ହାଇଦ୍ରାବାଦ:ହ୍ରିତିକ ରୋଶନ ଏବଂ ଦୀପିକା ପାଦୁକୋନଙ୍କ ଫିଲ୍ମ 'ଫାଇଟର' ଜାନୁଆରୀ ୨୫ରେ ରିଲିଜ ହୋଇଥିଲା । ଏହି ଫିଲ୍ମ ଓପନିଂ ଦିନ ଠାରୁ ଭଲ ପ୍ରଦର୍ଶନ କରୁଛି । କେବଳ ଭାରତରେ ନୁହେଁ ସାରା ବିଶ୍ବରେ ଫିଲ୍ମର କ୍ରେଜ ଦେଖିବାକୁ ମିଳିଛି । ବର୍ତ୍ତମାନ ଏହି ଫିଲ୍ମ ରିଲିଜର ଏକ ସପ୍ତାହ ମଧ୍ୟରେ ବିଶ୍ବରେ ୨୫୦ କୋଟି ପାର୍ କରି ସଫଳତା ହାସଲ କରିଛି । ସେପଟେ ଭାରତରେ ଖୁବଶୀଘ୍ର ୧୫୦କୋଟି କ୍ଲବରେ ସାମିଲ ହେବ ଫିଲ୍ମ ।
'ଫାଇଟର' ବିଶ୍ବ ବକ୍ସ ଅଫିସ କଲେକ୍ସନ
ରିପୋର୍ଟ ଅନୁସାରେ, 'ଫାଇଟର' ସପ୍ତମ ଦିନରେ ବିଶ୍ବ ବକ୍ସ ଅଫିସରେ ୧୧.୭୦କୋଟି ଆୟ କରିଛି । ତେବେ ଫିଲ୍ମର ମୋଟ ବକ୍ସ ଅଫିସ କଲେକ୍ସନ ୨୫୨.୫୨କୁ ବୃଦ୍ଧି ପାଇଛି । ପ୍ରଥମ ଦିନରେ ଏହି ଫିଲ୍ମ ୩୬.୦୪ କୋଟି ଆୟ କରିଥିଲା । ପରେ ଦ୍ବିତୀୟ ଦିନରେ ୬୪.୫୭ କୋଟି, ତୃତୀୟ ଦିନରେ ୫୬.୧୯ କୋଟି, ୪ର୍ଥ ଦିନରେ ୫୨.୭୪ କୋଟି ଏବଂ ପଞ୍ଚମ ଦିନରେ ୧୬.୩୩ କୋଟି ଏବଂ ୬ଷ୍ଠ ଦିନରେ ଏହି ଫିଲ୍ମ ବିଶ୍ବରେ ୧୪.୯୫ କୋଟି ଆୟ କରିଥିଲା ।
'ଫାଇଟର' ଭାରତୀୟ ବକ୍ସ ଅଫିସ କଲେକ୍ସନ
ସେପଟେ 'ଫାଇଟର' ଭାରତୀୟ ବକ୍ସ ଅଫିସ କଲେକ୍ସନ ବିଷୟରେ କହିବାକୁ ଗଲେ, ଏହି ଫିଲ୍ମ ଭାରତରେ ୨୨.୫ କୋଟି ସହ ଓପନିଂ କରିଥିଲା । ଦ୍ବିତୀୟ ଦିନରେ ଏହା ୩୯.୫ କୋଟି, ତୃତୀୟ ଦିନରେ ୨୭.୫ କୋଟି, ଚତୁର୍ଥ ଦିନରେ ୨୯ କୋଟି, ପଞ୍ଚମ ଦିନରେ ୮କୋଟି, ଷଷ୍ଠ ଦିନରେ ୭.୫ କୋଟି ଏବଂ ସପ୍ତମ ଦିନରେ ୬.୫ କୋଟି ଆୟ କରିଛି । ତେବେ ଫିଲ୍ମର ମୋଟ କଲେକ୍ସନ ୧୪୦.୫କୋଟିରେ ପହଞ୍ଚିଛି । ଏହିପରି ଖୁବଶୀଘ୍ର ୧୫୦କୋଟି କ୍ଲବରେ ଏଣ୍ଟ୍ରି କରିବ ।
ଏହା ମଧ୍ୟ ପଢନ୍ତୁ:ଫାଇଟରକୁ ପ୍ରଶଂସାରେ ପୋତି ପକାଇଲେ ଆର ମାଧବନ
କହିରଖୁଛୁ କି, ଏହି ଫିଲ୍ମର ଫ୍ୟାନ୍ସ ବ୍ୟତୀତ ବଲିଉଡ ସେଲିବ୍ରିଟି ମଧ୍ୟ ଦିୱାନା ହୋଇଛନ୍ତି । ନିକଟରେ ଅର୍ଜୁନ କପୁର, ଟାଇଗର ଶ୍ରଫ, ଆର ମାଧବନ ଏବଂ ଶିଳ୍ପା ସେଟ୍ଟୀ ଏହି ଫିଲ୍ମର ଖୁବ ପ୍ରଶଂସା କରିବା ସହ ଫିଲ୍ମର ପୁରା ଟିମକୁ ଶୁଭକାମନା ଜଣାଇଥିଲେ । କହିରଖୁଛୁ କି, ସିଦ୍ଧାର୍ଥ ଆନନ୍ଦ ଏହି ଫିଲ୍ମର ନିର୍ଦ୍ଦେଶନା ଦେଇଥିବା ବେଳେ ଭିଆକମ୍ 18 ଷ୍ଟୁଡିଓ ଏବଂ ମାର୍ଫ୍ଲିକ୍ସ ପିକ୍ଚର୍ସ ଦ୍ୱାରା ଏହି ଚଳଚ୍ଚିତ୍ରଟି ପ୍ରସ୍ତୁତ କରାଯାଇଛି । ହ୍ରିତିକ ରୋଶନ ଏବଂ ଦୀପିକା ପାଦୁକୋନଙ୍କ ବ୍ୟତୀତ ଏହି ଫିଲ୍ମରେ ଅନୀଲ କପୁର, କରଣ ସିଂ ଗ୍ରୋଭର, ଅକ୍ଷୟ ଓବରୋଏ ପ୍ରମୁଖ ତାରକା ଏଥିରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ।
