IRCTC దివ్యమైన తిరుమల ప్యాకేజీ - శ్రీవారి స్పెషల్​ దర్శనంతోపాటు మరెన్నో! - IRCTC Tirupati Tour

IRCTC Tirupati Tour : తిరుపతి వెళ్లాలని ప్లాన్ చేస్తున్నారా? శ్రీవారిని దర్శించుకోవడంతో పాటు చుట్టుపక్కల ఆలయాలనూ చూడాలనుకుంటున్నారా? అయితే, మీకో గుడ్ న్యూస్. IRCTC తీసుకొచ్చిన ఈ ప్యాకేజీని బుక్ చేసుకున్నారంటే.. కేవలం రెండు రోజుల్లోనే తిరుమలతోపాటు చుట్టు పక్కల పుణ్యక్షేత్రాలనూ దర్శించుకోవచ్చు. పూర్తి వివరాలు ఇప్పుడు చూద్దాం.

IRCTC Vishakhapatnam to Tirumala Tour Package : చాలా మందికి కలియుగ వైకుంఠం తిరుమలలో వెలసిన శ్రీనివాసుడిని దర్శించుకోవాలని ఉంటుంది. సౌత్ ఇండియాలో అత్యంత ప్రసిద్ధి చెందిన ఈ పుణ్యక్షేత్రాన్ని సందర్శించాలని పరితపిస్తుంటారు. అయితే, తిరుమల ప్రయాణమంటే మాటలా? అటు దర్శనంతోపాటు ఇటు ప్రయాణ టికెట్లూ ఏర్పాటు చేసుకోవాలి. ఫ్యామిలీతో కలిసి వెళ్లాలంటే పక్కాగా ప్లాన్‌ చేసుకోవాలి. అలాంటి వారి కోసం.. కేవలం రెండ్రోజుల్లోనే శ్రీవారిని దర్శించుకుని తిరుగు ప్రయాణం అయ్యేలా ఓ అద్భుతమైన టూర్ ప్యాకేజీని తీసుకొచ్చింది ఐఆర్​సీటీసీ. ఈ టూర్​ విమానంలో కొనసాగుతుంది. అంతేకాదు.. ఈ ప్యాకేజీలో భాగంగా తిరుమలతో(Tirumala)పాటు చుట్టు పక్కల పుణ్యక్షేత్రాలనూ దర్శించుకోవచ్చు. కాబట్టి.. ఒకవేళ మీరూ తిరుపతి ప్రయాణానికి సిద్ధమవుతుంటే ఈ ప్యాకేజీపై ఓ లుక్కేయండి.

"Tirupati Balaji Darshanam Air Package Ex. Vishakhapatnam" పేరుతో.. ఇండియన్ రైల్వే కేటరింగ్ అండ్ టూరిజం కార్పొరేషన్ (IRCTC) ఈ టూర్ ప్యాకేజీని తీసుకొచ్చింది. ఈ టూర్‌ రెండు రాత్రులు, 3 పగళ్లు ఉంటుంది. ఈ ప్యాకేజీ విశాఖపట్నం నుంచి అందుబాటులో ఉంటుంది. ఈ టూర్​లో భాగంగా తిరుపతితో పాటు కాణిపాకం, శ్రీకాళహస్తి, శ్రీనివాస మంగాపురం, తిరుచానూరు ఆలయాలనూ సందర్శించవచ్చు. మీరు ఈ ప్యాకేజీని బుకింగ్‌ చేసుకుంటే.. విమానంలో తిరుమల శ్రీనివాసుని దర్శించుకొని తిరిగి విశాఖపట్నం చేరుకోవచ్చు.

టూర్ కొనసాగనుందిలా :

• మొదటి రోజు ఉదయం 10:25 గంటలకు విశాఖపట్నం నుంచి తిరుపతికి విమానం స్టార్ట్ అవుతుంది. మధ్యాహ్నం 12:10 గంటలకు తిరుపతి విమానాశ్రయానికి రీచ్ అవుతారు.
• అక్కడి నుంచి హోటల్​కు వెళ్లి ఫ్రెషప్​, లంచ్​ తర్వాత.. శ్రీనివాస మంగాపురం, కాణిపాకం దేవాలయాలను దర్శించుకుని హోటల్​కు వస్తారు. నైట్ డిన్నర్ తర్వాత స్టే అక్కడే ఉంటుంది.
• రెండో రోజు బ్రేక్​ఫాస్ట్​ అనంతరం తిరుమల బాలాజీ దర్శనం ఉంటుంది. తర్వాత లంచ్​ చేసి శ్రీకాళహస్తి, తిరుచానూరు ఆలయాలను సందర్శించి హోటల్​కు తిరిగి వస్తారు. నైట్ డిన్నర్ తర్వాత స్టే అక్కడే ఉంటుంది.
• మూడో రోజు బ్రేక్​ఫాస్ట్​ అయ్యాక.. హోటల్​ నుంచి చెక్​ అవుట్​ అయ్యి గోవింద రాజ స్వామి టెంపుల్​, ఇస్కాన్​ టెంపుల్​ను దర్శించుకుంటారు. లంచ్​ అనంతరం మధ్యాహ్నం 3 గంటలకు ఎయిర్​పోర్ట్​కు చేరుకుంటే.. తిరుపతి నుంచి విశాఖపట్నానికి విమానం బయలుదేరుతుంది. రాత్రి 6:35 నిమిషాలకు విశాఖపట్నం చేరుకోవడంతో ఈ టూర్‌ ముగుస్తుంది.

ప్యాకేజీ వివరాలు (టికెట్‌ ధర ఒక్కొక్కరికి) :

• సింగిల్‌ షేరింగ్ రూ.24,180
• ట్విన్‌ షేరింగ్‌ రూ.20,810
• ట్రిపుల్‌ ఆక్యుపెన్సీ రూ.20,615
• 5-11 ఏళ్ల మధ్య చిన్నారులకు ఒకరికి విత్‌ బెడ్‌ అయితే రూ.18,995; విత్‌ అవుట్‌ బెడ్‌ అయితే రూ.18,500 చెల్లించాలి.

ఇవి గమనించాలి :

• తిరుమల్లో శ్రీవారిని దర్శించుకోవాలంటే స్త్రీ, పురుషులు తప్పనిసరిగా సంప్రదాయ దుస్తులు ధరించాల్సి ఉంటుంది.
• 12 ఏళ్లలోపు చిన్నారులకు లడ్డూ ప్రసాదం ఉండదనే విషయాన్ని గమనించాలి.
• ఈ టూర్ ప్యాకేజీలో భాగంగా.. ఫ్లైట్ టికెట్స్, లోకల్ ట్రాన్స్‌పోర్టేషన్, తిరుమలలో శ్రీవారి ప్రత్యేక ప్రవేశ దర్శనం, తిరుచానూర్ ఆలయంలో దర్శనం, శ్రీనివాస మంగాపురం కవర్ అవుతాయి.
• యాత్రికులకు గైడ్‌ సదుపాయం, ట్రావెల్‌ ఇన్సూరెన్స్‌ ఉంటుంది.
• ప్రస్తుతం ఈ టూర్ ప్యాకేజీ 2024, ఆగస్టు 23వ తేదీన అందుబాటులో ఉంది. ఇందుకు సంబంధించిన ఇతర వివరాలు, బుకింగ్‌ కోసం ఈ లింక్​పై క్లిక్​చేసి పూర్తి వివరాలను తెలుసుకోండి.

ఇవీ చదవండి :