IRCTC SAPTA JYOTIRLINGA DARSHAN YATRA : మరికొద్ది రోజుల్లో హిందువులు అత్యంత పవిత్రంగా భావించే శ్రావణ మాసం స్టార్ట్ కానుంది. ఈ క్రమంలో చాలా మంది దేశంలోని ప్రముఖ దేవాలయాలు దర్శించుకోవాలని ప్లాన్ చేసుకుంటుంటారు. అలాంటి వారికోసం ఇండియన్‌ రైల్వే కేటరింగ్‌ అండ్‌ టూరిజం కార్పొరేషన్‌(IRCTC) సూపర్ టూర్ ప్యాకేజీ తీసుకొచ్చింది. అతి తక్కువ ధరకే ఏడు జ్యోతిర్లింగాలతో పాటు ప్రముఖ దేవాలయాలను దర్శించుకునే అవకాశం కల్పిస్తోంది. మరి, ఈ ప్యాకేజీకి సంబంధించిన పూర్తి వివరాలు ఈ స్టోరీలో తెలుసుకుందాం.
భారత్ గౌరవ్ టూరిస్ట్ ట్రైన్ ద్వారా ఐఆర్సీటీసీ "Sapta(07) Jyotirlinga Darshan Yatra" పేరుతో ఈ ప్యాకేజీ తీసుకొచ్చింది. ఈ టూర్లో భాగంగా.. మధ్యప్రదేశ్లోని ఉజ్జయిని మహాకాళేశ్వర్, ఓంకారేశ్వర్, గుజరాత్లోని నాగేశ్వర్, సోమ్నాథ్, మహరాష్ట్రలోని భీమాశంకర్, త్రయంబకేశ్వర్, ఘృష్ణేశ్వర్.. ఇలా మొత్తం ఏడు జ్యోతిర్లింగాలను దర్శించుకుంటారు. రెండు తెలుగు రాష్ట్రాల నుంచి ఈ టూర్ అందుబాటులో ఉంది. విజయవాడ మొదలు వరుసగా మధిర, ఖమ్మం, డోర్నకల్, మహబూబాబాద్, వరంగల్, కాజీపేట్, జనగామ, భువనగిరి, సికింద్రాబాద్, కామారెడ్డి, నిజామాబాద్ మీదుగా జర్నీ ఉంటుంది. అంటే.. ఈ స్టేషన్లలో ట్రైన్ ఎక్కొచ్చు. అలాగే ప్రయాణం అయిపోయాక పైన తెలిపిన స్టేషన్లలో దిగొచ్చు. ఇక ఈ టూర్ మొత్తం 11 రాత్రులు, 12 పగళ్లు కొనసాగుతుంది.
ప్రయాణం కొనసాగనుందిలా..
- మొదటి రోజు విజయవాడ నుంచి రాత్రి12 గంటలకు భారత్ గౌరవ్ టూరిస్ట్ ట్రైన్ స్టార్ట్ అవుతుంది. మధిర, ఖమ్మం, డోర్నకల్, మహబూబాబాద్, వరంగల్, కాజీపేట్, జనగామ, భువనగిరి, సికింద్రాబాద్, కామారెడ్డి, నిజామాబాద్, మహారాష్ట్రలోని ధర్మబాద్, ముద్ఖేడ్, నాందేడ్, పూర్ణ మీదుగా ప్రయాణించి మూడో రోజు ఉదయం 8 గంటలకు ఉజ్జయిని రైల్వేస్టేషన్కు చేరుకుంటారు. అంటే.. రెండో రోజు మొత్తం జర్నీ కొనసాగుతుంది.
- మూడో రోజు ఉజ్జయినిలో దిగాక అక్కడ ముందుగానే బుక్ చేసిన హోటల్లో చెక్ ఇన్ అవుతారు. అక్కడ ప్రెషప్ అయ్యి.. ఉజ్జయిని మహాకాళేశ్వర్ జ్యోతిర్లింగాన్ని దర్శించుకుంటారు. ఆ తర్వాత తిరిగి హోటల్కి చేరుకుని ఆ రాత్రి అక్కడే డిన్నర్ చేసి స్టే చేస్తారు.
