ଆଳୁ ଟେନସନର ହେବ କି ସମାଧାନ ? ଯୋଗାଣ ମନ୍ତ୍ରୀ କ'ଣ କହିଲେ ଶୁଣନ୍ତୁ - Potatoes Supply From Westbengal - POTATOES SUPPLY FROM WESTBENGAL
Published : Jul 28, 2024, 6:30 PM IST
ଢେଙ୍କାନାଳ: ଆଳୁ ସଙ୍କଟ ନେଇ ଚିନ୍ତାରେ ଖାଉଟି । ଗତକାଲି (ଶନିବାର)ଠାରୁ ପଶ୍ଚିମବଙ୍ଗରୁ ଆଳୁ ଆମଦାନୀ ପ୍ରକ୍ରିୟା ସ୍ବାଭାବିକ ହେବା ଖବର ସାମାନ୍ୟ ଆଶ୍ବସ୍ତି ଦେଇଛି । ଆଜି କିଛି ବ୍ୟବସାୟୀ ନିଜ ନିଜ ସୁବିଧାରେ କିଛି ଆଳୁ ଆଣି ବଜାର ବିକ୍ରି କରୁଥିବା କୁହାଯାଉଛି । ପଶ୍ଚିମବଙ୍ଗରୁ ଆଳୁ ଆସିବା ପ୍ରକ୍ରିୟା ସ୍ବାଭାବିକ ହୋଇଥିବା କହିଛନ୍ତି ରାଜ୍ୟ ଯୋଗାଣ ମନ୍ତ୍ରୀ ।
ଏହା ବି ପଢନ୍ତୁ...ବଜାରରେ ଅଣାୟତ୍ତ ଆଳୁ ଦର, ଖାଉଟି ଅସନ୍ତୋଷ - Potato price rises
ଏ ସମ୍ପର୍କରେ ପ୍ରତିକ୍ରିୟା ରଖି ରାଜ୍ୟ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର କହିଛନ୍ତି, "ବଜାରରେ ଆଳୁ ମିଳିଗଲାଣି । ବଜାରରେ ଆଳୁ କିଲୋ ପିଛା ୩୦ରୁ ୩୫ ଟଙ୍କାରେ ବିକ୍ରି ହେଉଛି । ଫଳରେ ଆଳୁ ସଙ୍କଟର ସମାଧାନ କିଛି ମାତ୍ରାରେ ହୋଇଗଲାଣି । ଏ ସଂକ୍ରାନ୍ତରେ ମଧ୍ୟ ଆମ ମୁଖ୍ୟମନ୍ତ୍ରୀ ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କ ସହିତ କଥାବାର୍ତ୍ତା ହୋଇଛନ୍ତି । ଏହି ସମସ୍ୟାର ତୁରନ୍ତ ସମାଧାନ ହୋଇଯିବ ।"
ଇଟିଭି ଭାରତ, ଢେଙ୍କାନାଳ