- 14.58 PM
బీజేపీ ఎంపీ నాయబ్ సైనీ హరియాణా గవర్నర్ బండారు దత్తాత్రేయను కలిశారు. రాష్ట్రంలో ప్రభుత్వాన్ని ఏర్పాటు చేసేందుకు ఆహ్వానించమని కోరారు.
- 14.02 PM
హరియాణా కొత్త ముఖ్యమంత్రిగా నాయబ్ సైనీ ప్రమాణస్వీకారం చేయనున్నారు. కురుక్షేత్ర ఎంపీ, రాష్ట్ర బీజేపీ అధ్యక్షుడు అయిన నాయబ్ సైనీని మంగళవారం జరిగిన సమావేశంలో బీజేపీ లెజిస్లేచర్ పార్టీ నేతగా ఎన్నుకున్నారు. అంతకుముందు అనిల్ విజ్ సమావేశం నుంచి మధ్యలోనే వెళ్లిపోయారు. బీజేపీ తీసుకున్న ఈ నిర్ణయంపై ఆయన ఆగ్రహం వ్యక్తం చేసినట్లు సమాచారం.
- 12.09 PM
హరియాణా ముఖ్యమంత్రి పదవికి మనోహర్ లాల్ ఖట్టర్ రాజీనామా చేశారు. ఈ మేరకు రాజ్‌భవన్‌కు వెళ్లిన ఆయన గవర్నర్ బండారు దత్తాత్రేయకు రాజీనామా పత్రాన్ని సమర్పించారు. సీఎంతో పాటు ఆయన మంత్రివర్గ సహచరులు అందరూ రాజీనామాలు సమర్పించినట్లు బీజేపీ నేత కన్వర్‌ పాల్ గుజ్జర్‌ తెలిపారు. గవర్నర్ రాజీనామాలకు ఆమోదం కూడా తెలిపినట్లు చెప్పారు. అయితే మనోహర్ లాల్ ఖట్టర్ లోక్‌సభకు పోటీ చేయనున్నట్లు సమాచారం. బీజేపీ అధిష్ఠానం సూచనతో కొత్త నేత ముఖ్యమంత్రిగా కాసేపట్లో ప్రమాణ స్వీకారం చేయనున్నట్లు తెలుస్తోంది.
- 11.54AM
హరియాణా రాజకీయాల్లో మంగళవారం అనూహ్య పరిణామాలు జరిగాయి. హరియాణా ముఖ్యమంత్రి మనోహర్ లాల్ ఖట్టర్ తన పదవికి రాజీనామా చేశారు. మంత్రిమండలి సభ్యులు కూడా తమ రాజీనామాలను గవర్నర్ బండారు దత్రాత్రేయకు సమర్పించారు. ఈ రోజే(మంగళవారం) కొత్త ముఖ్యమంత్రిని ఎన్నుకోనున్నారు. రేసులో నయబ్‌సైనీ ఉన్నట్టు సమాచారం.
- 11.51AM
- హరియాణా సీఎం మనోహర్‌లాల్‌ ఖట్టర్ రాజీనామా
- రాజీనామా లేఖను గవర్నర్‌కు సమర్పించిన ఖట్టర్
- స్వతంత్రుల మద్దతుతో మళ్లీ ప్రభుత్వ ఏర్పాటుకు ఖట్టర్ ప్రయత్నాలు
- లోక్సభ ఎన్నికల ముందు హరియాణాలో కీలక పరిణామాలు
- బీజేపీ-జేజేపీ సంకీర్ణ ప్రభుత్వంలో చీలికలతో విభేదాలు
- హుటాహుటిన హరియాణా వెళ్లిన అర్జున్‌ ముండా, తరుణ్‌ చుగ్‌