Evening Snacks for Children:పిల్లలకు స్కూల్ నుంచి రాగానే ఏదో ఒక స్నాక్ తినడం అలవాటు. అలా అని రోజూ ఒకటే పెడితే తినడానికి ఇష్టపడరు. ఈ క్రమంలో రోజూ వెరైటీలు చేయాలంటే అందరికి కుదరదు. కొద్దిమందికి చేయడం రాదు. అలాంటి వారి కోసమే ఇది. ఈ స్నాక్స్ ఎవరైనా చేయొచ్చు. అందుకోసం ఎక్కువగా కష్టపడాల్సిన అవసరం కూడా లేదు. మరి ఈ స్నాక్స్ త‌యారీకి కావ‌ల్సిన పదార్థాలు వంటి వివ‌రాల‌ు ఈ స్టోరీలో చూద్దాం..
పొటాటో లాలీపాప్‌(Potato Lollipops)
కావలసిన పదార్థాలు:
- బంగాళ దుంపలు – 2 (ఉడికించి, తొక్క తీసి మెత్తగా చేయాలి)
- బ్రెడ్ పొడి – ఒకటిన్నర కప్పులు
- ఉల్లిపాయ-1(సన్నగా తురుముకోవాలి)
- పచ్చి మిర్చి తరుగు- ఒక టీ స్పూను
- కొత్తిమీర – 2 టేబుల్‌ స్పూన్లు
- పసుపు – చిటికెడు
- కారం – టీ స్పూను
- జీలకర్ర పొడి అర టీ స్పూను
- ధనియాల పొడి – అర టీ స్పూను
- ఉప్పు – తగినంత
- చాట్‌ మసాలా – టీ స్పూను
- అల్లం వెల్లుల్లి ముద్ద – అర టీ స్పూను
- నిమ్మ చెక్క – ఒకటి
- మైదా పిండి – ఒక టేబుల్‌ స్పూను
- నీళ్లు – తగినన్ని
తయారీ:
- ఒక గిన్నెలో బంగాళ దుంప తురుము, ఉల్లి తరుగు, పచ్చిమిర్చి తరుగు, పసుపు, కారం, జీలకర్ర పొడి, ధనియాల పొడి, ఉప్పు, చాట్‌మసాలా, అల్లం వెల్లుల్లి ముద్ద, కొత్తిమీర, నిమ్మ రసం వేసి చపాతీ ముద్దలా బాగా కలపాలి
- తర్వాత చేతికి కొద్దిగా నూనె అద్దుకుంటూ.. ఈ మిశ్రమాన్ని లాలీపాప్స్ షేప్లో చేసుకోవాలి.
- తర్వాత ఒక పాత్రలో మైదాపిండి తీసుకుని కొద్దిగా నీళ్లు పోసుకుంటూ దోశ పిండిలా కలుపుకోవాలి
- ఇప్పుడు తయారు చేసిన లాలీపాప్స్ను మైదా పిండిలో ముంచి, వెంటనే బ్రెడ్ పొడితో కోట్ చేసుకోవాలి. అలా అన్ని బాల్స్ను రెడీ చేసుకోవాలి.
- ఇప్పుడు స్టౌ మీద బాణలి పెట్టి నూనె పోయాలి. నూనె కాగిన తర్వాత అందులో ఈ బాల్స్ను వేసి బంగారు రంగులోకి వచ్చేవరకు వేయించాలి.
- ఈ బాల్స్‌కి పుల్లలు గుచ్చి లాలీపాప్‌లా చేసి, టమాట సాస్తో తింటే సూపర్గా ఉంటాయి.
చికెన్ రెగ్యులర్గా వండేస్తున్నారా? - ఈ సండే ఇలా చేయండి - కమ్మగా, కారంగా!
