ହାଇଦ୍ରାବାଦ:ବଲିଉଡର ଗ୍ରୀକ୍ ଗଡ୍ ଭାବରେ ଜଣାଶୁଣା ହ୍ରିତିକ ରୋଶନ ଆଜି 51 ବର୍ଷ ବୟସରେ ପଦାର୍ପଣ କରିଛନ୍ତି । ଏହା ବ୍ୟତୀତ, ଏହି ଦିନଟି ଅଭିନେତାଙ୍କ ପାଇଁ ଆହୁରି ସ୍ୱତନ୍ତ୍ର । ଅଭିନେତା ବଲିଉଡରେ 25 ଗୌରବମୟ ବର୍ଷ ମଧ୍ୟ ପୂରଣ କରିଛନ୍ତି । ନିଜର ଲୁକ, ଡ୍ୟାନ୍ସ ଏବଂ ଫିଟନେସରେ ସମସ୍ତଙ୍କୁ ପାଗଳ କରିଥିବା ଏହି ଅଭିନେତା ଭାରତୀୟ ସିନେମାର ସବୁଠାରୁ ସୁପରଷ୍ଟାର ଅଭିନେତାଙ୍କ ତାଲିକାରେ ନିଜ ସ୍ଥାନ ସୃଷ୍ଟି କରିଛନ୍ତି । ସେ ତାଙ୍କ ଜନ୍ମଦିନକୁ ତାଙ୍କ ଫ୍ୟାନ୍ସ ଏବଂ ବାପାଙ୍କ ସହ ପାଳନ କରିଛନ୍ତି ।
ଫ୍ୟାନ୍ସଙ୍କ ସହ ଜନ୍ମଦିନ ପାଳିଲେ ହ୍ରିତିକ ରୋଶନ
'କହୋ ନା ପ୍ୟାର୍ ହେ'ର ସ୍ପେଶାଲ ସ୍କ୍ରିନିଂରେ ହ୍ରିତିକ୍ ରୋଶନ ନିଜ ଜନ୍ମଦିନର ଗୋଟିଏ ଦିନ ପୂର୍ବରୁ ପ୍ରଶଂସକ ଏବଂ ଗଣମାଧ୍ୟମ ସହ ତାଙ୍କ ଜନ୍ମଦିନ ପାଳନ କରିଛନ୍ତି । ତାଙ୍କ ଜନ୍ମଦିନ ପାଳନର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଛି । କେବଳ ଏତିକି ନୁହେଁ, ସେ ତାଙ୍କ ପ୍ରଶଂସକଙ୍କ ସହ ମଞ୍ଚ ମଧ୍ୟ ସେୟାର କରିଛନ୍ତି । ଭାଇରାଲ୍ ଭିଡିଓରେ ସେ 'କହୋ ନା ପ୍ୟାର୍ ହେ'ର ଟାଇଟଲ୍ ଗୀତରେ ହୁକ୍ ଷ୍ଟେପ୍ କରୁଥିବା ନଜର ଆସିଛନ୍ତି ।
'କହୋ ନା ପ୍ୟାର୍ ହେ' ପୁଣି ରିଲିଜ
ହ୍ରିତିକ ରୋଶନ ଜାନୁଆରୀ ୧୦ରେ ତାଙ୍କ ଜନ୍ମଦିନ ସହ 'କହୋ ନା ପ୍ୟାର୍ ହେ'ର ୨୫ ବର୍ଷ ପାଳନ କରୁଛନ୍ତି । 'କହୋ ନା ପ୍ୟାର ହେ' ହ୍ରିତିକ ଏବଂ ଅମୀଷା ପଟେଲ ଉଭୟଙ୍କ ଡେବ୍ୟୁ ଫିଲ୍ମ ଥିଲା । ଏହା ୧୪ ଜାନୁଆରୀ ୨୦୦୦ରେ ମୁକ୍ତିଲାଭ କରିଥିଲା ଏବଂ ଏକ ବିପୁଳ ସଫଳତା ହାସଲ କରିଥିଲା । ଏହି ଫିଲ୍ମ ପାଇଁ ହ୍ରିତିକ୍ ରାତାରାତି ଷ୍ଟାର ହୋଇଥିଲେ । ୨୫ ବର୍ଷ ପରେ, ହ୍ରିତିକ୍ ରୋଶନଙ୍କ ଏହି ଫିଲ୍ମ ଆଜି ପୁଣି ଥରେ ମୁକ୍ତିଲାଭ କରିବାକୁ ଯାଉଛି । କହିରଖୁଛୁ କି, ହ୍ରିତିକଙ୍କ ଏହି ଚଳଚ୍ଚିତ୍ର 92 ପୁରସ୍କାର ହାତେଇଥିଲା । କେବଳ ଏତିକି ନୁହେଁ, ଏହି ଚଳଚ୍ଚିତ୍ରର ନାମ 'ଗିନିଜ୍ ବୁକ୍ ଅଫ୍ ୱାର୍ଲ୍ଡ ରେକର୍ଡସ୍'ରେ ମଧ୍ୟ ରେକର୍ଡ ହୋଇଛି । ଏହି ଚଳଚ୍ଚିତ୍ର 2000ର ଦ୍ୱିତୀୟ ସର୍ବାଧିକ ଆୟ କରିଥିବା ଚଳଚ୍ଚିତ୍ର ଥିଲା । ଏହି ଫିଲ୍ମ ବକ୍ସ ଅଫିସରେ 276.87 କୋଟି ଟଙ୍କା ଆୟ କରିଥିଲା ।
ଏହା ମଧ୍ୟ ପଢନ୍ତୁ:ଏହି ଦିନ ପୁଣି ରିଲିଜ ହେବ ହ୍ରିତିକ-ଅମୀଷାଙ୍କ ଡେବ୍ୟୁ ଫିଲ୍ମ, ଜିତିଥିଲା 92 ଆୱାର୍ଡ
ହ୍ରିତିକ ରୋଶନଙ୍କ ଆଗାମୀ ଫିଲ୍ମ ବିଷୟରେ କହିବାକୁ ଗଲେ, ସେ 'ୱାର୍ 2'ରେ ନଜର ଆସିବେ, ଯାହା ତାଙ୍କର 2019 ଆକ୍ସନ୍ ଥ୍ରୀଲର 'ୱାର୍ର'ର ସିକ୍ୱେଲ୍ । ସ୍ୱତନ୍ତ୍ର ସ୍କ୍ରିନିଂ ସମୟରେ ସେ କହିଥିଲେ ଯେ ସେ ଫିଲ୍ମ ପାଇଁ ଏକ ନୃତ୍ୟ ନମ୍ବର ପ୍ରସ୍ତୁତ କରୁଛନ୍ତି, ଯେଉଁଥିରେ ସାଉଥ ତାରକା ଜୁନିଅର ଏନଟିଆର ମଧ୍ୟ ନଜର ଆସିବେ।
ବ୍ୟୁରୋ ରିପୋର୍ଟ, ଇଟିଭି ଭାରତ
