'ବିଗ ବସ୍ 18' ଘରେ ଆତଙ୍କ ମଚାଇବ ସରକଟା ! 'ସ୍ତ୍ରୀ 2' ର ଏହି ଅଭିନେତାଙ୍କୁ ମିଳିଲା ଅଫର୍ - Sarkata in Bigg Boss 18

Stree 2 Sarkata Aka Sunil Kumar In Bigg Boss 18: ସଲମାନ ଖାନ ପୁଣି ଥରେ 'ବିଗ ବସ 18' ସହ ଆସିବାକୁ ଯାଉଛନ୍ତି। ନିର୍ମାତାମାନେ ଏଥିପାଇଁ ପ୍ରସ୍ତୁତିରେ ବ୍ୟସ୍ତ ଅଛନ୍ତି । ଚଳିତ ଶୋ'ରେ ଏଥର କିଏ ପ୍ରତିଯୋଗୀଭାବେ ସାମିଲ ହେବ ସେନେଇ ଚର୍ଚ୍ଚା ଜୋର ଧରିଛି । ଏହାରି ମଧ୍ୟରେ ବର୍ତ୍ତମାନ ବକ୍ସ ଅଫିସରେ ଧମାକା କରିଥିବା 'ସ୍ତ୍ରୀ 2' ର 'ସରକଟା' ଏଥିରେ ସାମିଲ ହୋଇପାରନ୍ତି ବୋଲି କୁହାଯାଉଛି । ତେବେ କିଏ ଏହି 'ସରକଟା' ଏବଂ ସେ 'ବିଗ ବସ'ରେ ସାମିଲ ହେବେ କି ନାହିଁ ? ଜାଣନ୍ତୁ,

ହାଇଦ୍ରାବାଦ:ବଲିଉଡ ତାରକା ଶ୍ରଦ୍ଧା କପୁର ଏବଂ ରାଜକୁମାର ରାଓ ଅଭିନୀତ 'ସ୍ତ୍ରୀ 2' 2024 ବର୍ଷର ସର୍ବାଧିକ ଆୟ କରିଥିବା ଚଳଚ୍ଚିତ୍ର ମଧ୍ୟରୁ ଗୋଟିଏ ହୋଇପାରିଛି। ଏହି ଚଳଚ୍ଚିତ୍ରଟି କେବଳ ଏହାର ଭଲ କାହାଣୀ ପାଇଁ ନୁହେଁ ବରଂ ଅଭିନେତାମାନଙ୍କ ଉତ୍କୃଷ୍ଟ ଅଭିନୟ ହେତୁ ଶିରୋନାମାରେ ରହିଛି । ଅମର କୌଶିକଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ରରେ ମୁଖ୍ୟ ଅଭିନେତା ତଥା ଅଭିନେତ୍ରୀଙ୍କ ବ୍ୟତୀତ ସବୁଠାରୁ ଅଧିକ ଚର୍ଚ୍ଚାରେ ରହିଛନ୍ତି 'ସରକଟା'। ଫିଲ୍ମରେ 'ସରକଟାଙ୍କ ଆତଙ୍କ’ ଦେଖିବାକୁ ମିଳିଥିବା ବେଳେ ଲୋକେ ଏହାକୁ ଏଡିଟିଂ ବୋଲି ଭାବୁଥିଲେ। ହେଲେ ଆପଣ ଜାଣନ୍ତି କି ? ଏହି ନକାରାତ୍ମକ ଭୂମିକାରେ ଜଣେ ବ୍ୟକ୍ତି ଅଭିନୟ କରିଛନ୍ତି । ଏହି ସବୁ ମଧ୍ୟରେ ବର୍ତ୍ତମାନ ଖବର ଆସୁଛି ଯେ, ସରକଟାଙ୍କୁ ଏବେ ସଲମାନ ଖାନଙ୍କ ରିଆଲିଟି ଶୋ' 'ବିଗ୍ ବସ୍ 18'ରେ ଦେଖିବାକୁ ମିଳିବ ।

ସଲମାନ ଖାନ ପୁଣି ଥରେ 'ବିଗ ବସ 18' ସହ କମବ୍ୟାକ କରୁଛନ୍ତି । ନିର୍ମାତାମାନେ ପ୍ରସ୍ତୁତି ଆରମ୍ଭ କରିସାରିଲେଣି । ଚଳିତ ଶୋ'ରେ ଏଥର କିଏ ପ୍ରତିଯୋଗୀ ଭାବେ ସାମିଲ ହେବ ସେନେଇ ଚର୍ଚ୍ଚା ଜୋର ଧରିଥିବା ବେଳେ 'ସ୍ତ୍ରୀ 2' ର 'ସରକଟା' ଏଥିରେ ସାମିଲ ହୋଇପାରନ୍ତି ବୋଲି କୁହାଯାଉଛି । ତେବେ କିଏ ଏହି 'ସରକଟା' ଏବଂ ସେ 'ବିଗ ବସ'ରେ ସାମିଲ ହେବେ କି ନାହିଁ ?

କିଏ ଏହି 'ସରକଟା' ?

