ପ୍ୟାରିସ: ଅଲିମ୍ପିକ୍ସ ଆରମ୍ଭରୁ ଭାରତୀୟ ଆଥଲେଟ୍ସଙ୍କ ଜଲଓ୍ବା । ପ୍ରଥମ ଦିନରେ ତୀରନ୍ଦାଜରେ ଚମକିଲେ ଉଭୟ ମହିଳା ଓ ପୁରୁଷ ଦଳ । ପ୍ରଥମେ ମହିଳା ଓ ପରେ ପୁରୁଷ ଦଳ ଯୋଗ୍ୟତା ପର୍ଯ୍ୟାୟରୁ କ୍ବାଟର ଫାଇନାଲକୁ ଉନ୍ନିତ ହୋଇଛନ୍ତି । ଦୁଇ ଦଳର 6 ଖେଳାଳି ହେଉଛନ୍ତି ମହିଳା ବିଭାଗରେ ଅଙ୍କିତା ଭକତ, ଭଜନ କୌର ଓ ଦୀପିକା କୁମାରୀ । ପୁରୁଷ ବିଭାଗରେ ରହିଛନ୍ତି ତରୁଣଦୀପ ରାୟ, ପ୍ରବୀଣ ୟାଦବ ଓ ଧୀରଜ ବୋମ୍ମାଦେବରା । ଆସନ୍ତା 28 ଓ 29 ତାରିଖରେ ତାରିଖରେ ମହିଳା ଓ ପୁରୁଷ ଦଳର ଟିମ୍ ଇଣଭେଣ୍ଟ ନକ ଆଉଟ ରାଉଣ୍ଡ ସହ ପଦକ ଚୂଡାନ୍ତ ହେବ ।
ମହିଳା ଦଳ ରାଙ୍କିଙ୍ଗ ଅନୁଯାୟୀ ଭାରତ ଯୋଗ୍ୟତା ରାଉଣ୍ଡକୁ ଚତୁର୍ଥ ସ୍ଥାନରେ କରି କ୍ବାଟର୍ସକୁ କ୍ବାଲିଫାଏ କରିଛି। ଭାରତ 1983 ପଏଣ୍ଟ ପାଇ ଥିବାବେଳେ କୋରିଆ 2046 ପଏଣ୍ଟ ସହ ଶୀର୍ଷରେ ରହିଛି। ଚୀନ୍ ଏବଂ ମେକ୍ସିକୋ ଟିମ୍ ଦ୍ୱିତୀୟ ଏବଂ ତୃତୀୟ ସ୍ଥାନରେ ରହିଛନ୍ତି। ମହିଳା ଯୋଗ୍ୟତା ରାଉଣ୍ଡରେ ଅଙ୍କିତା ଶ୍ରେଷ୍ଠ ପ୍ରଦର୍ଶନ କରି 11 ତମ ସ୍ଥାନରେ ରହି 666 ପଏଣ୍ଟ କରିଥିଲେ । ସେହିପରି ଭଜ 659 ପଏଣ୍ଟ ସହ 22 ତମ ସ୍ଥାନ ଏବଂ ଦୀପିକା 658 ପଏଣ୍ଟ ସହ 23ତମ ସ୍ଥାନରେ ରହିଛନ୍ତି ।