బాణసంచా ఫ్యాక్టరీలో పేలుడు- 10 మంది మృతి

Explosion Cracker Factory Today : ఓ బాణసంచా ఫ్యాక్టరీలో పేలుడు సంభవించి 10 మంది మరణించారు. తమిళనాడులో శనివారం జరిగిందీ ఘటన.

Explosion Cracker Factory Today : తమిళనాడులోని విరుదునగర్ జిల్లాలో ఓ బాణసంచా ఫ్యాక్టరీలో పేలుడు సంభవించి 10 మంది మరణించారు. ఈ ఘటనలో గాయపడ్డ మరో ఆరుగురు శివకాశి ప్రభుత్వాసుపత్రిలో చికిత్స పొందుతున్నారు. సమాచారం అందుకున్న అగ్నిమాపక సిబ్బంది ఘటనాస్థలికి చేరుకుని సహాయక చర్యలు చేపట్టారు. అగ్నిమాపక సిబ్బంది వచ్చి మంటలు ఆర్పివేశారు. ఈ ఘటనపై కేసు నమోదు చేసుకున్న పోలీసులు పేలుడుకు గల కారణాలపై విచారణ చేపట్టారు. వెంబకొట్టాయి పోలీసుస్టేషన్ పరిధిలోని రాము దేవన్‌పట్టిలో శనివారం జరిగిందీ దుర్ఘటన.

బాణాసంచా ఫ్యాక్టరీలో పేలుడు కారణంగా సమీపంలో మూడు ఇళ్లు ధ్వంసమయ్యాయని అధికారులు తెలిపారు. ప్రమాదవశాత్తు మంటలు చెలరేగడం వల్ల పేలుడు సంభవించి ఉండవచ్చని ప్రాథమికంగా అంచనా వేశారు. మరోవైపు, ఈ పేలుడుపై తమిళనాడు మాజీ ముఖ్యమంత్రి, అన్నాడీఎంకే నేత ఎడప్పాడి పళనిస్వామి, ఏఎమ్​ఎంకే ప్రధాన కార్యదర్శి టీటీవీ దినకరన్ స్పందించారు. మృతుల కుటుంబాలకు ప్రగాఢ సానుభూతి తెలిపారు. ఈ మేరకు ఎక్స్​లో పోస్ట్ చేశారు.

మహారాష్ట్రలో అగ్నిప్రమాదం
మహారాష్ట్రలోని ముంబయిలో జరిగిన అగ్నిప్రమాదంలో 15 వాణిజ్య యూనిట్లు, కొన్ని ఇళ్లు దగ్ధమయ్యాయి. గోవండి ప్రాంతంలో శనివారం వేకువజామున జరిగిందీ అగ్నిప్రమాదం. ఈ ప్రమాదంలో ఎవరికీ గాయాలు కాలేదని అధికారులు తెలిపారు. ఐదు గంటలపాటు అగ్నిమాపక దళాలు శ్రమించి మంటలను అదుపులోకి తెచ్చాయని పేర్కొన్నారు.

బాణసంచా ఫ్యాక్టరీలో పేలుడు
మధ్యప్రదేశ్​లోని ఓ బాణసంచా కర్మాగారంలో ఇటీవలే పేలుడు సంభవించి 11 మంది మృతి చెందారు. మరో 174 మంది గాయపడ్డారు. ఈ ఘటన హర్దా జిల్లాలో జరిగింది. ఇందౌర్‌, భోపాల్‌ నుంచి ఐదు అగ్నిమాపక యంత్రాలు ఘటనాస్థలికి చేరుకొని మంటలను అదుపులోకి తెచ్చాయి.
అసలేం జరిగిందంటే?
ఈ ఘటన బైరగర్ పట్టణంలోని మగర్ధ రోడ్డులో అక్రమంగా నిర్వహిస్తున్న బాణసంచా ప్యాక్టరీలో జరిగింది. పేలుడు అనంతరం ఒక్కసారిగా మంటలు చెలరేగాయి. ఈ భారీ పేలుడు ధాటికి చుట్టుపక్కల ఉన్న ఇళ్లు, దుకాణాల కిటికీల అద్దాలు కూడా పగిలిపోయాయని స్థానికులు తెలిపారు. అలానే, పేలుడు తీవ్రతకు పరిసర ప్రాంతాల్లో ప్రకంపనలు వచ్చినట్లు స్థానికులు వెల్లడించారు. ఈ పూర్తి వార్త కోసం ఇక్కడ క్లిక్ చెయ్యండి.