ହାଇଦ୍ରାବାଦ:ବହୁ ପ୍ରତୀକ୍ଷିତ ଚଳଚ୍ଚିତ୍ର 'ସିକନ୍ଦର'ର ଟିଜର ଆଜି 27 ଡିସେମ୍ବରରେ ସଲମାନ ଖାନଙ୍କ 59 ତମ ଜନ୍ମଦିନ ଅବସରରେ ମୁକ୍ତିଲାଭ କରିବାର ଥିଲା । ହେଲେ ବର୍ତ୍ତମାନ ଏହାକୁ ସ୍ଥଗିତ ରଖାଯାଇଛି । ଡିସେମ୍ବର 26(ଗୁରୁବାର) ରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ଦେହାନ୍ତ ହେତୁ ଏହି ନିଷ୍ପତ୍ତି ନିଆଯାଇଛି। ତେବେ ନିର୍ମାତାମାନେ ମନମୋହନ ସିଂଙ୍କ ବିଯୋଗରେ ଶୋକ ପ୍ରକାଶ କରି ଏହି ସୂଚନା ଦେଇଛନ୍ତି । ଏଥିସହ 'ସିକନ୍ଦର'ର ଟିଜରର ନୂଆ ରିଲିଜ୍ ତାରିଖ ଘୋଷଣା କରିଛନ୍ତି ।
'ସିକନ୍ଦର' ଟିଜରର ରିଲିଜ ସ୍ଥଗିତ
'ସିକନ୍ଦର' ଟିଜର ଆଜି ରିଲିଜ ହେବନାହିଁ। ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ଦେହାନ୍ତ ହେତୁ ଏହାର ରିଲିଜ ତାରିଖ ସ୍ଥଗିତ ରଖାଯାଇଛି। ସାଜିଦ ନାଦିଆଡୱାଲା ସିକନ୍ଦର ଟିଜର ରିଲିଜର ନୂଆ ତାରିଖ ଘୋଷଣା କରିଛନ୍ତି। ଏହି ଆକ୍ସନ୍ ଥ୍ରୀଲର ଫିଲ୍ମର ଟିଜର ବର୍ତ୍ତମାନ ଡିସେମ୍ବର 28 ରେ 11:07 ରେ ଅନଲାଇନରେ ମୁକ୍ତିଲାଭ କରିବ । ନାଡିଆଡୱାଲା ସନ୍ ଚିତ୍ତବିନୋଦନ ଅଫିସିଆଲ୍ ଏକ୍ସ ଆକାଉଣ୍ଟରେ ଏହା ସୂଚନା ଦେଇଛନ୍ତି । ସେ ପୋଷ୍ଟରେ ଲେଖିଛନ୍ତି, "ଆମର ସମ୍ମାନିତ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଜୀଙ୍କର ଦେହାନ୍ତକୁ ଦୃଷ୍ଟିରେ ରଖି ଆମେ ଦୁଃଖିତ ଏବଂ ଏଥିପାଇଁ ଆମେ 'ସିକନ୍ଦର'ର ଟିଜର ରିଲିଜକୁ ସ୍ଥଗିତ ରଖାଯାଇଛି। ଏହା ବର୍ତ୍ତମାନ 28 ଡିସେମ୍ବର ଦିନ 11:07 ରେ ମୁକ୍ତିଲାଭ କରିବ।"