ନାଗାବଳୀ ନଦୀରେ ବୁଡ଼ି ଜଣେ ମୃତ, ଜଣେ ନିଖୋଜ
Published : Mar 1, 2024, 10:09 PM IST
Minor Drown In Nagavali River: ରାୟଗଡ଼ା: ନାଗାବଳୀ ନଦୀରେ ଅଘଟଣ । ପାଣିରେ ବୁଡ଼ି ଜଣେ ମୃତ, ଜଣେ ନିଖୋଜ । ରାୟଗଡ଼ା ବ୍ଲକ ଚାନ୍ଦିଲି ଗାଁ ନିକଟରେ ଘଟିଛି ଏଭଳି ଏକ ଦୁଃଖଦ ଘଟଣା । ମୃତକ ଜଣକ ହେଲେ ଅନୁ ଅବଦୁଲ (୧୨) ଏବଂ ନିଖୋଜ ଜଣକ ହେଲେ ହେମାଦେଇ ସୁନା (୯)। ଉଭୟେ ସାନଚାନ୍ଦିଲି ଗ୍ରାମର ବୋଲି ସୂଚନା ମିଳିଛି । ସୂଚନାଯୋଗ୍ୟ ଅନୁ ଅବଦୁଲ ଓରଫ ଗଲଡ଼ି ଓ ହେମାଦେଇ ଆଜି ଦିନ ପ୍ରାୟ ୧୧ ଟା ସମୟରେ ଚାନ୍ଦିଲି ଗାଁ ନିକଟରେ ଥିବା ନାଗାବଳୀ ନଦୀକୁ ଗାଧୋଇବାକୁ ଯାଇଥିଲେ ।
ହେଲେ ଅସାବଧାନତା ଯୋଗୁଁ ଦୁଇ ଜଣ ନଦୀରେ ବୁଡ଼ି ଭାସି ଯାଇଥିଲେ । କିଛି ସମୟ ପରେ ପରିବାର ଲୋକ ନଦୀରେ ବୁଡ଼ି ଯାଇଥିବା ସୂଚନା ପାଇ ରାୟଗଡ଼ା ଅଗ୍ନିଶମ ବାହିନୀକୁ ସୂଚନା ଦେଇଥିଲେ । ଏଥିସହ ଗ୍ରାମର ଯୁବକମାନେ ମଧ୍ୟ ଖୋଜାଖୋଜି କରିଥିଲେ । ଦୀର୍ଘ ସମୟ ଖୋଜାଖୋଜି ପରେ ଖୋଜିବା ପରେ ଗଲଡିଙ୍କ ମୃତଦେହ ନଦୀ ଭିତରୁ ଉଦ୍ଧାର ହୋଇଥିଲା । ତେବେ ହେମାଦେଇଙ୍କ ପତ୍ତା ମିଳିନଥିବା ଜଣାପଡ଼ିଛି । ସେପଟେ ଦମକଳ ବାହିନୀ ଖୋଜାଖୋଜି ଜିରି ରଖିଛନ୍ତି । ଏହି ଅଘଟଣା ପରେ ସାନଚାନ୍ଦିଲି ଗ୍ରାମରେ ଶୋକର ଛାୟା ଖେଳାଇଛି ।
ଏହା ମଧ୍ୟ ପଢନ୍ତୁ....ବାଲିମେଳା ଜଳଭଣ୍ଡାରରେ ବୁଡ଼ି ଦୁଇ ନାବାଳିକା ମୃତ
ଇଟିଭି ଭାରତ, ରାୟଗଡ଼ା