టేస్టీ అండ్​ స్పైసీ "బేబీ కార్న్​ మంచూరియా" - ఇలా చేశారంటే ప్లేట్లు ప్లేట్లు ఖాళీ కావాల్సిందే! - Baby Corn Manchurian Making Process

Baby Corn Manchurian: బేబీ కార్న్ చాలా రుచిగా ఉంటాయి. దీంతో రకరకాల వంటలు చేసుకుంటుంటారు. అయితే.. బేబీ కార్న్​తో మంచూరియా ట్రై చేశారా? ఎంతో టేస్టీగా ఉంటుంది. ఈవెనింగ్​ స్నాక్స్​ కూడా బెస్ట్​ ఆప్షన్​. అది ఎలా చేయాలో ఇప్పుడు చూద్దాం.

Baby Corn Manchurian Making Process:చాలా మందికి ఫాస్ట్​ఫుడ్​ ఐటెమ్​ మంచూరియా అంటే చాలా ఇష్టం. వెజ్​, చికెన్​, పనీర్​ మంచూరియా అంటూ రకరకాలుగా తింటుంటారు. అయితే వీటితో పాటు ఒక్కసారి బేబీ కార్న్​ మంచూరియా రెసిపీ ట్రై చేయండి. ఎంతో టేస్టీగా ఉంటుంది. చిన్న పిల్లల నుంచి పెద్దల వరకు ఎంతో ఇష్టంగా తింటారు. ఈవెనింగ్​ స్నాక్స్​ కూడా బెస్ట్​ ఆప్షన్​. పైగా బేబీ కార్న్ సాధారణ ధరకే మార్కెట్లో లభిస్తుంది.ఇక, దీన్ని ఎలా తయారు చేయాలో ఈ స్టోరీలో చూద్దాం..

బేబీ కార్న్ మంచూరియాకు కావాల్సిన పదార్థాలు:

• బేబీ కార్న్ - పది
• కార్న్ ఫ్లోర్(మొక్క జొన్న పిండి) - మూడు స్పూన్లు
• ఉల్లిపాయ - ఒకటి
• పచ్చిమిర్చి - 2
• అల్లం వెల్లుల్లి పేస్టు - రెండు స్పూన్లు
• కారం - ఒక స్పూను
• ఉప్పు - రుచికి సరిపడా
• మైదాపిండి - రెండు స్పూన్లు
• సోయాసాస్ - రెండు స్పూన్లు
• చిల్లీ సాస్ - ఒక స్పూను
• టమాట సాస్ - రెండు స్పూన్లు
• నూనె - వేయించడానికి సరిపడా
• వెల్లుల్లి తరుగు - అర స్పూను
• ఉల్లికాడల తరుగు - ఒక స్పూను

బేబీ కార్న్ మంచూరియా తయారీ విధానం:

• ఒక గిన్నెలో బేబీ కార్న్‌లను వేసి ఒక్కొక్క దాన్ని రెండు ముక్కలు చేసుకోవాలి.
• అందులోనే కారం, ఉప్పు, అల్లం వెల్లుల్లి పేస్టు, మైదా, కార్న్ ఫ్లోర్ వేసి బాగా కలుపుకోవాలి. కాస్త నీటిని కూడా వేయాలి.
• ఇప్పుడు స్టవ్ మీద కళాయి పెట్టి డీప్​ ఫ్రై కి సరిపడా నూనె పోసుకోవాలి.
• నూనె వేడెక్కాక ఈ బేబీ కార్న్ వేసి డీప్ ఫ్రై చేసి పక్కన పెట్టుకోవాలి.
• ఇప్పుడు స్టవ్ మీద కళాయి పెట్టి అర స్పూన్ నూనె వేయాలి.
• అందులో సన్నగా తరిగిన పచ్చిమిర్చి, నిలువుగా తరిగిన ఉల్లిపాయ ముక్కలను వేసి వేయించుకోవాలి.
• అలాగే వెల్లుల్లి తరుగును వేసి వేయించాలి. అందులోనే చిల్లి సాస్, సోయాసాస్, టమాట సాస్ కూడా వేసి చిన్న మంట మీద వేయించాలి.
• రుచికి సరిపడా ఉప్పు వేయాలి. ఇవన్నీ ఒక నిమిషం పాటు ఉడికించుకోవాలి.
• తర్వాత ముందుగా వేయించి పెట్టుకున్న బేబీ కార్న్ వేసి టాస్ చేసుకోవాలి. రెండు నిమిషాలు అవి ఉడికాక స్టవ్ ఆఫ్ చేయాలి.
• పైన ఉల్లికాడల తరుగును వేసుకోవాలి. అంతే బేబీ మంచూరియా రెసిపీ రెడీ!