'ସ୍ତ୍ରୀ 2' ଆତଙ୍କ ମଚାଇଥିବା ଏହି ସରକଟାହେଉଛନ୍ତି ଅଭିନେତା ସୁନୀଲ କୁମାର । ତାଙ୍କ ଉଚ୍ଚତା ସାଧାରଣ ଲୋକଙ୍କ ତୁଳନାରେ ବହୁତ ଲମ୍ବା। ସୁନୀଲଙ୍କ ଉଚ୍ଚତା 7.7ଫୁଟର ଅଟନ୍ତି । ସୁନୀଲ କୁମାର ଜାମ୍ମୁ କାଶ୍ମୀରର ବାସିନ୍ଦା । ସୁନୀଲ ଜଣେ ପୋଲିସ କନଷ୍ଟେବଳ ଥିବା ବେଳେ ସେ ହ୍ୟାଣ୍ଡବଲ ଏବଂ ଭଲିବଲ ଖେଳିବାକୁ ପସନ୍ଦ କରନ୍ତି। କ୍ରୀଡା କୋଟା ମାଧ୍ୟମରେ ସୁନୀଲ କୁମାର ପୋଲିସ ବିଭାଗରେ ଚାକିରି ପାଇଛନ୍ତି। କେବଳ ଏତିକି ନୁହେଁ, ସୁନୀଲ କୁମାର ମଧ୍ୟ 2019 ମସିହାରେ WWE ଟ୍ରାଏଆଉଟ ପାଇଁ ଯାଇଥିଲେ । ବର୍ତ୍ତମାନ ସେ ଫିଲ୍ମରେ ତାଙ୍କ ଅଭିନୟ ପାଇଁ ବେଶ ପରିଚିତ ହୋଇପାରିଛନ୍ତି ।

'ସରକଟା' ଓରଫ ସୁନୀଲ କୁମାରଙ୍କୁ 'ବିଗ ବସ୍' ଅଫର୍

ନିକଟରେ ଏକ ସାକ୍ଷାତକାରରେ 'ସରକଟା' ଓରଫ ସୁନୀଲ ଏକ ରିଆଲିଟି ଶୋ' ପାଇଁ କଲ୍ ଆସିବା ବିଷୟରେ ଖୋଲାଖୋଲି ଭାବେ କହିଥିଲେ। ଏହି ସମୟରେ ଯେତେବେଳେ ତାଙ୍କର ପରବର୍ତ୍ତୀ ଯୋଜନା ବିଷୟରେ ତାଙ୍କୁ ପଚରାଗଲା, ''ସେ କହିଥିଲେ, 'ମୁଁ ବର୍ତ୍ତମାନ ବିଗ୍ ବସ୍ ଠାରୁ ଏକ କଲ ପାଇଛି। ସେମାନେ କହୁଛନ୍ତି ଯେ ଏହା 'ବିଗ୍ ବସ୍' ପାଇଁ ଅକ୍ଟୋବରରେ ଆରମ୍ଭ ହେବ । ମୋତେ ଛୁଟି ପାଇଁ ଅନୁରୋଧ କରିବାକୁ ପଡିବ । ଆମର ପୋଲିସ୍ କର୍ମଚାରୀମାନେ ବହୁତ ସାହାଯ୍ୟ କରନ୍ତି । ଚଳଚ୍ଚିତ୍ର, ବିଜ୍ଞାପନ କିମ୍ବା କୁସ୍ତି ପ୍ରୋଗ୍ରାମ ପାଇଁ ସେମାନେ ମୋତେ ଛୁଟି ଦେବାରେ ସାହାଯ୍ୟ କରନ୍ତି ଏବଂ ସେମାନେ ମୋର ଛୁଟି ଅନୁରୋଧକୁ କେବେ ବି ମନା କରନ୍ତି ନାହିଁ । ତେବେ ମୁଁ ଭାବୁଛି । ପରବର୍ତ୍ତୀ ସମୟରେ ଜଣାପଡିବ ।''

ଏହା ମଧ୍ୟ ପଢନ୍ତୁ:କମୁନି କ୍ରେଜ, ବଢୁଛି ଆୟ; ଖୁବଶୀଘ୍ର 500 କୋଟି କ୍ଲବରେ ସାମିଲ ହେବ 'ସ୍ତ୍ରୀ 2'

ଏହି ତାରକାମାନେ 'ବିଗ୍ ବସ୍ 18' ରେ ସାମିଲ ହୋଇପାରନ୍ତି

ସୁନୀଲ କୁମାରଙ୍କ ବ୍ୟତୀତ ଅର୍ଜୁନ ବିଜଲାନି, ଶୋଏବ ଇବ୍ରାହିମ, ମାନସୀ ଶ୍ରୀବାସ୍ତବ, କଶୀଶ କପୁର, ବିଶାଲ ପାଣ୍ଡେ, ଡିଜିଭାଇ ରାଠୀ ଏବଂ ଅନ୍ୟ ସେଲିବ୍ରିଟିମାନେ ବିଗ୍ ବସ୍ 18 ରେ ଭାଗ ନେବେ ବୋଲି ଆଶା କରାଯାଉଛି।

ବ୍ୟୁରୋ ରିପୋର୍ଟ, ଇଟିଭି ଭାରତ