Maruti Swift Bookings :దేశీయ ఆటోమొబైల్ దిగ్గజం మారుతి సుజుకి ఎప్పటికప్పుడు వినియోగదారుల అభిరుచులకు అనుగుణంగా సరికొత్త మోడల్ కార్లను మార్కెట్లోకి తెస్తూ ఉంటుంది. అందుకే వీటికి ఇండియన్ మార్కెట్లో ఎప్పుడూ ఫుల్ డిమాండ్ ఉంటుంది. అయితే మారుతి కార్లలో 'స్విఫ్ట్' (Swift)కు ప్రత్యేకమైన ఫ్యాన్ ఫాలోయింగ్ ఉంది.
ప్రస్తుతం ఇండియన్ మార్కెట్లో ఫోర్త్-జనరేషన్ మారుతి సుజుకి స్విఫ్ట్ హవా నడుస్తోంది. 2024 మే 9న విడుదలైన ఈ కారు గత మోడల్స్ మాదిరిగానే పెద్ద సంఖ్యలో బుకింగ్స్ సాధిస్తోంది. సేల్స్ ప్రారంభించిన మొదటి నెలలోనే ఏకంగా 19,393 యూనిట్లను డీలర్లకు పంపిణీ చేసినట్లు మారుతి సుజుకి కంపెనీ తెలిపింది.
భారీ స్థాయిలో బుకింగ్స్
2024 మే 9న భారత మార్కెట్లోకి విడుదలైన ఫోర్త్ జనరేషన్ స్విఫ్ట్ కారు ఇప్పటి వరకు 40,000 బుకింగ్స్ను సాధించింది. ఈ కారు ధర కేవలం రూ.6.49 లక్షలు మాత్రమే. అందుకే ఈ అఫర్డబుల్ కార్కు మార్కెట్లో మంచి డిమాండ్ ఉంటోంది.
ఈ వేరియంట్లకు ఫుల్ డిమాండ్"
మారుతి సుజుకి స్విఫ్ట్ మొత్తం బుకింగ్స్లో మిడ్-స్పెక్ VXI, VXI (O) వేరియంట్లే ఏకంగా 60 శాతం వరకు ఉన్నాయి. వీటి తరువాత ఎంట్రీ లెవల్ LXI వేరియంట్ 11 శాతం బుకింగ్స్ సాధించింది. ఖరీదైన స్విఫ్ట్ వేరియంట్లు ZXI, ZXI+లు మొత్తం బుకింగ్స్లో 19 శాతం వరకు ఉన్నాయి.
ఆ వేరియండ్కు డిమాండ్ తగ్గిందా?
న్యూ స్విఫ్ట్ ఏఎంటీ కార్లకు సాపేక్షికంగా డిమాండ్ తగ్గినట్లు కనిపిస్తోంది. ఎందుకంటే ఇప్పటి వరకు కేవలం 17 శాతం మంది మాత్రమే ఈ మోడల్ కార్లను బుక్ చేసుకున్నారు. వీటిలో మిడ్-స్పెక్ VXI కార్లు కేవలం 10 శాతం బుకింగ్స్ మాత్రమే దక్కించుకున్నాయి. ZXI, ZXI+ ఏఎంటీ వేరియంట్లు అయితే కేవలం 7 శాతం వరకు బుక్ అయ్యాయి.
Maruti Suzuki Swift Features :మారుతి సుజుకి కంపెనీ 2024 మోడల్ స్విఫ్ట్ కార్లో ఎక్స్‌టీరియర్, ఇంటీరియర్, ఫీచర్ల పరంగా చాలా మార్పులు చేసింది. రీడిజైన్ చేసిన రియర్ బంపర్, కొత్త అల్లాయ్ వీల్స్, అప్డేటెడ్ హెడ్‌ల్యాంప్‌లు, ఫాగ్ ల్యాంప్‌లు, C-షేప్ టెయిల్‌ ల్యాంప్‌లతో ఈ న్యూ-జెన్ స్విఫ్ట్ చాలా ఆకర్షణీయంగా ఉంటుంది. దీనిలో వైర్‌లెస్ స్మార్ట్‌ఫోన్ కనెక్టివిటీ, ఆర్కామిస్ సౌండ్ సిస్టమ్, టైప్-సి ఛార్జింగ్ పోర్ట్, ఆటోమేటిక్ క్లైమేట్ కంట్రోల్, అప్డేడేటెడ్ స్విచ్ గేర్, అనలాగ్ ఇన్‌స్ట్రుమెంట్ క్లస్టర్, వైర్‌లెస్ ఛార్జర్‌తో కూడిన 9 అంగుళాల స్మార్ట్‌ప్లే ప్రో, టచ్‌స్క్రీన్ ఇన్ఫోటైన్‌మెంట్ సిస్టమ్, వెనక భాగంలో ఏసీ వెంట్స్‌ లాంటి లేటెస్ట్ ఫీచర్లు ఉన్నాయి. కొత్త స్విఫ్ట్ కార్ అన్ని వేరియంట్లలోనూ ఆరు ఎయిర్‌ బ్యాగ్‌లు ఉంటాయి. కనుక సేఫ్టీ పరంగానూ ఇది బెస్ట్ ఛాయిస్ అవుతుంది.
ఈ న్యూ-జెన్ మారుతి స్విఫ్ట్ కారులో 1.2 లీటర్ త్రీ-సిలిండర్ పెట్రోల్ ఇంజిన్ ఉంటుంది. ఇది 82 bhp పవర్, 112 Nm టార్క్ జనరేట్ చేస్తుంది. ఇది 5-స్పీడ్ మాన్యువల్, 5-స్పీడ్ ఏఎంటీ ట్రాన్స్మిషన్ ఆప్షన్లతో వస్తుంది. ఈ కార్ ఫ్యూయెల్ ఎఫీషియన్సీ 25.75 కి.మీ/లీటర్. త్వరలోనే సీఎన్జీ వేరియంట్ కార్లను కూడా మార్కెట్లోకి తెస్తామని మారుతి సుజుకికంపెనీ చెబుతోంది.
మీ బైక్ మైలేజ్ తగ్గుతోందా? ఈ టిప్స్ పాటిస్తే ఓ రేంజ్లో పెరగడం గ్యారెంటీ! - Bike Mileage Increase Tips
స్టాక్ మార్కెట్లో భారీగా నష్టపోయారా? ఈ టిప్స్ పాటిస్తే లాభాల బాట పట్టడం గ్యారెంటీ! - Stock Market Investment Tips
