ହାଇଦ୍ରାବାଦ:ଆପଲ୍ ପକ୍ଷରୁ ନିକଟରେ ଆଇଫୋନ 16 ସିରିଜ ଲଞ୍ଚ ହୋଇଥିଲା । ଆଜିଠାରୁ ଭାରତରେ ଏହାର ବିକ୍ରି ଆରମ୍ଭ ହୋଇଛି । ମୁମ୍ବାଇ ଓ ଦିଲ୍ଲୀର ଆପଲ୍ ଷ୍ଟୋରରେ ଆଇଫୋନ 16 କିଣିବା ଲାଗି ଗ୍ରାହକଙ୍କ ପ୍ରବଳ ଭିଡ଼ ଜମିଛି । ହେଲେ ଆପଣ ଯଦି ଘରେ ବସି ହାତରେ ଆଇଫୋନ 16 ଧରିବାକୁ ଚାହୁଁଛନ୍ତି, ତେବେ ଆପଣଙ୍କୁ ଏହି ସେବା ଯୋଗାଇବ ଟାଟା ଗ୍ରୁପ । କମ୍ପାନୀ ଅନ୍ୟ ମୋବାଇଲ ସହିତ ଆଇଫୋନ 16ର ଡେଲିଭରି ସମ୍ପର୍କରେ ସୂଚନା ଦେଇଛି ।
10ମିନିଟରେ ଆଇଫୋନ 16 ଡେଲିଭରି କରୁଛି ସପ୍ଲାଏ ଆପ୍ ବିଗ୍ ବାସ୍କେଟ । ଏ ନେଇ ବିଗ ବାସ୍କେଟର ସିଇଓ ହରି ମେନନ କହିଛନ୍ତି, "ଇଲେକ୍ଟ୍ରୋନିକ୍ସ ସେଗମେଣ୍ଟରେ ଏହା ଆମର ପ୍ରାରମ୍ଭ । ଉତ୍ପାଦଗୁଡ଼ିକର ଦ୍ରୁତତମ ବିତରଣ ସହିତ ଆମେ ମଧ୍ୟ ଆମର ଗ୍ରାହକମାନଙ୍କୁ କୌଣସି ଅପେକ୍ଷା ଅବଧି ବିନା ଅତ୍ୟାଧୁନିକ ଜ୍ଞାନକୌଶଳ ଉପଭୋଗ କରିବାକୁ ସକ୍ଷମ କରିବୁ । ଆମେ ଶୀଘ୍ର ଉନ୍ନତ ଇଲେକ୍ଟ୍ରୋନିକ୍ ଉପକରଣଗୁଡ଼ିକ ଉପସ୍ଥାପନ କରିବୁ ।"
କେଉଁଠି ଏହି ସେବା ଉପଲବ୍ଧ ?
- ଟାଟା ଗ୍ରୁପ କିଛି ନିର୍ଦ୍ଦିଷ୍ଟ ସହରରେ 10 ମିନିଟରେ ଆଇଫୋନ 16 ଡେଲିଭରି ସେବା ଆରମ୍ଭ କରିଛି ।
- ଏହି ସେବା ଏବେ ମୁମ୍ବାଇ, ଦିଲ୍ଲୀ-ଏନସିଆର ଓ ମୁମ୍ବାଇରେ ଆରମ୍ଭ ହୋଇଛି ।
- ବିଗ୍ ବାସ୍କେଟ ଏହି ମଡେଲର ଫୋନ ଉପରେ ରିହାତି ମଧ୍ୟ ଘୋଷଣା କରିଛି ।
Blinkit ବି କରୁଛି ଆଇଫୋନ ଡେଲିଭରି:-
- ଅନ୍ୟତମ ଡେଲିଭରି ସେବା ଯୋଗାଉଥିବା ଆପ୍ ବ୍ଲିଙ୍କଇଟ୍ ମଧ୍ୟ ଆଇଫୋନ 16 ଡେଲିଭରି ନେଇ ଘୋଷଣା କରିଛି ।
- ଏଥିଲାଗି ୟୁନିକର୍ଣ୍ଣ ସହିତ ଚୁକ୍ତିନାମା ସ୍ବାକ୍ଷର ହୋଇଥିବା ବ୍ଲିଙ୍କଇଟ୍ର ସିଇଓ ଅଲବିନ୍ଦର ଢିଣ୍ଡସା କହିଛନ୍ତି ।
- ନିକଟରେ ବ୍ଲିଙ୍କଇଟ୍ ଇନଷ୍ଟାଣ୍ଟ ଡେଲିଭରି ଅଫର ସମ୍ପର୍କରେ ମଧ୍ୟ ଘୋଷଣା କରିଥିଲା ।
- ଗ୍ରାହକ SBI, ICICI ଓ କୋଟୋକ କ୍ରେଡିଟ କାର୍ଡ ଉପରେ 5000ଟଙ୍କା ରିହାତି ପାଇପାରିବେ ।
iPhone 16 Sales:ସୂଚନା ଥାଉ କି ଆଜି ଦେଶରେ ଆଇଫୋନ 16 ସିରିଜର ବିକ୍ରି ଆରମ୍ଭ ହୋଇଛି । ଷ୍ଟକ ସରିବା ପୂର୍ବରୁ ଗ୍ରାହକ ମୁମ୍ବାଇ ଓ ଦିଲ୍ଲୀ ସ୍ଥିତ ଆପଲ୍ ଷ୍ଟୋରରେ ଲମ୍ବା ଲାଇନ ଲଗାଇଛନ୍ତି । କେହି କେହି ଗୋଟିଏ ଜାଗାରେ 3-4ଟି ଆଇଫୋନ କିଣି ନେଉଥିବା ଦେଖିବାକୁ ମିଳିଛି ।
