मुंबई - Akshay Kumar Bhooth Bangala : अभिनेता अक्षय कुमारनं 9 सप्टेंबर रोजी, त्याच्या 57 व्या वाढदिवशी 'भूत बंगला' या नवीन चित्रपटाची घोषणा करून चाहत्यांना एक भेट दिली होती. 'भूत बंगला' या हॉरर कॉमेडी चित्रपटाचं दिग्दर्शन प्रियदर्शन करत आहे. यापूर्वी प्रियदर्शननं अक्षय कुमारबरोबर 'भूल भुलैया' (2007) हा ब्लॉकबस्टर चित्रपट दिला होता. अक्षय आणि प्रियदर्शन आता 14 वर्षांनंतर पुन्हा एकदा धमाका करण्यासाठी बॉक्स ऑफिसवर येत आहेत. दरम्यान 'भूत बंगला' चित्रपटातील उर्वरित स्टारकास्टची नावे समोर आली आहेत. या चित्रपटात कोणते स्टार्स एन्ट्री करेल आहे, याबद्दल आता आम्ही तुम्हाला सांगणार आहोत.
'हे' स्टार्स करणार एन्ट्री: 'भूत बंगला' चित्रपटात प्रवेश करण्याऱ्या या स्टार्सनी आपल्या कॉमेडीनं अनेक चित्रपट 'ब्लॉकबस्टर' दिले आहेत. या तिन्ही स्टार्सने अक्षय कुमारबरोबर काम केलं आहे. या कलाकारांची नाव परेश रावल, राजपाल यादव आणि असरानी आहेत. अक्षय कुमारबरोबर कॉमेडी चित्रपटांचं हे त्रिकूट 'भूल भुलैया', 'हेरा फेरी' आणि 'गरम मसाला' या चित्रपटांमध्येही दिसलं आहे. या तिन्ही नावांची निर्मात्यांनी अद्याप पुष्टी केलेली नाही. आता सोशल मीडियावर 'भूत बंगला' हा चित्रपट हिट होणार, याची खात्री अनेकजण देत आहेत. सोशल मीडियावर सध्या या त्रयीबद्दल चर्चा होताना दिसत आहेत.