How To Deactivate Paytm Fastag : దేశం మారుతోంది, దేశంలోని రోడ్లూ మారుతున్నాయి. మంచి రోడ్ల నిర్వహణ కోసం అక్కడక్కడ టోల్ గేట్స్ ఏర్పాటు చేసి టోల్ ఛార్జ్ చేయడం అందరికీ తెలిసిందే. అయితే గతంలో నగదు రూపంలో ఈ టోల్ ఛార్జ్ చేసేవారు. అయితే దానిని డిజిటలైజ్ చేసి ఫాస్టాగ్లను తీసుకురావడం జరిగింది. దేశంలోని వివిధ బ్యాంకులు ఈ ఫాస్టాగ్లను జారీ చేసేలా ఆర్బీఐ చర్యలు తీసుకుంది. దేశంలో ఫాస్టాగ్లను జారీ చేస్తున్న బ్యాంకుల జాబితాలో పేటీఎం పేమెంట్ బ్యాంక్ కూడా ఒకటి.
అయితే పేటీఎం పేమెంట్ బ్యాంక్ నిబంధనలకు లోబడి పని చేయడం లేదంటూ ఆర్బీఐ అనేక ఆంక్షలు విధించింది. ముఖ్యంగా మార్చి 15, 2024 తరువాత పేటీఎం ఫాస్టాగ్లు పనిచేయవని స్పష్టం చేసింది. అందువల్ల పేటీఎం పేమెంట్ బ్యాంక్ నుంచి ఫాస్టాగ్ పొందిన వాళ్లు కొత్త ఫాస్టాగ్ తీసుకోవడం మంచిది. అలాగే పాత ఫాస్టాగ్ను డీయాక్టివేట్ చేసుకుని రీఫండ్ కూడా పొందాలి. అది ఎలాగో ఇప్పుడు తెలుసుకుందాం.
పేటీఎం పేమెంట్ బ్యాంక్ ఫాస్టాగ్ రీఫండ్ ఇలా పొందండి:
- ముందుగా పేటీఎం ఫాస్టాగ్ కస్టమర్ కేర్ నంబర్ 1800-120-4210కు కాల్ చేయండి.
- భాషను ఎంచుకోవడం ద్వారా IVR మెనూలోకి వెళ్లి, ఆపై 'ఫాస్టాగ్'ను ఎంచుకోండి.
- తరువాత ఆటోమేటెడ్ వాయిస్ సిస్టమ్లో ‘క్లోజ్ ఫాస్టాగ్’ ను ఎంచుకోండి.
- తర్వాత మీ రిజిస్టర్డ్ మొబైల్ నంబర్కు మెసేజ్ రూపంలో ఒక లింక్ వస్తుంది.
- లింక్ పై క్లిక్ చేయగానే పేటీఎం యాప్ ఓపెన్ అవుతుంది.
- అక్కడ పేటీఎం ఫాస్టాగ్ ఉన్న మీ రిజిస్టర్డ్ వెహికల్స్ వివరాలన్నీ కనిపిస్తాయి.
- వెహికల్ నంబర్పై క్లిక్ చేసి ‘క్లోజ్ ఫాస్టాగ్’ ఆప్షన్ ఎంచుకోవాలి.
- దీని తరువాత ‘మీ రిఫండ్ ప్రారంభించబడింది’ అని పాప్-అప్ మెసేజ్ వస్తుంది.
- 7-10 రోజుల్లో రీఫండ్ వస్తుందని పేటిఎం బ్యాంక్ నుంచి మీకు కన్ఫర్మేషన్ మెసేజ్ వస్తుంది.
- రీఫండ్ పూర్తయిన తర్వాత కస్టమర్లకు రీఫండ్ పూర్తైనట్లు మరో మెసేజ్ వస్తుంది.
- అయితే ఇది మీ ఒరిజినల్ పేమెంట్ సోర్స్ లేదా పేటీఎం వాలెట్కు వెళుతుందో స్పష్టంగా తెలియదు.
- ఒకవేళ పేటీఎం వాలెట్కి వచ్చినట్లైతే, యాప్లోకి వెళ్లి ఆ డబ్బును మీ బ్యాంకు అకౌంట్కు ట్రాన్స్ఫర్ చేసుకోవచ్చు.
2024లో లాంఛ్ కానున్న టాప్-5 కార్స్ ఇవే! ఫీచర్స్ అదుర్స్ - ధర ఎంతో తెలుసా?
అమెరికాలో గూగుల్ పే బంద్! మరి భారత్ సంగతేంటి? మన డబ్బు భద్రమేనా?
