. ఈ బైక్​ మూడు వేరియంట్లలో లభిస్తుంది.

Revolt RV400 BRZ Price : మార్కెట్లో ఈ రివోల్ట్​ ఆర్​వీ 400 బైక్ ధర సుమారుగా రూ.1.27 లక్షల నుంచి రూ.1.44 లక్షల వరకు ఉంటుంది.

3. Kawasaki Eliminator Features : ఈ కవాసకి ఎలిమినేటర్​ బైక్​లో 451 cc ఎయిర్​-కూల్డ్​ ఇంజిన్ అమర్చారు. ఇది 9000 rpm వద్ద 45 PS పవర్​, 6000 rpm వద్ద 42.6 Nm టార్క్ జనరేట్ చేస్తుంది. ఈ బైక్​ లీటర్​కు 30 కి.మీ మైలేజ్ ఇస్తుంది. ఈ బైక్​ సింగిల్​ వేరియంట్​లో మాత్రమే లభిస్తుంది.

Kawasaki Eliminator Price : మార్కెట్లో ఈ కవాసకి ఎలిమినేటర్ బైక్ ధర సుమారుగా రూ.5.62 లక్షలు ఉంటుంది.

4. Jawa 350 Features :ఈ జావా 350 బైక్​లో 334 cc ఎయిర్​-కూల్డ్​ ఇంజిన్ అమర్చారు. ఇది 22.57 PS పవర్​, 28.1 Nm టార్క్ జనరేట్ చేస్తుంది. ఈ బైక్​ లీటర్​కు 30 కి.మీ మైలేజ్ ఇస్తుంది. ఇది 6 స్పీడ్​ మాన్యువల్ ట్రాన్స్​మిషన్​తో వస్తుంది. ఈ బైక్ మూడు కలర్ వేరియంట్లలో లభిస్తుంది.

Jawa 350 Price : మార్కెట్లో ఈ జావా 350 బైక్ ధర సుమారుగా రూ.2.15 లక్షలు ఉంటుంది.

5. Husqvarna Svartpilen 401 Features : ఈ హుస్క్వర్నా స్వర్ట్పిలెన్​ 401 బైక్​లో 373 cc సామర్థ్యంగల​ ఇంజిన్ అమర్చారు. ఇది 9000 rpm వద్ద 44 HP పవర్​, 7000 rpm వద్ద 37 Nm టార్క్ జనరేట్ చేస్తుంది. ఈ బైక్​ లీటర్​కు 29 కి.మీ మైలేజ్ ఇస్తుంది. ఈ బైక్​ నాలుగు వేరియంట్లో లభిస్తుంది.

Husqvarna Svartpilen 401 Price : మార్కెట్లో ఈ హుస్క్వర్నా స్వర్ట్పిలెన్​ 401 బైక్ ధర సుమారుగా రూ.1.55 లక్షల నుంచి రూ.7 లక్షల వరకు ఉంటుంది.

6. Honda NX500 Features : ఈ హోండా ఎన్​ఎక్స్​500 బైక్​లో 471 cc సామర్థ్యంగల​ ఇంజిన్ అమర్చారు. ఇది 8600 rpm వద్ద 47.5 PS పవర్​, 6500 rpm వద్ద 43 Nm టార్క్ జనరేట్ చేస్తుంది. ఈ బైక్​ లీటర్​కు 27.78 కి.మీ మైలేజ్ ఇస్తుంది.

Honda NX500 Price : మార్కెట్లో ఈ హోండా ఎన్​ఎక్స్​500 ధర సుమారుగా రూ.5.90 లక్షలు ఉంటుంది.

7. Hero Xtreme 125R Features : ఈ హీరో ఎక్స్​ట్రీమ్​ 125ఆర్​ బైక్​లో 124.7 cc సామర్థ్యంగల​ ఇంజిన్ అమర్చారు. ఇది 8350 rpm వద్ద 11.55 PS పవర్​, 6000 rpm వద్ద 10.5 Nm టార్క్ జనరేట్ చేస్తుంది. ఈ బైక్​ లీటర్​కు 66 కి.మీ మైలేజ్ ఇస్తుంది.

Hero Xtreme 125R Price :మార్కెట్లో ఈ హీరో ఎక్స్​ట్రీమ్​ 125ఆర్ బైక్ ధర సుమారుగా రూ.95,000 నుంచి రూ.90,500 వరకు ఉంటుంది.

8. Bajaj Chetak Premium Features : భారతదేశంలో ఒకప్పుడు బజాజ్​ చేతక్ స్కూటర్ ఎంతో పాపులర్. అందుకే బజాజ్​ఆటో కంపెనీ దానిని మరలా ఎలక్ట్రిక్ వెర్షన్​లోకి తెచ్చింది. దీనిలో 3.2 కిలోవాట్​ సామర్థ్యం ఉన్న బ్యాటరీని అమర్చారు. దీనిని ఫుల్​ ఛార్జ్ చేస్తే 127 కి.మీ రేంజ్ వరకు ప్రయాణించవచ్చని కంపెనీ చెబుతోంది. ఈ ఈవీ స్కూటర్​తో గరిష్ఠంగా గంటకు 73 కి.మీ వేగంతో ప్రయాణించవచ్చు.

Bajaj Chetak Premium Price :మార్కెట్లో ఈ బజాజ్ చేతక్​ ప్రీమియం స్కూటర్ ధర సుమారుగా రూ.1.44 లక్షలు ఉంటుంది.

9. Ather 450 Apex Features : బెంగళూరు బేస్డ్​ ఎలక్ట్రిక్ స్కూటర్​ మాన్యుఫాక్చురర్​ ఏథర్ ఎనర్జీ ఈ 2024లో ఏథర్​ 450 అపెక్స్ బైక్​ను లాంఛ్ చేసింది. దీనిలో 3.7 కిలోవాట్​ సామర్థ్యం ఉన్న బ్యాటరీని అమర్చారు. దీనిని ఫుల్​ ఛార్జ్ చేస్తే 157 కి.మీ రేంజ్ వరకు ప్రయాణించవచ్చని కంపెనీ చెబుతోంది. ఈ ఈవీ స్కూటర్​తో గరిష్ఠంగా గంటకు 100 కి.మీ వేగంతో ప్రయాణించవచ్చు.

Ather 450 Apex Price : మార్కెట్లో ఈ ఏథర్​ 450 అపెక్స్​ స్కూటర్ ధర సుమారుగా రూ.1.89 లక్షలు ఉంటుంది.