Kaju Mushroom Masala Curry Making Process : సండే వచ్చిందంటే చాలు ప్రతి వంటింట్లో నాన్‌వెజ్‌ వంటకాలు ఘుమఘుమలాడుతుంటాయి. అయితే, ఎప్పుడూ చికెన్‌, మటన్ వంటివి వండకుండా.. ఈ సారి పుట్టగొడుగులతో రెస్టరెంట్‌ స్టైల్‌లో కాజు మష్రూమ్ మసాలా కర్రీ ట్రై చేయండి. ఒక్కసారి ఈ రెసిపీట్రై చేశారంటే.. మళ్లీ మళ్లీ దీనిని వండుకుంటారు. అంత బాగుంటుంది దీని టేస్ట్. చేయడం కూడా పెద్ద కష్టం కాదు. ఈజీగా ప్రిపేర్ చేయొచ్చు. అంతేనా ఈ కర్రీతో రైస్ మాత్రమే కాదు.. చపాతీ, పరాటా, రోటి.. ఇలా కాంబినేషన్ ఏదైనా హిట్ కావాల్సిందే. మరి దీనికి కావాల్సిన పదార్థాలు, తయారీ విధానం ఈ స్టోరీలో చూద్దాం..
కావాల్సిన పదార్ధాలు :
గ్రేవీ కోసం
- టమాటలు-3
- చిన్న అల్లం ముక్క
- జీడిపప్పు- పావు కప్పు(15 నిమిషాలు నానబెట్టుకోవాలి)
- పచ్చిమిర్చి-3
- వెల్లులి రెబ్బలు-4
- యాలకలు-2
- లవంగాలు-3
- ఎండు మిర్చి-2
- మిరియాలు-1/2 tsp
- పెరుగు- 1/4 cup
కర్రీ కోసం:
- మష్రూమ్స్ - 150 గ్రాములు
- జీడిపప్పు - ముప్పావు కప్పు
- నూనె - సరిపడా
- ఉల్లిపాయ - 1
- జీలకర్ర- 1 tsp
- కారం-1/2 tsp
- కశ్మీరీ కారం - 2 టీ స్పూన్లు
- గరం మసాలా- 1/2 tsp
- ధనియాల పొడి-1/2 tsp
- ఉప్పు- సరిపడినంత
- నీళ్లు - సరిపడా
- నెయ్యి-1 tsp
- కొత్తిమీర తరుగు
- నిమ్మరసం - కొద్దిగా
సండే స్పెషల్ - నోరూరించే ప్రాన్స్ బిర్యానీ! ఇలా చేశారంటే మళ్లీ మళ్లీ తినడం పక్కా!
కాజు మష్రూమ్ మసాలా కర్రీ తయారీ విధానం :
- ముందుగా గ్రేవీ కోసం మిశ్రమం ప్రిపేర్ చేసుకోవాలి. అందుకోసం మిక్సీలో టమాటలను ముక్కలుగా కట్‌ చేసుకుని వేసుకోవాలి. ఆ తర్వాత అందులో అల్లం ముక్క, పచ్చిమిర్చి, వెల్లుల్లి రెబ్బలు, యాలకులు, లవంగాలు, మిరియాలు, నానబెట్టిన జీడిపప్పు, పావుకప్పు పెరుగు, ఎండుమిర్చి, కొన్ని నీళ్లు పోసి మెత్తగా గ్రైండ్‌ చేసుకోవాలి.
- తర్వాత స్టౌ ఆన్ చేసి పాన్‌ పెట్టి ఆయిల్‌ వేసుకుని జీడిపప్పు వేసుకుని ఓ నిమిషం పాటు ఫ్రై చేయండి. ఇప్పుడు సగానికి కట్‌ చేసుకున్న మష్రూమ్ వేసుకుని.. మష్రూమ్స్, జీడిపప్పు లైట్‌ గోల్డెన్ బ్రౌన్ కలర్ వచ్చే దాకా ఫ్రై చేయండి. తర్వాత వీటిని ప్లేట్‌లోకి తీసి పక్కన పెట్టండి.
- ఇప్పుడు అదే ఆయిల్‌లో జీలకర్ర, ఉల్లిపాయ ముక్కలు వేసి గోల్డెన్ బ్రౌన్ కలర్ వచ్చేంతవరకు వేయించుకోవాలి. తర్వాత ఇందులో కారం, కశ్మీరీ కారం, గరం మసాలా, ధనియాల పొడి వేసి కలుపుకోవాలి.
- తర్వాత ఇందులోకి గ్రైండ్‌ చేసుకున్న జీడిపప్పు మిశ్రమాన్ని వేసి నూనె పైకి తేలేంత వరకు ఉడికించుకోవాలి. ఆ తర్వాత నీళ్లు పోసి గ్రేవి చిక్కబడే వరకూ ఉడికించుకోవాలి.
- ఇప్పుడు రుచికి సరిపడా ఉప్పు వేసుకుని ఉడికించుకోవాలి.
- తర్వాత ఇందులోకి ఫ్రైడ్‌ కాజు, మష్రూమ్ వేసుకుని ఓ 5 నిమిషాల పాటు ఉడికించుకోవాలి.
- ఇప్పుడు ఒక టేబుల్‌ స్పూన్ నెయ్యి, కొత్తిమీర వేసుకుని సన్నని మంట మీద 3 నిమిషాలు ఉడికించుకోవాలి.
- స్టవ్ ఆఫ్ చేసే ముందు కొద్దిగా నిమ్మరసం పిండుకుంటే సరి. రెస్టరెంట్‌ స్టైల్ కాజు మష్రూమ్ కర్రీ రెడీ.
బ్రెడ్తో ఇలా చిటికెలో బజ్జీలు చేయండి - పిల్లలు ఎంతో ఇష్టంగా తింటారు!
నోరూరించే "వంకాయ దమ్ బిర్యానీ" - ఇలా చేశారంటే ఇంట్లో ప్రతి ఒక్కరు ఫిదా అవ్వాల్సిందే!
