ହାଇଦ୍ରାବାଦ:ଗ୍ଲୋବାଲ ଷ୍ଟାର ପ୍ରିୟଙ୍କା ଚୋପ୍ରାଙ୍କ ସ୍ବାମୀ ତଥା ଆମେରିକୀୟ ଗାୟକ ନିକ ଜୋନାସ ନିଜ ଭାଇମାନଙ୍କ ସହ ପ୍ରଥମ ଥର ପାଇଁ ଭାରତରେ ଫରଫର୍ମ କରିଛନ୍ତି । ଶନିବାର ଆୟୋଜିତ ଲୋଲାପାଲୋଜା ଇଣ୍ଡିଆ ୨୦୨୪ରେ ଦମଦାର ପ୍ରଦର୍ଶନ କରି ଦର୍ଶକଙ୍କ ମନ ଜିତିଛନ୍ତି ନିକ ଜୋନାସ । ଏହି ସମୟରେ ଜୋନାସ ବଦର୍ସଙ୍କୁ ଜୋରଦାର ସ୍ବାଗତ କରାଯାଇଥିବା ବେଳେ 'ଜିଜୁ ଜିଜୁ' ନାରାରେ କମ୍ପିଥିଲା ଶୋ'ର ମାହୋଲ । ସେପଟେ ଏହି କାର୍ଯ୍ୟକ୍ରମରେ ବଲିଉଡ ଅଭିନେତ୍ରୀ ତାପସୀ ପନ୍ନୁ ସାମିଲ ହୋଇଥିବା ବେଳେ ସୋସିଆଲ ମିଡିଆରେ ଏହାର ଝଲକ ଦେଖାଇଛନ୍ତି ।
ମୁମ୍ବାଇରେ ଲୋଲାପାଲୋଜା କନସର୍ଟ ଆୟୋଜିତ ହୋଇଥିଲା, ଯେଉଁଥିରେ ନିକ ନିଜ ଭାଇ କେଭିନ ଏବଂ ଜୋଙ୍କ ସହ ଦମଦାର ଫରଫର୍ମ କରିଛନ୍ତି । ଏହି ସମୟରେ ଜୋ ଏବଂ କେଭିନ ନିକଙ୍କୁ 'ଭିଣୋଇ' ଭାବରେ ପରିଚିତ କରାଇଥିଲେ । ଏହା ପରେ 'ଜିଜୁ ଜିଜୁ' ନାରାରେ କମ୍ପିଥିଲା ଶୋ'ର ମାହୋଲ । ମ୍ୟୁଜିକ୍ କନସର୍ଟର ଅନେକ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଛି । ଭିଡିଓରେ ନିକ ୟେଲୋ ଆଉଟଫିଟରେ ନଜର ଆସିଛନ୍ତି । ଶୋ'ରେ ନିକ ବିଦେଶୀ ଗୀତ ଗାଇବା ସହ ଲୋକପ୍ରିୟ ଗାୟକ କିଙ୍ଗଙ୍କ ସହ 'ତୁ ମାନ ମେରି ଜାନ' ଗାଇ ଭାରତୀୟ ଫ୍ୟାନ୍ସଙ୍କୁ ଉତ୍ସାହିତ କରିଥିବା ନଜର ଆସିଛନ୍ତି ।