ଏକ୍ସରେ 'GOAT' ସୁନାମି; ପ୍ରଥମ ଶୋ' ଦେଖି ଫିଦା ଫ୍ୟାନ୍ସ, ଫିଲ୍ମକୁ ଦେଲେ 'ବ୍ଲକବ୍ଲଷ୍ଟର' ଟ୍ୟାଗ୍ - GOAT X review

The Greatest Of All Time X Review: ଆଜି ପ୍ରେକ୍ଷାଳୟରେ ଥାଲାପତି ବିଜୟଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଦ ଗ୍ରେଟେଷ୍ଟ ଅଫ୍ ଅଲ୍ ଟାଇମ' (GOAT) ମୁକ୍ତିଲାଭ କରିଛି। ସକାଳ 4ଟାରୁ ଶୋ' ଆରମ୍ଭ ହୋଇଥିବା ବେଳେ ପ୍ରଥମ ଦିନର ପ୍ରଥମ ଶୋ' ଦେଖି ଫିଦା ହୋଇଛନ୍ତି ଫ୍ୟାନ୍ସ । ବର୍ତ୍ତମାନ ଫ୍ୟାନ୍ସ ଫିଲ୍ମକୁ ନେଇ ଏକ୍ସରେ ପ୍ରତିକ୍ରିୟା ଦେଉଛନ୍ତି । ତେବେ ଜାଣନ୍ତୁ ଫିଲ୍ମ କିପରି ହୋଇଛି ?

ହାଇଦ୍ରାବାଦ: 'ଲିଓ' ଦମଦାର ସଫଳତା ପରେ ବର୍ତ୍ତମାନ ସାଉଥ ସୁପରଷ୍ଟାର ଥାଲାପତି ବିଜୟ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଦ ଗ୍ରେଟେଷ୍ଟ ଅଫ୍ ଅଲ୍ ଟାଇମ' (GOAT) ସହ ପରଦାରେ ଧମାକା କରିଛନ୍ତି । ଅଭିନେତାଙ୍କ ଏହି ଫିଲ୍ମ 'ଗୋଟ' ଆଜି ସେପ୍ଟେମ୍ୱର 5(ଗୁରୁ ଦିବସ) ଅବସରରେ ରିଲିଜ କରିଛି । ଭାରତରେ ସକାଳ 4ଟା ଶୋ' ଆରମ୍ଭ ହୋଇଥିବା ବେଳେ ପ୍ରଥମ ଦିନରେ ପ୍ରଥମ ଶୋ' ହାଉସଫୁଲ ରହିଛି । ଏହି ଶୋ' ଦେଖି ଥାଲାପତିଙ୍କ ଫିଲ୍ମକୁ ବେଶ ପସନ୍ଦ କରିଛନ୍ତି । ଏନେଇ ବର୍ତ୍ତମାନ ଫ୍ୟାନ୍ସ ଫିଲ୍ମକୁ ନେଇ ଏକ୍ସରେ ପ୍ରତିକ୍ରିୟା ଦେଉଛନ୍ତି । ଫିଲ୍ମକୁ 'ବ୍ଲକବ୍ଲଷ୍ଟର' ଟ୍ୟାଗ୍ ଦେଇଛନ୍ତି ।

ଏକ୍ସ ରିଭ୍ୟୁ:

ଥାଲାପତି ବିଜୟ ସାଉଥର ଲୋକପ୍ରିୟ ତାରକାଙ୍କ ମଧ୍ୟରେ ଅନ୍ୟତମ। ଏହି ଫିଲ୍ମ ଘୋଷଣା ହେବା ଦିନ ଠାରୁ ଫ୍ୟାନ୍ସ ଏହାର ରିଲିଜକୁ ଉତ୍ସାହର ସହ ଅପେକ୍ଷା କରିଥିଲେ । ବର୍ତ୍ତମାନ ଫିଲ୍ମ ରିଲିଜ ହୋଇଥିବା ବେଳେ ଫ୍ୟାନ୍ସ ଫିଲ୍ମ ଦେଖି ଦିୱାନା ହୋଇଛନ୍ତି । ଫିଲ୍ମକୁ ନେଇ ଏକ୍ସରେ ପ୍ରତିକ୍ରିୟା ଦେଉଛନ୍ତି । ଜଣେ ଫ୍ୟାନ ଲେଖିଛନ୍ତି, #GOAT # TheGreatestOfAllTime- ପ୍ରଥମାର୍ଦ୍ଧ, କମେଡି, ଆକ୍ସନ, ଇମୋସନରେ ଭରପୁର । ଯାହା ଭିନ୍ନ ସ୍ତରକୁ ନେଉଛି । ସୁପରହିଟ୍ ଫିଲ୍ମ। ଅନ୍ୟ ଜଣେ ଥାଲାପତିଙ୍କ ପ୍ରଶଂସା କରି ଲେଖିଛନ୍ତି, ଫିଲ୍ମ ବ୍ଲକବ୍ଲଷ୍ଟର । ଆଉ ଜଣେ 5ରୁ 4.7 ରେଟିଂ ଦେଇ ଲେଖିଛନ୍ତି, ନିଶ୍ଚୟ ଦେଖନ୍ତୁ ଫିଲ୍ମ । ଏହା ସମସ୍ତ ଆଶା ଅତିକ୍ରମ କରିଛି । ସର୍ବଶ୍ରେଷ୍ଠ ସିନେମା ।

