ବୌଦ୍ଧ: ନୂଆବର୍ଷରେ ଅଘଟଣ । ନବବର୍ଷରେ ସାରା ଜିଲ୍ଲା ଉତ୍ସବମୁଖର ଥିବା ବେଳେ ବୁଧବାର ଦିନ ବିଭିନ୍ନ ସ୍ଥାନରେ ଘଟିଛି ଅନେକ ଦୁର୍ଘଟଣା । ସନ୍ଧ୍ୟାରେ ଜଣେ ଚାଷୀଙ୍କ ଧାନଖଳାରେ ଦୁର୍ବୃତ୍ତ ନିଆଁ ଲଗାଇ ଦେଇଥିବା ସୂଚନା ମିଳିଛି ।
ଜିଲ୍ଲାର ବିଭିନ୍ନ ସ୍ଥାନରେ ନୂଆ ବର୍ଷ ଉପଲକ୍ଷେ ଧୂମଧାମରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ବୌଦ୍ଧ ଥାନା ଅନ୍ତର୍ଗତ ଜହ୍ନାପଙ୍କ ନିକଟରେ ସକାଳୁ ଏକ କାର ଓ ମିନି ଟ୍ରକ ମଧ୍ୟରେ ମୁହାଁମୁହିଁ ଧକ୍କା ହୋଇ ତିନି ଜଣ ଗୁରୁତର ଆହତ ହୋଇଛନ୍ତି । କାରଟି ଖୋର୍ଦ୍ଧା ରାମେଶ୍ବର ଅଭିମୁଖେ ଯାଉଥିବା ବେଳେ ଟ୍ରକଟି ବଲାଙ୍ଗୀର ଅଭିମୁଖେ ଯାଉଥିଲା । ଦୁର୍ଘଟଣାରେ ଗୁରୁତର ଦୁର୍ଗା ପ୍ରସାଦ ପଟ୍ଟନାୟକ ଓ ତାଙ୍କ ପୁଅ ଅଭିଜିତ ପଟ୍ଟନାୟକ ତଥା ଡ୍ରାଇଭର ହାଡିବନ୍ଧୁ ପାଣ୍ଡେଙ୍କୁ ପ୍ରଥମେ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।