ହାଇଦ୍ରାବାଦ : ଭାରତୀୟ କ୍ରିକେଟ୍ ଦଳର ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଆଜି (ଶୁକ୍ରବାର) ତାଙ୍କ ଜନ୍ମଦିନ ପାଳନ କରୁଛନ୍ତି । 11 ଅକ୍ଟୋବର 1993ରେ ଜନ୍ମ ହୋଇଥିବା ହାର୍ଦ୍ଦିକ ଆଜି 31 ବର୍ଷ ବୟସରେ ପାଦ ଦେଇଛନ୍ତି । ତାଙ୍କ ଜନ୍ମଦିନରେ ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ଏହାର ଅଫିସିଆଲ୍ ସୋସିଆଲ୍ ମିଡିଆ ଆକାଉଣ୍ଟରେ ପୋଷ୍ଟ କରି ତାଙ୍କୁ ଅଭିନନ୍ଦନ ଜଣାଇଛି ।
ଶୁଭେଚ୍ଛା ଜଣାଇଲା BCCI :-
ବିସିସିଆଇ ପାଣ୍ଡ୍ୟାଙ୍କ ଉଦ୍ଦେଶ୍ୟରେ କରିଥିବା ପୋଷ୍ଟରେ ଲେଖିଛି, '201 ଅନ୍ତର୍ଜାତୀୟ ମ୍ୟାଚ୍, 3895 ଅନ୍ତର୍ଜାତୀୟ ରନ, 188 ଅନ୍ତର୍ଜାତୀୟ ୱିକେଟ, ଆଇସିସି ପୁରୁଷ ବିଶ୍ବକପ୍ ବିଜେତା, ଟିମ୍ ଇଣ୍ଡିଆର ଅଲ୍ରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କୁ ଜନ୍ମଦିନର ହାର୍ଦ୍ଦିକ ଶୁଭେଚ୍ଛା ।' ଆଜିର ଦିନରେ ଭାରତୀୟ ଦଳର ଦ୍ରୁତ ବୋଲିଂ ଆକ୍ରମଣର ପାଣ୍ଡ୍ୟା ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇପାରିଛନ୍ତି । ସେ ଡେଥ୍ ଓଭରରେ ମଧ୍ୟ ବୋଲିଂ କରୁଛନ୍ତି ।
ଟି20 ବିଶ୍ବକପ୍ରେ ଉତ୍କୃଷ୍ଟ ପ୍ରଦର୍ଶନ :-
ଟି20 ବିଶ୍ବକପ୍ର ଶେଷ ରାଉଣ୍ଡରେ ସେ ନିଜ ବୋଲିଂ ଆଧାରରେ ହାରିଯାଉଥିବା ମ୍ୟାଚ୍ ଦଳକୁ ଜିତାଇଥିଲେ । ବିଶ୍ବକପ୍ ଫାଇନାଲରେ ସେ ବିପଜ୍ଜନକ ଦେଖାଯାଉଥିବା ଦକ୍ଷିଣ ଆଫ୍ରିକା ବ୍ୟାଟର ହେନରିଚ୍ କ୍ଲାସେନଙ୍କୁ ଆଉଟ୍ କରି ମ୍ୟାଚ୍ର ପଥ ପରିବର୍ତ୍ତନ କରିଥିଲେ । ଏହାପରେ ଶେଷ ଓଭରରେ 16 ରନ୍ ଡିଫେଣ୍ଡ କରି ଭାରତକୁ 17 ବର୍ଷ ପରେ ଟି20 ବିଶ୍ବକପ ଜିତାଇବାରେ ସହାୟକ ହୋଇଥିଲେ । ପାଣ୍ଡ୍ୟା ଏହି ଗୁରୁତ୍ବପୂର୍ଣ୍ଣ ମ୍ୟାଚ୍ରେ 3 ଓଭର ବୋଲିଂ କରି କେବଳ 20 ରନ୍ ବ୍ୟୟରେ 3ଟି ବହୁମୂଲ୍ୟ ୱିକେଟ୍ ହାସଲ କରିଥିଲେ ।
ଦୁଇଥର ବିବାହ କରି ବି ସିଙ୍ଗିଲ୍ :-