ବ୍ରହ୍ମଗିରିରେ ବିଜେପିର ଡୋର ଟୁ ଡୋର କ୍ୟାମ୍ପେନ - UPASANA CAMPAIGN
Published : May 18, 2024, 10:00 PM IST
Bramhagiri Assembly Constituency: ପୁରୀ: ବ୍ରହ୍ମଗିରି ନିର୍ବାଚନ ମଣ୍ଡଳୀରେ ବିଜେପିର ଚାଲିଛି ଡୋର ଟୁ ଡୋର କ୍ୟାମ୍ପେନ । ଆସନ୍ତା 25 ତାରିଖରେ ପୁରୀ ଲୋକସଭା କ୍ଷେତ୍ର ପାଇଁ ନିର୍ବାଚନ ଅନୁଷ୍ଠିତ ହେବ । ତେବେ ହାତରେ ଖୁବ କମ ସମୟ ଥିବା ବେଳେ ବିଭିନ୍ନ ଦଳର ପ୍ରାର୍ଥୀ ମାନେ ଘରକୁ ଘର ବୁଲି ପ୍ରଚାର କରିବା ସହ ଭୋଟ ଭିକ୍ଷା କରୁଛନ୍ତି । ସେହିକ୍ରମରେ ଆଜି ବ୍ରହ୍ମଗିରିରେ ବିଜେପି ପକ୍ଷରୁ ପ୍ରଚାର କରାଯାଉଥିବା ଦେଖିବାକୁ ମିଳିଛି ।
ନିର୍ବାଚନ ପାଇଁ ବିଜେପିର ପ୍ରାର୍ଥୀ ଉପାସନା ମହାପାତ୍ର ବେଶ କସରତ କରୁଛନ୍ତି । ଘରକୁ ଘର ବୁଲି ସେ ଲୋକଙ୍କ ଆଶୀର୍ବାଦ ନେଉଥିବା ବେଳେ ତାଙ୍କୁ ଭଲ ପାଉଥିବା ଭୋଟରମାନେ ତାଙ୍କ ମୁଣ୍ଡରେ ଅରୁଆ ଚାଉଳ, ଫୁଲ, ଦୁବ ପକାଇ ସ୍ଵାଗତ କରୁଛନ୍ତି । ଶହ ଶହ ବିଜେପି କର୍ମୀ ଓ ନେତା ଉପାସନାଙ୍କ ସହ ପ୍ରଚାର କାର୍ଯ୍ୟରେ ଲାଗିଛନ୍ତି । ତେବେ ନିଜ ନିର୍ବାଚନ ପ୍ରଚାର ବିଷୟରେ ଉପାସନା କହିଛନ୍ତି "ଏହା କିଛି ନୂଆ କଥା ନୁହେଁ । ମତେ ବ୍ରହ୍ମଗିରି ନିର୍ବାଚନ ମଣ୍ଡଳୀ ବାସୀ ଭଲ ଭାବରେ ଜାଣିଛନ୍ତି ।" ତେବେ ସେ ଗତ ଅଢେଇ ବର୍ଷ ହେବ ବେଶ ସକ୍ରିୟ ଅଛନ୍ତି । ଲୋକଙ୍କ ସହ ମିଶି ବିଭିନ୍ନ ସମସ୍ୟା ବିଷୟରେ ଅବଗତ ଅଛନ୍ତି । ନିଶ୍ଚିତ ଭାବେ ବ୍ରହ୍ମଗିରି ନିର୍ବାଚନ ମଣ୍ଡଳୀ ଭୋଟର୍ ଆଗାମୀ ଦିନରେ ତାଙ୍କୁ ବିପୁଳ ଭୋଟରେ ଜିତାଇବେ ବୋଲି ସେ ଆଶାବାଦୀ ଅଛନ୍ତି ।
ଇଟିଭି ଭାରତ, ପୁରୀ