Rayalaseema Palli Chutney: ఇడ్లీ, పూరీ, దోశ, వడ, బొండా.. ఇలా టిఫెన్ ఏదైనా పల్లీ చట్నీ ఉండాల్సిందే. ఎందుకంటే ఆ కాంబినేషన్తో తింటేనే టేస్ట్ అద్దిరిపోతుంది. అంతేకాదు పల్లీ చట్నీతో తింటేనే చాలా మందికి టిఫెన్ తిన్న ఫీలింగ్ ఉంటుంది. ఈ చట్నీని చాలా మంది చాలా రకాలుగా చేస్తుంటారు. అయితే.. ఎప్పుడూ చేసే విధంగా కాకుండా రాయలసీమ స్టైల్లో పల్లీ చట్నీ చేస్తే అద్భుతహః అనడం పక్కా! మరి దీనికి కావాల్సిన పదార్థాలు, తయారీ విధానం ఈ స్టోరీలో చూద్దాం.
రాయలసీమ పల్లీ చట్నీకి కావాల్సిన పదార్థాలు:
- పల్లీలు - 1 కప్పు
- మీడియం సైజ్ ఉల్లిపాయ - 1
- నూనె - ఒక టేబుల్ స్పూన్
- ఎండు మిర్చి - 6
- అల్లం తరుగు - అర టీ స్పూన్
- టమాటా ముక్కలు - పావు కప్పు
- వెల్లుల్లి రెబ్బలు - 8
- జీలకర్ర - అర టీ స్పూన్
- ఉప్పు - రుచికి సరిపడా
- చింతపండు - కొద్దిగా
- వాటర్ - సరిపడా
అద్దిరిపోయే టమాటా రసం నిమిషాల్లో సిద్ధం - అన్నంలోకే కాదు సూప్లా తాగేయొచ్చు! - Tomato Rasam Recipe
తాళింపు కోసం
- నూనె - టేబుల్ స్పూన్
- ఆవాలు - అర టీ స్పూన్
- పచ్చి శనగపప్పు - అర టీ స్పూన్
- ఎండు మిర్చి - 1
- జీలకర్ర - అర టీ స్పూన్
- కరివేపాకు - 2 రెమ్మలు
తయారీ విధానం:
- ముందుగా లో-ఫ్లేమ్ మీద పల్లీలు వేయించుకోని చల్లారిన తర్వాత పొట్టు తీసి పక్కకు పెట్టుకోవాలి.
- ఇప్పుడు.. అదే పాన్లో ఓ టేబుల్ స్పూన్ ఆయిల్ వేసి ఉల్లిపాయ ముక్కలు వేసి రెండు నిమిషాల పాటు వేయించుకోవాలి.
- తర్వాత.. అందులోకి ఎండు మిర్చి, అల్లం తరుగు, టమాట ముక్కలు, వెల్లుల్లి రెబ్బలు, జీలకర్ర వేసి.. టమాటా ముక్కలు మగ్గేంతవరకు మీడియం ఫ్లేమ్ మీద ఉడికించుకొని స్టవ్ ఆఫ్ చేసుకోవాలి.
- ఇప్పుడు ఓ మిక్సీ జార్ తీసుకుని అందులోకి వేయించి పొట్టు తీసుకున్న పల్లీలు, ఉల్లిపాయ టమాట మిశ్రమం, రుచికి సరిపడా ఉప్పు వేసి, చింతపండు వేసి నీళ్లు కలుపుకుంటూ మెత్తగా గ్రైండ్ చేసుకోవాలి.
- ఇప్పుడు తాళింపు కోసం స్టవ్ మీద కళాయి పెట్టి ఓ టేబుల్ స్పూన్ నూనె వేసుకోవాలి.
- అది వేడెక్కాక ఆవాలు, పచ్చి శనగపప్పు, ఎండుమిర్చి, జీలకర్ర, కొద్దిగా కరివేపాకు వేసి వేయించుకుని చట్నీలో కలుపుకోవడమే. అంతే స్పైసీ రాయలసీమ స్టైల్ పల్నీ చట్నీ రెడీ.
- ఈ చట్నీతో ఏ టిఫెన్ తిన్నా సూపర్గా ఉంటుంది. టిఫెన్ కన్నా ఎక్కువగా చట్నీ తినేస్తారు.
స్వీట్ షాపు స్టైల్ కరకరలాడే చెగోడీలు - ఇలా చేస్తే రెండు తినే దగ్గర నాలుగు లాగించడం పక్కా! - Crispy Chegodilu Recipe
మామిడి పండ్లతో నోరూరించే బొబ్బట్లు - రుచి అద్దిరిపోతుంది! ప్రిపరేషన్ వెరీ ఈజీ! - mango bobbatlu making process
