ନୂଆଦିଲ୍ଲୀ:ତାରକ ମେହତା କା ଉଲଟା ଚଷମାର ଅଭିନେତା ଗୁରୁଚରଣ ସିଂ ନିଖୋଜ ଘଟଣା । ନିଖୋଜର 25ଦିନ ପରେ ଘରକୁ ଫେରିଲେ ଗୁରୁଚରଣ । ପୋଲିସ ତାଙ୍କ ବିବୃତ୍ତି କୋର୍ଟରେ ରେକର୍ଡ କରିଛି। ଆଧ୍ୟାତ୍ମିକ ଯାତ୍ରାରେ ଯିବା ପାଇଁ ସେ ଘରୁ ଚାଲିଯାଇଥିଲେ ବୋଲି ଦିଲ୍ଲୀ ପୋଲିସ କହିଛି । ଏପ୍ରିଲ 22 ତାରଖ ଦିନ ସେ ନିଖୋଜ ହୋଇଯାଇଥୀବ ନେଇ ପରିବାର ଲୋକେ ଥାନାରେ ଅଭିଯୋଗ କରିଥିଲେ । ବର୍ତ୍ତମାନ ସେ ଘରକୁ ଫେରିଛନ୍ତି । ପରିବାର ଲୋକେ ଗୁରୁଙ୍କୁ ଦେଖି ଖୁସିରେ ଆତ୍ମବିଭୋର ହୋଇପଡିଛନ୍ତି ।
ଗୁରୁଚରଣ ସିଂ ଙ୍କ ବାପା ଏପ୍ରିଲ 26 ତାରିଖରେ ପୋଲିସ ଷ୍ଟେସନରେ ପୁଅ ନିଖୋଜ ହେବା ନେଇ ଏକ ରିପୋର୍ଟ ଦାଖଲ କରିଥିଲେ । ଏପ୍ରିଲ 22 ତାରିଖ ସକାଳ 8ଟା 30 ମିନିଟରେ ମୁମ୍ବାଇ ଅଭିମୁଖେ ଯାତ୍ରା କରିଥିଲେ ଗୁରୁ । କିନ୍ତୁ ସେ ସେବେଠାରୁ ଆୁ ଘରକୁ ଫେରିନଥିଲେ । ଫୋନ ମଧ୍ୟ ବନ୍ଦ ରହିଛି । ସେ ମାନସିକ ସ୍ତରରେ ସୁସ୍ଥ ରହିଛନ୍ତି । ଆମେ ତାଙ୍କୁ ଖୋଜିବାକୁ ଚେଷ୍ଟା କରିଥିଲୁ କିନ୍ତୁ ପାଇଲୁ ନାହିଁ ବୋଲି ଅଭିଯୋଗ ପତ୍ରରେ ଦର୍ଶାଯାଇଥିଲା । ଏହାପରେ ଦିଲ୍ଲୀ ପୋଲିସ ଏକ ଅପହରଣ ମାମଲା ଦାୟର କରିଥିଲା ଏବଂ ଅଭିନେତାଙ୍କୁ ଖୋଜିବା ପାଇଁ ତଦନ୍ତ ଚଳାଇଥିଲା । ଗୁରୁଚରଣ ଅମୃତସର ଏବଂ ଲୁଧିଆନା ପରି ଅନେକ ସହରର ଗୁରୁଦ୍ୱାର ବୁଲିବା ପରେ ଘରକୁ ଫେରିବା କଥା ଚିନ୍ତା କରିଥିଲେ ।