ରାତି 2 ଯାଏଁ ଚାଲିବ 'ଗୋଟ' ଶୋ'

ତାମିଲନାଡୁ ସରକାର ଏହି ବହୁ ପ୍ରତୀକ୍ଷିତ ଚଳଚ୍ଚିତ୍ରର ସ୍ୱତନ୍ତ୍ର ଶୋ' ପାଇଁ ଅନୁମତି ଦେଇଛନ୍ତି । ଏହି ଅନୁଯାୟୀ, ସକାଳ 9 ଟାରେ ସ୍ୱତନ୍ତ୍ର ଶୋ' ସ୍କ୍ରିନ କରିବାକୁ ଅନୁମତି ଦିଆଯାଇଛି। ଏହି ଚଳଚ୍ଚିତ୍ରଟି କେବଳ ଗୋଟିଏ ଦିନ ପାଇଁ ସକାଳ 9 ଟାରୁ ରାତି 2 ଟା ପର୍ଯ୍ୟନ୍ତ 5 ଟି ଶୋ' ଦେଖାଇବାକୁ ଅନୁମତି ପାଇଛି । ତାମିଲନାଡୁରେ ଫିଲ୍ମର ଶୋ' ସକାଳ 9 ଟାରୁ ଆରମ୍ଭ ହୋଇଥିବା ବେଳେ କେରଳରେ ପ୍ରଥମ ଶୋ' ସକାଳ 4ଟାରୁ ଆରମ୍ଭ ହୋଇଛି । ସେହିପରି ସକାଳ 7.30 ରେ କୋଏମ୍ବତୁରର ଆଇ-ମ୍ୟାକ୍ସରେ ଏକ ସ୍ୱତନ୍ତ୍ର ଶୋ ’ପ୍ରଦର୍ଶିତ ହୋଇଛି ।

ଏହା ମଧ୍ୟ ପଢନ୍ତୁ:ପରଦାକୁ ଆସିଲା ଥାଲାପତିଙ୍କ 'GOAT'; ସାଉଥରେ ସେଲିବ୍ରେସନର ମାହୋଲ; ପୋଷ୍ଟରରେ କ୍ଷୀର ଢାଳି, ନାଚ-ଗୀତରେ ଝୁମିଲେ ଫ୍ୟାନ୍ସ

'ଗୋଟ' ଫିଲ୍ମ ବିଷୟରେ କହିବାକୁ ଗଲେ,

'ଦ ଗ୍ରେଟେଷ୍ଟ ଅଫ୍ ଅଲ୍ ଟାଇମ୍' ଫିଲ୍ମଟି ଭେଙ୍କଟ ପ୍ରଭୁଙ୍କ ଦ୍ୱାରା ନିର୍ଦ୍ଦେଶିତ । ଏହି ଚଳଚ୍ଚିତ୍ରରେ ଥାଲାପତି ବିଜୟଙ୍କ ସହ ପ୍ରଭୁ ଦେବା, ମାଇକ ମୋହନ, ପ୍ରଶାନ୍ତ, ସ୍ନେହା, ଲେଲା, ଜୟରାମ, ଯୋଗୀ ବାବୁ ଏବଂ ମୀନାକ୍ଷୀ ଚୌଧୁରୀ ଅଭିନୟ କରିଛନ୍ତି । ଏଥିରେ ବିଜୟ ଡବଲ ରୋଲ ଅର୍ଥାତ ବିଜୟଙ୍କୁ ଏଥିରେ ବାପା ଏବଂ ପୁଅ ଉଭୟ ରୋଲରେ ଦେଖିବାକୁ ମିଳିଛି । ଏହି ଫିଲ୍ମରେ ବିଜୟଙ୍କ ସହ ଲିଓ ସହ- ଅଭିନେତ୍ରୀ ଅଭିନେତ୍ରୀ ତ୍ରିଷା କ୍ରିଷ୍ଣନ ମୁଖ୍ୟ ଭୂମିକାରେ ନଜର ଆସିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