ପୁରୀ : ପାଖେଇ ଆସୁଛି ସାଧାରଣ ନିର୍ବାଚନ । ଏଥି ପାଇଁ ବିଜେଡି ନିଜର ଦଳୀୟ ସଙ୍ଗଠନକୁ ଆହୁରି ସୁଦୃଢ କରିବା ପାଇଁ ଅଣ୍ଟା ଭିଡିଛି । ତେଣୁ ପୁରୀ ଜିଲାରେ ସଙ୍ଗଠନ କୁ ମଜଭୁତ କରିବା, ନେତା ଓ କର୍ମୀ ଙ୍କୁ ଚଳଚଞ୍ଚଳ କରାଇବା ପାଇଁ ପୁରୀ ଗସ୍ତ ରେ ଆସୁଛନ୍ତି ବିଜେଡି ନେତା ତଥା 5 ଟି ଅଧ୍ୟକ୍ଷ ଭି କେ ପାଣ୍ଡିଆନ । ଆସନ୍ତାକାଲି ପୁରୀ ତାଳବଣିଆ ଇଣ୍ଡୋର ଷ୍ଟାଡିୟମ ଠାରେ 'ନୂଆ-ଓ' ଉତ୍ସବ ତଥା 'ଯୁବ ଓଡ଼ିଶା ନବୀନ ଓଡ଼ିଶା' କାର୍ଯ୍ୟକ୍ରମ ଅନୁଷ୍ଠିତ ହେବ । ଏହି କାର୍ଯ୍ୟକ୍ରମରେ ପୁରୀ ଜିଲ୍ଲାର ବିଭିନ୍ନ କଲେଜର ଛାତ୍ରଛାତ୍ରୀମାନେ ଯୋଗ ଦେବେ । 5ଟି ଅଧ୍ୟକ୍ଷ ଭି.କେ. ପାଣ୍ଡିଆନ ଏହି କାର୍ଯ୍ୟକ୍ରମରେ ଯୋଗ ଦେଇ ଛାତ୍ରଛାତ୍ରୀମାନଙ୍କୁ ତାଙ୍କର କ୍ୟାରିୟର ପାଇଁ ଅନେକ ଗୁଡ଼ିଏ ଗୁରୁତ୍ବପୂର୍ଣ୍ଣ ଟିପ୍ସ ପ୍ରଦାନ କରିବେ । ଜୀବନର ସଫଳତା ପାଇଁ କଠିନ ପରିଶ୍ରମ ଛଡ଼ା କୌଣସି ବିକଳ୍ପ ନଥିବା ଛାତ୍ରଛାତ୍ରୀଙ୍କୁ ପରାମର୍ଶ ଦେବେ ପାଣ୍ଡିଆନ ।
ଏଥିସହ ଯୁଗ ସହ ତାଳ ଦେଇ ଟେକ୍ନୋଲୋଜି ବ୍ୟବହାର କରି କ୍ୟାରିଅର କୁ କିଭଳି ଆଗକୁ ନେଇ ହେବ ସେନେଇ ପରାମର୍ଶ ଦେବେ ପାଣ୍ଡିଆନ । ତେବେ ନୂଆ ଓ ଯୁବ ଓଡ଼ିଶା, ନବୀନ ଓଡ଼ିଶା ଭଳି ଏକ ଅଭିନବ କାର୍ଯ୍ୟକ୍ରମ ଦ୍ବାରା ଛାତ୍ରଛାତ୍ରୀଙ୍କର ଲୁକ୍କାୟିତ ପ୍ରତିଭାକୁ ପରିପ୍ରକାଶ କରିବା ପାଇଁ ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ । ରିଲ୍ସ, ଭିଡିଓ ଓ ଫଟୋଗ୍ରାଫିରେ ଓଡ଼ିଶାର ରୂପାନ୍ତରଣକୁ ସ୍ଥାନ ଦେବା ନେଇ ଏହି କାର୍ଯ୍ୟକ୍ରମରେ ବ୍ୟବସ୍ଥା ରହିଛି । ସେହିପରି କୁଇଜ୍ ପ୍ରତିଯୋଗିତାରେ ସଫଳ ହୋଇଥିବା ପିଲାଙ୍କୁ ପୁରସ୍କୃତ କରାଯିବାର ବ୍ୟବସ୍ଥା ମଧ୍ୟ ରହିଛି ।