ବାଲେଶ୍ବରରେ ଚାଲିଛି ଭୋଟିଂ: ‘ସଖୀ’ ବୁଥରେ ମହିଳା ଭୋଟରଙ୍କ ମଧ୍ୟରେ ଉତ୍ସାହ - voting in Balasore

ବାଲେଶ୍ବର: ଶେଷ ପର୍ଯ୍ୟାୟରେ ଆଜି ରାଜ୍ୟର 6 ଲୋକସଭା ଓ 42 ବିଧାନସଭା ନିର୍ବାଚନ ମଣ୍ଡଳୀରେ ମତଦାନ ଜାରି ରହିଛି । ବିଭିନ୍ନ ସ୍ଥାନରେ ଭୋଟିଂ ନେଇ ଭୋଟରଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳୁଛି । ବାଲେଶ୍ବରରେ ମଧ୍ୟ ବିଭିନ୍ନ ବୁଥରେ ଭୋଟରମାନେ ବେଶ ଉତ୍ସାହର ସହ ମତ ସାବ୍ୟସ୍ତ କରିବାରେ ଲାଗିଛି । ଜିଲ୍ଲାର 259ଟି ଆଦର୍ଶ ମତଦାନ କେନ୍ଦ୍ରରେ ସଖୀ ବୁଥ ସ୍ଥାପନ କରାଯାଇଛି । ଯେଉଁଥିରେ କେବଳ ମହିଳା ପୋଲିଂ କର୍ମଚାରୀମାନଙ୍କ ଦ୍ୱାରା ମତଦାନ କାର୍ଯ୍ୟ ପରିଚାଳନା କରାଯାଉଛି । ମହିଳା ଭୋଟରମାନେ ମଧ୍ୟ ଉତ୍ସାହର ସହ ମତଦାନ କେନ୍ଦ୍ରରେ ପହଞ୍ଚି ସେମାନଙ୍କ ମତାଧିକାର ସାବ୍ୟସ୍ତ କରୁଥିବା ଦେଖିବାକୁ ମିଳିଛି । ଜିଲ୍ଲାରେ ମୋଟ ୯,୨୯,୪୪୯ ଜଣ ମହିଳା ଭୋଟର ରହିଥିବା ବେଳେ ପ୍ରାୟ 70 ପ୍ରତିଶତରୁ ଅଧିକ ମତଦାନ ହେବାନେଇ ଆଶା କରାଯାଉଛି । ସଂଧ୍ୟା 6ଟାରେ ଭୋଟିଂ ଶେଷ ହେବା ପରେ ଇଭିଏମ ଓ ଭିଭିପ୍ୟାଟକୁ ଷ୍ଟ୍ରଙ୍ଗ ରୁମକୁ ସ୍ଥାନାନ୍ତରିତ କରାଯିବ । 4 ତାରିଖରେ ଲୋକସଭା ସହ 4 ରାଜ୍ୟର ବିଧାନସଭା ନିର୍ବାଚନର ମତଗଣନା ଓ ଜନାଦେଶ ପ୍ରକାଶ ପାଇବ ।

ଇଟିଭି ଭାରତ, ବାଲେଶ୍ବର