- నాలుగో రోజు మార్నింగ్ బ్రేక్ఫాస్ట్ చేసి అక్కడి నుంచి చెక్ అవుట్ అయ్యి రోడ్డు మార్గం ద్వారా వెళ్లి ఓంకారేశ్వర్ జ్యోతిర్లింగాన్ని దర్శించుకుంటారు. అనంతరం ఉజ్జయిని రైల్వే స్టేషన్ చేరుకుంటారు. అక్కడి నుంచి ద్వారకాకు ట్రైన్ జర్నీ స్టార్ట్ అవుతుంది.
- ఐదో రోజు సాయంత్రం 5 గంటలకు ద్వారకాకు చేరుకుని అక్కడ హోటల్లో చెక్ ఇన్ అవుతారు. ఆ రోజు నైట్ అక్కడే డిన్నర్, స్టే ఉంటుంది.
- ఆరో రోజు మార్నింగ్ బ్రేక్ఫాస్ట్ తర్వాత Dwarkadhish టెంపుల్ను సందర్శిస్తారు. తర్వాత తిరిగి హోటల్కు చేరుకుని మధ్యాహ్నం భోజనం అనంతరం చెక్ అవుట్ అయి ద్వారకా నాగేశ్వర్ జ్యోతిర్లింగాన్ని దర్శించుకుంటారు. అనంతరం ఓఖా రైల్వే స్టేషన్ చేరుకుని అక్కడి నుంచి సోమనాథ్కి ట్రైన్లో బయల్దేరుతారు.
- ఏడో రోజు మార్నింగ్ 6 గంటలకు సోమనాథ్కి చేరుకుని హోటల్లో చెక్ ఇన్ అవుతారు. తర్వాత ఫ్రెషప్ అయ్యి సోమనాథ్ జ్యోతిర్లింగాన్ని దర్శించుకుంటారు. అనంతరం మధ్యాహ్నం 2 గంటలకు సోమనాథ్ రైల్వే స్టేషన్ చేరుకుని అక్కడి నుంచి ట్రైన్లో నాసిక్ బయల్దేరుతారు.
- ఎనిమిదో రోజు 3 గంటలకు నాసిక్ చేరుకొని హోటల్ చెకిన్ అవుతారు. ఆ రోజు అక్కడే డిన్నర్, స్టే ఉంటుంది.
- తొమ్మిదో రోజు మార్నింగ్ బ్రేక్ఫాస్ట్ తర్వాత చెక్ అవుట్ అయి నాసిక్ త్రయంకేశ్వర్ జ్యోతిర్లింగాన్ని దర్శించుకంటారు. అనంతరం రాత్రి 9 గంటలకు నాసిక్ రోడ్ రైల్వే స్టేషన్ చేరుకుని ట్రైన్లో పుణెకి పయనమవుతారు.
- పదో రోజు మార్నింగ్ 5:30 గంటలకు ఖరకి రైల్వే స్టేషన్ చేరుకుని ఆ తర్వాత అక్కడి హోటల్లో చెకిన్ అవుతారు. అనంతరం ఫ్రెషప్ అయ్యి భీమాశంకర్ జ్యోతిర్లింగాన్ని దర్శనం చేసుకుంటారు. తర్వాత తిరిగి రాత్రి 11 గంటలకు పుణె రైల్వే స్టేషన్ చేరుకుని ట్రైన్లో ఔరంగాబాద్ బయల్దేరుతారు.
- పదకొండో రోజు ఉదయం 7 గంటలకు అక్కడకు చేరుకుంటారు. ఆపై ఫ్రెషప్ అయి ఘృష్ణేశ్వర్ జ్యోతిర్లింగాన్ని దర్శించుకొంటారు. తర్వాత రాత్రి 7 గంటలకు ఔరంగాబాద్ రైల్వేస్టేషన్కు చేరుకుని విజయవాడకు రిటర్న్ అవుతారు.
- 12వ రోజు పైన పేర్కొన్న స్టేషన్లలో ఆపుతూ చివరకు సాయంత్రం 5 గంటలకు విజయవాడ చేరుకోవడంతో యాత్ర కంప్లీట్ అవుతుంది.
ప్యాకేజీ ధరలు చూస్తే..
ఎకానమీ :స్లీపర్‌ క్లాస్‌లో ప్రయాణానికి ఒక్కో టికెట్‌ ధర (ట్విన్‌, ట్రిపుల్‌ షేరింగ్‌) రూ.20,950, 5 నుంచి 11 సంవత్సరాల పిల్లలకు రూ.19,255గా నిర్ణయించారు.