ତୃତୀୟ ପର୍ଯ୍ୟାୟ ମତଦାନ, ଭୋଟ ଦେଲେ ଅରୁଣ-ପ୍ରତ୍ୟୁଷା-ରଣଜିତ - NAYAGARH CANDIDATES CAST VOTE
Published : May 25, 2024, 6:54 PM IST
|Updated : May 25, 2024, 7:35 PM IST
Voting underway in Nayagarh: ନୟାଗଡ଼: ଭୋଟ ଦେଉଛି ନୟାଗଡ଼ l ନୟାଗଡର ପ୍ରମୁଖ ୩ଦଳର ପ୍ରାର୍ଥୀ ମାନେ ନିଜ ନିଜ ବୁଥକୁ ଯାଇ ମତଦାନ କରିଥିଲେ । ବିଜେଡି ବିଧାୟକ ପ୍ରାର୍ଥୀ ଡ଼ଃ ଅରୁଣ କୁମାର ସାହୁ ବୁଥକୁ ବୁଥ ବୁଲି ନିଜର କର୍ମୀ ମାନଙ୍କ ସହ ସାକ୍ଷାତ କରିଥିଲେ l ଅନ୍ୟପଟେ ନୟାଗଡ଼ର ରାଣୀ ତଥା ପୂର୍ବତନ ସାଂସଦ ତଥା ବିଜେପି ପ୍ରାର୍ଥୀ ପ୍ରତ୍ୟୁଷା ରାଜେଶ୍ୱରୀ ସିଂହ ମଧ୍ୟ ଭୋଟ ଦେଇଛନ୍ତି l ପ୍ରତ୍ୟୁଷାଙ୍କ ସମେତ ତାଙ୍କ ଝିଅ ଦୀକ୍ଷାଣୀ ଏବଂ ପୁଅ ଅରଣ୍ୟରାଜ ସିଂହ ଲାଇନରେ ଛିଡା ହୋଇ ମତଦାନ କରିଥିବା ଦେଖିବାକୁ ମିଳିଛି l ସେହିଭଳି କଂଗ୍ରେସର ପ୍ରାର୍ଥୀ ରଣଜିତ ଦାସ ମଧ୍ୟ ନିଜର ମତଦାନ କରିଛନ୍ତି l ଏହା ସହିତ ଭୋଟର ମାନେ ମଧ୍ୟ ମତଦାନ କେନ୍ଦ୍ରରେ ପହଞ୍ଚି ନିଜର ମତଦାନ କରିଛନ୍ତି l ତେବେ ନବାଗତ ଭୋଟରଙ୍କ ମଧ୍ୟରେ ଉତ୍ସାହଥିବା ବେଳେ ନିଜର ପ୍ରଥମ ଭୋଟ ଦେବା ସହିତ ରାଜ୍ୟ ଏବଂ ଦେଶକୁ ଉନ୍ନତି ଆଡକୁ ନେବେ ବୋଲି କହିଛନ୍ତି।
ଇଟିଭି ଭାରତ, ନୟାଗଡ଼