ଆପଣଙ୍କୁ ଡାଇବେଟିସ କି ? ସତର୍କ ହୁଅନ୍ତୁ, କ୍ୟାନ୍ସର ଆଶଙ୍କା ଅଧିକ - Higher Cancer Risk In Diabetes

Risk of cancer is higher in diabetes Patient: ଡାଇବେଟିସ୍ ରୋଗୀଙ୍କୁ ମାରାତ୍ମକ କ୍ୟାନ୍ସର ହେବା ଆଶଙ୍କା ଅଧିକ । ଆଶ୍ଚର୍ଯ୍ୟ କଲା ଭଳି ତଥ୍ୟ ସାମ୍ନାକୁ ଆସିଛି ।

ହାଇଦ୍ରାବାଦ: ଡାଇବେଟିସ୍ ରୋଗୀଙ୍କୁ ନେଇ ଏକ ଆଶ୍ଚର୍ଯ୍ୟକର ତଥ୍ୟ ସାମ୍ନାକୁ ଆସିଛି । ଡାଇବେଟିସ୍ ପୀଡିତ ବ୍ୟକ୍ତିଙ୍କୁ କୋଲୋନ କ୍ୟାନ୍ସର ହେବାର ଆଶଙ୍କା ଅଧିକ । ସାଧାରଣ ଲୋକଙ୍କ ତୁଳନାରେ ସେମାନଙ୍କଠାରେ ଏହି କ୍ୟାନ୍ସର ହେବାର 47% ଅଧିକ ସମ୍ଭାବନା ରହିଛି । JAMA Network Open ପକ୍ଷରୁ 2023 ନଭେମ୍ବରରେ ପ୍ରକାଶିତ ଏକ ଅଧ୍ୟୟନରେ ଏହା ଦର୍ଶାଯାଇଛି । କହିରଖୁଛୁ କି, 'କୋଲୋନ' ବୃହଦନ୍ତ୍ରର ନିମ୍ନ ଭାଗରେ ସୃଷ୍ଟି ହେଉଥିବା ଏକ କର୍କଟ ରୋଗ । କଲୋନ କ୍ୟାନ୍ସରକୁ ବୃହଦନ୍ତ୍ର ମଳାଶୟ କର୍କଟ ବା ରେକ୍ଟମ କର୍କଟ ବି କୁହାଯାଏ । ତେବେ ନିୟମିତ କୋଲୋନୋସ୍କୋପି ସ୍କ୍ରିନିଂ ଜରିଆରେ ଏହି ମାରାତ୍ମକ ରୋଗକୁ ରୋକାଯାଇ ପାରିବ । ମଧୁମେହ ରୋଗୀଙ୍କ କ୍ଷେତ୍ରରେ ଏହି କ୍ୟାନ୍ସର ହେବାର ଅଧିକ ଆଶଙ୍କା ରହୁଥିବାରୁ ସେମାନଙ୍କୁ ନିୟମିତ କୋଲୋନୋସ୍କୋପି ସ୍କ୍ରିନିଂ କରିବାକୁ ପରାମର୍ଶ ଦିଆଯାଏ ।

Risk of cancer is higher in diabetes Patient (ETV Bharat)

