ହାଇଦ୍ରାବାଦ: ଇନଷ୍ଟାଣ୍ଟ ମେସେଜିଂ ଆପ୍ ହ୍ବାଟ୍ସଆପ୍ ଅତ୍ୟାଧୁନିକ ଅପଡେଟ ସହିତ iOS ବ୍ୟବହାରକାରୀଙ୍କ ପାଇଁ ଅନେକ ନୂତନ ଫିଚର ଆଣିଛି । ଏହି ଫିଚର, ଆପ୍ ମାଧ୍ୟମରେ କ୍ୟାମେରା ବ୍ୟବହାର କରିବା ସମୟରେ ଅଗମେଣ୍ଟେଡ ରିଆଲିଟି (AR) ଇଫେକ୍ଟ ଏବଂ ବ୍ୟାକଗ୍ରାଉଣ୍ଡ ବ୍ୟବହାର ପାଇଁ ଅପସନ ଦେଇଥାଏ । ଏହାସହ ହ୍ବାଟ୍ସଆପ୍ ନୂା ଡକ୍ୟୁମେଣ୍ଟ୍ ସ୍କାନିଂ ଫିଚର ଆଣିଛି ଯାହାକି ଅନ୍ୟମାନଙ୍କ ସହ ଡକ୍ୟୁମେଣ୍ଟ ସେୟାର କରିବା ସହଜ କରିଥାଏ । ଏହା ହ୍ବାଟ୍ସଆପ୍ରେ ଫାଇଲ୍ ସେୟାରିଂ ଅପସନରେ ଏକୀଭୂତ ହୋଇଛି । ଏହି ଫିଚର ଗୁଡିକ ପ୍ରଥମେ ହ୍ବାଟ୍ସଆପ୍ର ବିଟା ସଂସ୍କରଣରେ ରିଲିଜ ହୋଇଥିଲା ଏବଂ ବର୍ତ୍ତମାନ ସେଗୁଡିକ ଉପଭୋକ୍ତାମାନଙ୍କ ପାଇଁ ବ୍ୟାପକ ଭାବରେ ରିଲିଜ କରାଯାଇଛି ।
iOS ପାଇଁ WhatsAppର ନୂଆ ଫିଚର
ଫିଚର ଟ୍ରାକର WABetaInfo ଏ ନେଇ ସର୍ବପ୍ରଥମେ ସୂଚନା ଦେଇଛି ଯେ ଏହି ଫିଚର iOS ଆପ୍ ଭର୍ସନ 24.25.93 ଲାଗି ହ୍ବାଟ୍ସଆପ୍ରେ ଉପଲବ୍ଧ । ବର୍ତ୍ତମାନ ଉପଭୋକ୍ତାମାନେ AR ଇଫେକ୍ଟର ଲାଭ ଉଠାଇପାରିବେ ଯାହାକି କ୍ୟାମେରା ମାଧ୍ୟମରେ ବ୍ୟବହାର କରାଯାଇପାରିବ । ଉପଭୋକ୍ତାମାନେ କନଫେଟ୍ଟି, ଷ୍ଟାର ୱିଣ୍ଡୋ, ଲୁହ, ଅଣ୍ଡର ୱାଟର, ସ୍ପାର୍କଲ୍ସ ଏବଂ କରୋକ୍ ଭଳି AR ଇଫେକ୍ଟ ବ୍ୟବହାର କରିପାରିବେ । ବ୍ୟବହାରକାରୀଙ୍କ ଚାରିପାଖରେ ଥିବା ପରିବେଶକୁ ହଟାଇବା ପାଇଁ ହ୍ବାଟ୍ସଆପ୍ ଦ୍ବାରା ନୂତନ ବ୍ୟାକଗ୍ରାଉଣ୍ଡ ମଧ୍ୟ ବ୍ୟବହାର କରିପାରିବେ । ଏହା ସହିତ ଭିଡିଓର କଲର ଟୋନକୁ ମଧ୍ୟ ପରିବର୍ତ୍ତନ କରିପାରିବେ ।
କଣ ହ୍ବାଟ୍ସଆପ୍ର ଡକ୍ୟୁମେଣ୍ଟ ସ୍କାନିଂ ଫିଚର ?
ହ୍ବାଟ୍ସଆପ୍ରେ ଆଉ ଏକ ନୂଆ ଫିଚର ଯୋଡ଼ାଯାଇଛି, ଯାହାକୁ ବ୍ୟବହାର କରି ଆପଣ ଅତି ସହଜର ଡକ୍ୟୁମେଣ୍ଟ ସେୟାର କରିପାରିବେ । ଏହି ଅପସନ ଡକ୍ୟୁମେଣ୍ଟ ସେୟାରିଂ ୱିଣ୍ଡୋରେ ଦେଖିବାକୁ ମିଳେ, ଯେଉଁଥିରେ ଡକ୍ୟୁମେଣ୍ଟ ଆଧାରରେ ତାଲିକା କରାଯାଇଛି । ଏଥିରେ କଲର, ଗ୍ରେସ୍କେଲ ଓ ବ୍ଲାକ୍ ଆଣ୍ଡ ହ୍ବାଇଟ୍ ଭଳି ଫିଲ୍ଟର ସାମିଲ । ଥରେ ଫଟୋ ଉଠାଯିବା ପରେ ହ୍ବାଟ୍ସଆପ୍ ସ୍ବୟଂଚାଳିତ ଭାବରେ ଏହାକୁ କ୍ରପ୍ କରେ ଏବଂ ଲାଇନର ଆକାର ପରିବର୍ତ୍ତନ କରିବାକୁ ମଧ୍ୟ ଅନୁମତି ଦିଏ । ଉପଭୋକ୍ତାମାନେ ଅଟୋ-ସଟର ବିକଳ୍ପକୁ ମଧ୍ୟ ଟାଗଲ୍ କରିପାରିବେ, ଯାହା କ୍ୟାମେରାର ଭ୍ୟୁ ଫାଇଣ୍ଡରରେ ଡକ୍ୟୁମେଣ୍ଟକୁ ସ୍ବୟଂଚାଳିତ ଭାବରେ କ୍ୟାପଚର କରିବାରେ ସକ୍ଷମ ହୋଇଥାଏ ।
| ଏହା ବି ପଢନ୍ତୁ |
ସୂଚନା ଥାଉ କି କିଛି ବର୍ଷ ପୂର୍ବେ ହ୍ବାଟ୍ସଆପ୍ ନୂତନ ବର୍ଷ ପୂର୍ବରୁ ଟେକ୍ସଟ୍ ଏବଂ କଲିଂ ଅଭିଜ୍ଞତାକୁ ଉନ୍ନତ କରିବା ପାଇଁ ଆକର୍ଷଣୀୟ ନୂତନ ଫିଚରଗୁଡିକ ଆଣିଥିଲା । ଭିଡିଓ କଲ୍ ସମୟରେ ହ୍ବାଟ୍ସଆପ୍ ବ୍ୟବହାରକାରୀମାନେ ନୂଆ ବର୍ଷର ଥିମ୍ ସହିତ ନୂତନ କଲିଂ ଅଭିଜ୍ଞତାର ଲାଭ ଉଠାଇ ପାରିବେ । ଏହା ସହିତ ଫେଷ୍ଟିବ ସିଜନ ସହିତ ଖାପ ଖୁଆଇବା ପାଇଁ ନୂତନ ଆନିମେସନ୍ ଏବଂ ଷ୍ଟିକର୍ ପ୍ୟାକ୍ ମଧ୍ୟ ଆଣିଥିଲା ।
