Madras HC On Husband Property Case : కోమాలో ఉన్న భర్త ఆస్తిని విక్రయించేందుకు భార్యకు హక్కు ఉంటుందని మద్రాసు హైకోర్టు తీర్పు ఇచ్చింది. అనారోగ్యంతో బాధపడుతూ కోమాలోకి వెళ్లిన భర్త ఆస్తులకు తనను గార్డియన్గా నియమించాలని కోరుతూ ఓ మహిళ మద్రాసు హైకోర్టులో పిటిషన్ దాఖలు చేశారు. దీనిపై విచారణ చేపట్టిన హైకోర్టు భర్త ఆస్తుల నిర్వహణకు భార్యకు అనుమతిస్తూ ఉత్తర్వులు ఇచ్చింది. అలాగే భర్త ఆస్తిని విక్రయించేందుకు అనుమతించింది.
ఇదీ కేసు
తమిళనాడు చెన్నైకి చెందిన శశికళ అనే మహిళ కోమాలోకి వెళ్లిన భర్త ఆస్తులకు గార్డియన్గా నియమించాలని కోరుతూ మద్రాసు హైకోర్టులో పిటిషన్ దాఖలు చేశారు. దీన్ని పరిశీలించిన సింగిల్ బెంచ్ జడ్జి అందుకు చట్టంలో స్థానం లేదని తెలిపారు. సివిల్ కోర్టును ఆశ్రయించాలని సూచిస్తూ పిటిషన్ను ఏప్రిల్ 23న కొట్టివేశారు.
దీనిపై శశికళ అప్పీల్కు వెళ్లగా జస్టిస్ స్వామినాథన్, జస్టిస్ బాలాజీల ద్విసభ్య ధర్మాసనం విచారణ చేపట్టింది. చట్టంలో దీనిపై ఏ మార్గం లేకపోయినా ఆస్తులకు సంరక్షకురాలు అనేలా కోర్టు ఉత్తర్వులు ఇవ్వొచ్చని గతంలో కేరళ హైకోర్టు ఇచ్చిన తీర్పును ధర్మాసనం ఈ సందర్భంగా గుర్తుచేసింది. ఈ క్రమంలోనే భర్త ఆస్తుల నిర్వహణకు భార్యకు అనుమతినిచ్చింది. సింగిల్ జడ్జి ఇచ్చిన ఉత్తర్వులను కొట్టివేసింది. శశికళను తన భర్త ఆస్తులకు గార్డియన్గా నియమించి, రూ.కోటి విలువైన ఆస్తిని విక్రయించేందుకు అనుమతించింది. రూ.కోటి విలువైన ఆస్తిని విక్రయించేందుకు అనుమతించింది. అందులో రూ.50 లక్షలు శివకుమార్‌పై ఫిక్స్‌డ్‌ డిపాజిట్‌ చేసి వచ్చే వడ్డీ ఉపయోగించుకోవచ్చని తెలిపింది. అలాగే నగదును కేవలం తన భర్త, పిల్లలు, కుటుంబ పోషణకు మాత్రమే వినియోగించాలని ఆదేశాలు జారీ చేసింది.