JAMA Network Open ପକ୍ଷରୁ ଦକ୍ଷିଣ-ପୂର୍ବ ରାଜ୍ୟର ପ୍ରାୟ 55 ହଜାର ଲୋକଙ୍କୁ (ବୟସ ହାରାହାରି 51 ବର୍ଷ) ନେଇ ଏହି ଅଧ୍ୟୟନ କରାଯାଇଥିଲା । ସେହି ଲୋକମାନଙ୍କ 2002ରୁ 2009 ପର୍ଯ୍ୟନ୍ତ ସ୍ବାସ୍ଥ୍ୟ ସମ୍ବନ୍ଧୀୟ ସୂଚନାକୁ ବିଶ୍ଲେଷଣ କରାଯାଇଥିଲା ଓ ସେମାନଙ୍କୁ ଡାଇବେଟିସ୍ ଅଛି କି ନାହିଁ ସୂଚନା ସଂଗ୍ରହ ହୋଇଥିଲା । 2018 ପର୍ଯ୍ୟନ୍ତ ଅଂଶଗ୍ରହଣକାରୀ ଲୋକଙ୍କୁ ଟ୍ରାକ କରାଯିବା ପରେ ଜଣାପଡିଥିଲା ଯେ, କୋଲୋନୋସ୍କୋପି ପରୀକ୍ଷା କରିନଥିବା ଲୋକଙ୍କ ତୁଳନାରେ ଡାଇବେଟିସ୍ ପୀଡିତ ଲୋକମାନଙ୍କୁ କୋଲୋନ କ୍ୟାନ୍ସର ହେବାର ଦୁଇଗୁଣା ଅଧିକ ସମ୍ଭାବନା ରହିଛି । ସେମାନେ ଧୂମ୍ରପାନ କରୁଥିଲେ ଏହି ବିପଦ ଅଧିକ ବଢିଯାଏ । ତେଣୁ ଡାଇବେଟିସ୍ ରୋଗୀ ନିୟମିତ କୋଲୋନୋସ୍କୋପି ସ୍କ୍ରିନିଂ କରିବା ନିହାତି ଜରୁରୀ । ସେହିପରି ଗତ 5 ବର୍ଷ ମଧ୍ୟରେ ଡାଇବେଟିସ୍ ରୋଗୀଙ୍କ ମଧ୍ୟରେ କୋଲୋନ କ୍ୟାନ୍ସର ବିପଦ ଅଧିକ ଥିବା ଅଧ୍ୟୟନରୁ ଜଣାପଡିଛି ।

Risk of cancer is higher in diabetes Patient (ETV Bharat)

ବର୍ତ୍ତମାନର ଗାଇଡଲାଇନରେ ପରାମର୍ଶ ଦିଆଯାଇଛି ଯେ, ଡାଇବେଟିସ୍ ପୀଡିତ ଥିବା ଲୋକମାନେ କୋଲୋନ କ୍ୟାନ୍ସରରୁ ବର୍ତ୍ତିବାକୁ ହେଲେ 45 ବର୍ଷ ବୟସରୁ ନିୟମିତ କୋଲୋନୋସ୍କୋପି ସ୍କ୍ରିନିଂ ଆରମ୍ଭ କରିବା ଉଚିତ୍ । Ref- https://www.health.harvard.edu/diseases-and-conditions/colon-cancer-risks-higher-in-people-with-diabetes

ଏହା ମଧ୍ୟ ପଢନ୍ତୁ: କ'ଣ ଆପଣ ଛୋଟ ଛୋଟ କଥା ଭୁଲି ଯାଉଛନ୍ତି ? ସାବଧାନ ! ହୋଇପାରେ ଏହି ମାରାତ୍ମକ ରୋଗ - What cause Alzheimers

ଏହା ମଧ୍ୟ ପଢନ୍ତୁ: ବିନା ଔଷଧ ବି ଭଲ ହୋଇଯିବ ସିଆଟିକା ଯନ୍ତ୍ରଣା; ଘରେ ଏମିତି କରନ୍ତୁ ଉପଚାର - Sciatica Pain

ଏହା ମଧ୍ୟ ପଢନ୍ତୁ: ଏସବୁ ଚର୍ବି ଜାତୀୟ ଖାଦ୍ୟ ଡାଇବେଟିସ୍-କୋଲେଷ୍ଟ୍ରୋଲ କାରଣ, ଜାଣନ୍ତୁ କେମିତି କରିବେ କଣ୍ଟ୍ରୋଲ - Tips to Stay Healthy

Disclamer- ଏଠାରେ ଦିଆଯାଇଥିବା ସ୍ବାସ୍ଥ୍ୟ ସମ୍ବନ୍ଧୀୟ ସୂଚନା କେବଳ ଆପଣଙ୍କ ଜାଣିବା ପାଇଁ । ଏହା ଉପରେ ବିଚାର କରିବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ଭଲ ।