మిక్డ్స్ వెజ్ లాలిపాప్(Mixed Veg Lollipops):
కావాల్సిన పదార్ధాలు
- బంగాళాదుంప తురుము- 1 కప్పు
- క్యారెట్ తురుము- అర కప్పు
- క్యాబేజీ తురుము- అర కప్పు
- ఫ్రెంచ్ బీన్స్ తరుగు- అరకప్పు
- పచ్చిమిర్చి తరుగు-పావు కప్పు
- ఉల్లిపాయ తరుగు-పావు కప్పు
- నిమ్మరసం-1 టీ స్పూన్
- జీలకర్ర- 1/2 టీస్పూన్
- రెడ్ చిల్లి ఫ్లేక్స్- 1/2 టీస్పూన్
- వేయించిన జీలకర్ర పొడి-1/2 టీస్పూన్
- గరం మసాలా-1/2 టీస్పూన్
- ఉప్పు- తగినంత
- కారం-1/2 టీస్పూన్
- కొత్తిమీర తరుగు- 2 స్పూన్లు
- ఐస్ పుల్లలు
- నూనె- వేయించడానికి సరిపడా
- పైన కోటింగ్ కోసం
- మైదా- పావు కప్పు
- బ్రెడ్ పొడి- అరకప్పు
- సాల్ట్- కొద్దిగా
- నీళ్లు- తగనన్ని
తయారీ విధానం:
- స్టౌ మీద కడాయి పెట్టి రెండు టీ స్పూన్ల నూనె వేసి.. వేడెక్కాక జీలకర్ర, పచ్చిమిర్చి తరుగు, ఉల్లిపాయ సన్నని తరుగు వేపి పచ్చి వాసన పోయేంతవరకు వేయించుకోవాలి.
- తరువాత క్యాబేజీ, క్యారెట్, బీన్స్ తరుగు వేసి ఓ మూడు నిమిషాలు వేయించుకోవాలి.
- తర్వాత రుచికి సరిపడా ఉప్పు, కారం, చిల్లి ఫ్లేక్స్, జీలకర్ర పొడి, గరం మసాలా వేసి బాగా కలుపుకుని మరో నిమిషం పాటు ఫ్రై చేసుకోవాలి.
- ఇప్పుడు బంగాళాదుంప తురుము వేసి బాగా కలిపి, స్టవ్ ఆఫ్ చేసి కొత్తిమీర తరుగు నిమ్మరసం పిండుకుని బాగా కలుపుకుని దింపి చల్లార్చుకోవాలి.
- చల్లారిన మిశ్రమాన్ని చిన్న చిన్న బాల్స్గా చేసుకోండి. తర్వాత ఆ బాల్స్ను 30 నిమిషాలు ఫ్రిజ్లో ఉంచండి.
- ఇప్పుడు మైదాలో కొద్దిగా ఉప్పు వేసి నీళ్లు పోసి దోశ పిండి లాగా కలుపుకోవాలి.
- తర్వాత ఫ్రిజ్లో నుంచి తీసిని బాల్స్ను మైదా పిండిలో ముంచి ఆ తరువాత బ్రెడ్ పొడిలో 3-4 సార్లు కోట్ చేసుకోవాలి.
- ఆ తరువాత ఐస్ పుల్ల గుచ్చి మరో సారి నెమ్మదిగా పుల్లకి అంటుకునేలా బాల్స్ని సిద్ధం చేసుకోవాలి.
- ఇప్పుడు స్టౌ మీద బాండీ పెట్టి నూనె పోసి.. బాగా వేడెక్కిన తర్వాత అందులో రెడీ చేసుకున్న బాల్స్ వేసి గోల్డెన్ కలర్ వచ్చేదాకా మీడియం మంట మీదే ఫ్రై చేసుకోవాలి.
- లాలిపాప్ బాగా క్రిస్పీగా వేగాక అప్పుడు టమాట సాస్తో సర్వ్ చేసుకుంటే టేస్ట్ అదిరిపోద్ది.
- ఇకపోతే బ్రెడ్ పొడి బయట షాపుల్లో దొరుకుతుంది. ఒకవేళ బ్రెడ్ పొడి లేకపోతే మిల్క్ బ్రెడ్ని దోరగా వేయించి.. అంచులు తీసేసి మిక్సీలో మెత్తని పొడి చేసి వాడుకోవచ్చు.
Telangana Special Natukodi Curry : తెలంగాణ స్టైల్లో నాటుకోడి కర్రీ.. మసాలా నషాళాన్ని తాకాల్సిందే!
రెస్టారెంట్ స్టైల్లో చికెన్ 65 - ఇలా చేశారంటే వావ్ అనాల్సిందే!
